ياشاباب خلونا ننبه بعضنا بكميرا ساهر يعني هم يبون سلامتنا صحيح خلاص نبي نثبت صدق نواياهم
الامر بسيط وهو ان كل و احد يمر ويشوف سيارة او كميرا ساهر امامه يولع فلشر والي جنبه يولع فلشر والي امام والي خلف بحيث يتنبهون الي بعدهم وحتى الي في المسار الاخر اذا شاف سيارة ساهر في الجهه الاخرى يبدون بتكبيس الانوار للي في جهة سيارة ساهر وبكذا اذا انتشرت هذي الطريقه بين الشباب والشيبان والشعب السعودي وسواقين الاجره واصحاب الشاحنات صدقوني رايح تنبسط الشركة القائمه على نظام ساهر والقائمين عليه لانهم يبون لنا السلامه ونجحت الفكره الي يبونها في تقليل المخالفين وانهم حقاً لايسعون للربح المادي على قولتهم اذا خلو الايام تمر بدون قسائم ونشوف خلو سيارات ساهر تمضي وقفتها في الشوارع بدون مكسب ونشوف .
وانا عني شخصياً من يوم اشوف سيارة ساهر وانا مولع الفلشر للي بعدي واذا شفته على الجهه الثانيه على طووول اكبس بالنور للي مقابلني يالله ياشباب طبقو وانشرو وانا شفت مجموعه من الشباب بادين يطبقون هذا التنبيه فل نكن الى جنبهم ونبهني ونبهك .
وخلوها تصير شي واضح للجميع وشي متفق عليه من يوم تشوف فلشر اعرف ان هناك ساهر وولع فلشرك وايضا للجهة الاخرى من يوم تشوف واحد او اثنين يكبسون بالنور العالي لك ولع فلشرك وهد وفالكم الخير وقلة القسائم ان شاء الله
