السلام عليكم
في البدايه اتمنى انكم جميعا بخير
ان شاء الله السنه هذي راح نتردد على الجامعه وعلشان كذا انا ارغب بسياره جديده وودي استشيركم
في البدايه الميزانيه حوالي 110 _120 الف
السياره اللي ابيها اتمنى انها تكون
1- يابانيه <*****< شرط الوالد وانا ارغب بالامريكي بشدددددة بس يوم قال ياباني قلت له سم وآمر
2- صبوره لاني بكرفها سبع سنوات تقريبا وغير كذا انا راح اكون ان شاء الله مشغول بالدراسه لذلك ابيها تكون اعتماديه ولا تشغلني وكذا وكذلك قطع غيارها مناسبه مو تصلخ الواحد
3ـ اهم شي بالسياره الراحه بالخططط ( مو مهم داخل المدينه بيكون فيه سياره ثانيه ) وغير العزل والهدووووء وهذي جدا جدا مهمه لاني من النوع اللي يصدع راسه من الازعاج
4- الرساوة تكون جيده على سرعه 160 تقريبا وكذلك الهدوء والتماسك
5ـ بقيه المواصفات الكماليه والقوة تجي بالدرجة الثانيه من الاهميه واهمها التبريد وتبريد المراتب وراحه المراتب واستجابه السياره والصرفي وطبعا شكلها يكون حلو شوي ( لسى عمري 19 ما شيبت خخخخ )
خذو بحسابكم اني راح اتردد يوميا 100 كيلو رايح و100 جاي يعني حوالي 200كيلو او اكثر شوي ( الله يعين ) لذلك اتمنى السياره تكون مناسبه
من السيارات الي حاطها في راسي على الترتيب
1- ماكسيما 2ـ افالون 3- مازدا الترا ( لو وجدت ) 4- اكورد سته سلندر 5- التيما سته سلندر
وانا اعرف انكم ان شاء الله ما راح تقصرون بالنصايح والتجارب كما تعودت عليكم
مشكورين مقدما وانا بأنتظاركم
