السياره فجأه ما عاد تدعس وتبدأ تحن (قير توماتيك) .. !!

بس السياره عندي بتكون طبيعيه وتغيراتها تمام وتجئ هذي الحاله لمن امسك خط يمكن تجي بعد
150 كم واوقف خمس دقايق واكمل وعلى هذا المنوال لين اوصل.
انا اعتقد انه مبرد قير لانه لما تحس ان السياره محتره (ساخنه) تجي هده الحاله لاكن الله يعين
اذا تم انشاء الله حل هذه المشكله خبرتكم .

الكلتشات محروقة و يجب فك القير و تغييرها. الله يعينك. هذه المشكلة معروفة سواءً للدفع الأمامي أو الخلفي حسب الي شفته في اكثر من سيارة. و هو أن يكون التعشيق طبيعي لكن لما يجي الثالث يفضي القير و ما يشبك إلا بالمحاولة الي ذكرتها.


تمامًا كما كان في كابرس 88 سيارة الوالد سابقًا. و السبب فعلاً نقص الزيت. لكن حالة الأخ تختلف و هي على توجه مستقيم و ليس عند الالتفاف.

أخوي صاحب الموضوع..
وضب القير و بترتاح إن شاء الله. ترا الكلتشات شيء استهلاكي [مثل الدسك و الصينية في القير العادي] لكن كلشتات الأوتوماتيك أطول عمرًا بـ 4 مرات على الأقل , و ذلك بشرط:
1- المواظبة على تغيير الزيت في الوقت المحدد (عندك كل 40 الف كم)
2- عدم الإكثار من القومات و cick down

يعني التوضيب لا يعيب السيارة للمكنية و القير. و لكن استخدم قطع الوكالة الأصلية. و احذر من التشليح حتى لو أرخص لكي لا تعاني أكثر مما أنت فيه الآن مع قير مخبط إلا شوي و ما يبين معك إلا بعد كم شهر. نصيحة و اسمعها.

أنا أدري كم أنت تعاني لأني كنت أعاني مثلك و أكثر. و كم هو شعور رفعة الضغط لما يكون القير مخبط و بالذات هذه الحالة أنه يفضي عند الثالث!! بعد التوضيب بتحس بأن سيارتك رجعت جديدة. و هذا شعور مجرب. و قد تتراجع عن بيع السيارة.

اذا كنت في الرياض وحاب تروح عند واحد يشتغل معك بالامانه انا شخصياً غيرت عندو القير وكل ما اتحرك بالسياره ادعيلو بالخير
الوصف : روح الصناعيه القديمه في شارع في الصناعيه معروف بشارع الميازين من كثر مراكز الميزان اذا دخلت عليه من الطريق العام بكون المحل على اليسار اسمو (( الاتوماتيك السعودي)) في واحد اسمو اسماعيل سوداني هذا تخصص قيور

الله يعينك اخوي انا عندي معلومه ممكن تفيدك
ممكن يكون عصا القير خربان الانو D جمب N ممكن عندك العصا مفوت او انو فيها عطل معين
وعتقد لما تحط العصا ع 3 يمسي معك اوكيه لانو ابعتها عن N والله اعلم واذا جيت تغيرها ترا حقها ما يجيب 200 ريال حدها نضيفه ووكييه 150 ريال من التشاليح

انا معايه مكسيما والمشكله هذي عندي من يوم اشتريت السياره كل ما عليه فعله اذا جات المشكله اوقف خمس دقايق واكمل وكشفت كمبيوتر ع القير والمكينه وكلها سليمه اتوقع انه حساس وشهو ما ادري الله يطرحني عليه وارتاح لا تصدق اللي يقولك قير يمكن حساسات اللي اول ما تفك الكرتير تلقاها يمكن بس لونه قير كان السياره ما تعشق معك

القير يحتاج توضيب
والسبب غالباً يكون ان الزيت كان ناقص و انت كملت تمشي بالسيارة
لان سيارتك تعتبر جديدة

وانا مستغرب من الي قال لك ان الزيت ما يتغير؟؟ هذا واحد مايفهم لاني دارس ميكانيكا والزيت لازم يتغير بعد ما يفقد لزوجته لاكن في قيور السيارات تكون مدة طويلة تقريباً 80 الف كيلو

انت كم كيلو سيارتك ماشية ؟؟ ومتى غيرت الزيت اخر مرة ؟؟

واذا بغيت تشتري قير او مكينة من التشليح خلي مكانيكي يشيك عليها اول ويقول لك تصلح او لا حتى لو خسرت 500 ريال زيادة اكيد راح تكون احسن من انك تخسر 5000

فيه شيء اسمه صحن القير بدله و تضبط معك

آخوي جرب تشيك على الكمبيوتر لانه يسويها
آعرف خويي عنده هوندا تعبه القير كله يصير مفضى على الN و أهو يشمي
وضبه ثلاث مرات و آخر شي من الكمبيوتر
شيك ممكن العلة منه
موفق يا غالي

بارك الله فيكم جميعا وجزاكم الله خير ..

للأسف مريت اكثر من ورشة وكلهم قالوا توضيب ..
وردى حظي دخلت السياره بورشه جيركو وشكلهم نصابين ..
قالوا القطع متوفره عندنا وقيمتها 4650 ريال ..
ويوم قلت لهم انا بجيبها من برا .. عطوني لسته ما بقى فيها شيء
ورحت شريت قير من التشليح بـ 2000 ورميته عليهم .. دقوا علي اليوم وقالوا لي القير الي جبته تعبان .. وترا عندي قيور نظيفه بـ 3000 ريال !!
يعني صراحه احس الدعوى يبون يسرقون بالي هي ..
شكلي بطلع السياره لورشه ثانيه ..
بالله يا شباب الي يعرف ورشه صاحيه بتوضيب القيور ويخافون الله لا تنسونا ..
خصوصا اخونا مركز جوانا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ غريبه

كان الله بعونك
القير ودع ويحتاج لتوضيب
وذا النوع من القيرات كثير الاعطال وحساس
مادري بالنسبه لسعر السياره يعتمد على نظافتها اتوقع لو هي سليمه وجيده من جميع النواحي توصل 16 الف والله اعلم
في حال رغبتك بتوضيب القير وانت بالرياض اعطيني خبر وراح نساعدك قدر المستطاع
بالتووفيق

أهلين اخوي ,, بغيت اقولك صارت معي هاي المشكله ,,!!
حاطه D - 3 ودوس بنزين وسياره كأنها بـ N ,,!!
وترجع تمشي معي اوكيه ,,!!
والآن ميه ميه ههه والله يستر ,,!!
تحيااتي

المشكلة هذي صارت لاخوي كان معه مرسدس سي ال اس 350 وبدا يخبط القير وخرب عليه \
لاكن القهر انه توه معدي الضمان

انصحك تروح لضمان اذا عندك

كانت معاي كابريس 90 الله لايعيد ايامها

اذا اخذت اليو تيرن وانا داعس على البنزين فجأه ماتقبل دعس والسياره عننننننننن !!!

طلع زيت القير ناقص وعبيته واعتقد اذا مانسيت المشكله راحت

تأكد من مستوى زيت القير بنفسك وان شاء الله بسيطه

بعض الاحيان المهندسين مايعرفوا طريقة التغيير لذلك يقولك مايتغير حتى لا تروح عند غيره

وللأسف اخوي يتيغير وكذا شخص غير الزيت

أخوكـ

بسم الله الرحمن الرحيم

شيك على الزيت يمكن ناقص واجد وإذا مو ناقص وفيه

ريحة حرق ولونه مايل للسواد هذا يعني الكلتشات محروقة

وفي الغالب يحتاج توضيب

كلتشات وأحزمة فرامل وسيرفو وشنابر ووجة الكرتير وفلتر وزيت

والله أعلم

الله يرضى عليك يا امير ..
بالنسبه للزيت ما قد غيرته ابد .. قبل 4 شهور كنت عند الوكاله وقالوا ما يتغير ابد ينزاد عليه
وقلت لهم شيكوا عليه .. وشيكوا قالوا وضعه تمام ..
الله يستر .. بمرد رد كاب بعد شوي عسى الامور تتيسر ..