للمعلومية كومبريسور المكيف بموديلات 2011 غيروه وصار افضل
بالنسبة للـ ls والـ ltz ما اقدر افيدك في 2011
في موديل 2010 اعتقد كانت تفرق في انظمة الامان والايرباقات
لكن بـ 2011 اعتقد صاروا سوا لكن ماني متأكد
تأكد قبل تشتري السيارة لان موقع شفرولية الشرق الاوسط ما حدثوه لموديلات 2011 والموظفين ما يدرون
بالتوفيق
حلو المكيف الحمدلله مضبوط يعني
وخلاص انا هالايام ان شاء الله بنزل للوكاله واشوف الفروق وشي
جزاك الله خييرر اخوي وماقصرت
بما إنك بتشتري LTZ سألت المندوب بالوكالة قال فل ايرباق بس مدري اش تعني انا عندي LS فيها ايرباقين للسائق والراكب الامامي بالنسبة للنفقيشن فيها شاشة وفيها من الاساس نظام نفقيشن بس مافيه خرائط والوكالة يقولوا ماعندنا بس ان الشاشة فيها نظام خرائط من الاساس بس شاشة LTZ والرويال تختلف عن اللي عندي لان فيها هارديسك اتوقع تخزن فيه والخرائط ماعندي علم وفيه فروق بين ال اس والال تي زد يعني المراتب الامامية تتحرك في 8 وضعيات كهربائي والشاشة تتغير والمكيف افضل بكثير فيه مميزات مثل المناطق الثلاثية للتحكم بالمناخ وبرضه نظام تنقية للهواء من الروائح والشوائب تقدر تضبطه من الشاشه شكل العدادات اجمل وانيق وموجات التحكم حقت المكيف ونظام التسلية انيقه ومطعمه بالكروم وفيها تخشيب واتوقع فيها انظمة زيادة بنظام التعليق وانظمة الفرامل وانظمة الامان هذا اللي اعرفه وبزيارة وحده للوكالة بيقوون لك كل الفروق
اما بالنسبة للصيانة فالضمان والصيانة عالمية يعني مهما كانت الشركة اللي اشتريت من عندها يمديك تصونها عند اي وكيل بنفس المواصفات والمميزات عند اي وكيل جي ام بالعالم وكذلك مراكز اي سي ديلكو يختمون لك بشكل طبيعي واذا صنتها عند اي وكيل بعد ادخالك للسيارة بخمس ايام يتصل عليك مركز جي ام بدبي ويسألك عن مستوى الصيانة وجودة الخدمة وتعامل الموظفين
ومو بس كذا الكابريس بالذات عليها ضمان 3 سنوات و100 الف كيلو متر وتقدر تدفع مبلغ اضافي اتوقع حدود الـ 3 الاف ويمددون الضمان 5 سنوات و200 الف كيلو
والله فروق تغري وتستاهل والله
والحمدلله ريحتني بمسألة الضمان جزاك الله خيـــر اشتري وانا مرتاح ان شاء الله
اخوي ابو حميد
الله يرحم والديك وش ذا السوال ؟؟
انا خابر اخر واحد كان يسال عن حرارة المكينة في الكوابرس توفى قبل 20 سنة
حرارة المكينة صارت من الماضي لله الحمد .. وكل الكوابرس الجديدة من موديلات 2000 الى 2011 ما تعاني من ذا المشكلة ابد
واذا كان موجود عند بعض الناس فامرها محلول وسهل جدا
يا يكون في تنسيم بالرديتر او شق من الضربات او البلف صار قديم ويبي له تغيير بسس
بالنسبة لحرارة زيت القير او القير صارت شي من الماضي من زماااااااااااان
موديلات 2000 - 2008 تقدر تركب مبرد قير خارجي ( زود على مبرد قير الوكالة الداخلي ) عند ترايستار او جيركو مايكلفك ولا 500 ريال راكب جاهز
وله تاثير قوي على تخفيض حرارة القير بالنسبة للي يمسكون خطوط و راعين زرزرة ومقاومات لانهم اكثر ناس تحتاجه
موديلات 2009 - 2011 الوكالة طال عمرك استفاادت من الفيدباك اللي جاها من العملاء ( التعليقات ) ريحتك وركبت مبرد قير خارجي جاهز مجهز بها
المكيف >>> ثلج الثلج اللهم لا حسد
تبي شفرات المكيف تتجمد من قوة التبريد >> ركب بلف حرارة رياضي وبرمج المراوح وركب مروحة المانية اضافية فوق مبرد القير والرديتر
واتوقع اللي مثل وضعك ما يحتاج مثل ذي امور لانك لنت براعي تزويد وتعديل فما تحتاج
اللي يعجبك بالامريكي والشفر بالذات ان له خيارات متعددة ولله الحمد
واكسسوارات الدنيا سواءا خارجية او داخلية .. وقطع تعديل ليييييييييييييييين تدووووووووووووخ
يعني انسى انك بيوم من الايام تمل من الموتر بعكس الشركات والمواتر الثانية
تقبل مرروري
اما ياشيخ حسستني اني اسود وابيض :bigggrin:
يعني الحمدلله الحراره كانت مشغله بالي وارتحت منها الحمدلله
وعن القير والله توي ادري انهم حطو له مبرد خااارجي شيي جميل والله يعني القيير ضبطوه من 2009 والله اول مره اسمع هالمعلومه جزاك الله خيرر
والمكيف خلاص اقتنعت انه كويس :bigggrin: وماظنتي بحتاج مراوح وبرمجه وبلف ومدري وش هالاشياء ذي منب لمها :bigggrin:
وجزاااك الله خير وحياك الله
بالنسبة لك يا صاحب الموضوع انصحك فيها و السياره جنان ماشاء الله
ان شاء الله انها تكون جنان دعواتك لي بالتوفيق :wink:
