الرمانات جننتني ,’, افيدوني يا اهل الخبره

ياعمي لا تجننك ولا تجننها
الموضوع بسيط جدا
اول شي تأكد 100% من عطل الرمانات وذلك بأنك تفحصها في ميزان الكتروني بيرفعوا كل كفر لوحده ويدوروه بواسطة جهاز بسرعه ووقتها بيطلع هل الصوت من الرمان او لأ
الفحص مجاني طبعا
نيجي للرمان هو عباره عن القطعه اللي تسمح للكفر بالدوران يعني خرابها هو توقف مفاجئ للكفر وانصحك بسرعة التصليح ولا تهملها لو ثبت انها خربانه
انا انه الفلنجة راحت فيها استبعد خصوصا انك قلت شهر وحتى سنه وسنتين استبعد تلف الفلنجة الا بحالات حاصة جدا جدا جدا يكونبها الرمان غير اصلي ويفرط مع الإطار الخاص به ويتسبب مع الحرارة بكسر الفلنجه مع اني استبعد ذلك
ليش يخرب الرمان ؟ ببساطه زي اي قطعه استهلاكيه تخرب مع الاستهلاك الطويل ويقصر عمرها لو كانت تجاري يعني احرص على الأصلي
تشتري رمانات او فلنجات كاملة هذه ما ادري عن وضع سيارتك بعض السياراى يجي الرمان منفصل وممكن تشتريه وتكبسه على الفلنجة القديمة زي سيارتي الجهة الأمامية
والبعض ما يجي منفصل لازم تشتري الرمان مع الفلنجة زي الجهة الخلفيه من سيارتي

ولو كان عندك لازم تشتري الرمان مع الفلنجة وما تبي تدفع ممكن تروح اي مخرطة يسحب الرمان من الفلنجة وتشتري رمان نوعية جيده وتكبسه ولكن هذه عملية غير مضمونة النتائج لأنها توليييف
واتوقع قطع سيارتك معقولة السعر ومتوفرة وانت ادرى هل يستاهل الموتر تدفع عليه او لأ

أتوقع جواب ما يخرش الميه على قولة أخوتنا المصريين