ايهم افضل اليوكن اكس ال أو الفورد اكسبدشن

مشكرو أخوي على عرض تجربتك القيمة واللي تفدينا كثير

وأتوقع فيها الكثير من الحيادية

اسمع أخي الكريم
أنا من ملاك الاكسبدشن لكن سأنقل لك تجربتي للسيارتين بحيادية
اليوكن أخف أكثر سلاسة وعزل جيد ومكيف خرافي ومنتشرة بكثرة وهذا يفيدك
مستقبلا بقطع الغيار وخلافه لكن يعيبها ضعف اغلاق تهوية المكيف يحيث تدخل عليك
الروائح الخارجية كذلك عدم قابلية مقاعد الصف الثاني للإمالة للخلف
وأيضا مقاعد الصف الثالث ذات أرضية مرتفعة فلاتناسب إلا الأطفال
أما الاكسبدشن فتتميز بالعزم الأقوى وهدوء صوت المحرك والتعليق المستقل
وقابلية مقاعد الصف الثاني للإمالة وكذلك مقاعد الصف الثالث مريحة حتى للبالغين
وتستطيع سفط الصف الثاني والثالث بحيث تتساوى مع الأرضية تماما فتوفر لك مساحة
كبيرة لنقل الأمتعة ..... والاكسبدشن مريحة بالسفر من ناحية أنك تصل لوجهتك بدون الاحساس
بالتعب والارهاق لو سافرت بسيارة أخرى ..... أما عيوبها فتشمل ضعف التكييف في الدقائق
الأولى لتشغيله لو كانت السيارة تحت أشعة الشمس بعكس اليوكن وأيضا نوع من الثقل
في السيارة وعدم وجود تشغيل للمحرك عن بعد في الفئة الأساسية
وضعف الأنوار الأمامية ...
وأنصحك بتجربة السيارتين والاستخارة ... موفق

ليه ما تشوف الشفروليه سوبر بان ارخص من اليوكن و شكله احلى

السلام عليكم ورحمة الله وبركاته
اشكر الجميع على المشاركة - واقول الله يوفقكم ويرعاكم ويرزقكم ويحفظكم والف الف شكر

اخوي لولا اختلاف الاذواق لبارت السلع وبالنسبة لي شكل الاكسبدشن الخارجي قبيح جدا وتكييفه متوسط وديكوره الداخلي عادي جدا بس يتفوق على التاهو بالعزل الصوتي اما السيكويا مع مكينة وقير اللكزس والتكييف الرائع وانه عملي وجودة لاتقارن ابدا بالفورد والجي ام اخذه وانا مرتاح وارتاح من الاتصال على اصحاب السطحات تحياتي

انا ارشح الاكسبديشن بقوه

السبب : ما كنت اعرفه كثير وطبعا الجموس عند الوالد حدث ولا حرج من موديلات الأـ90 الى يومك هذا وكل موديل ينزل يشريه

لكن استغربت من الاكسبديشن في فخامته والله وتصميمه المميزر من جوى وطبلونه الرياضي ووسعه وقوته وراحته والاهم الشئ اللي ما لقيته في الجموس (الجوده والتماسك)

ما شاء الله عكس الجموس بعد الـ1000 كيلو تسمع صوت البيبان ترقل (لحد يخش في عيني عن تجربه)

واللي يقول سيكويا اول شئ شكله قبيح مع احترامي لكم

الشئ الثاني سعره 200 الف !!

واقل نوع منه ماهو افضل من الاكسبديشن فل وخصوصا الشكل

.. .. ..

ولو تبي موتر صح ويتحمل وخرابات قليله وفخامه اسطوريه وقوه عجيبه ووسع وفخامه داخليه عجيبه

خذ لك ارمادا . وجودته والله انها اطلق من الجموس

وجربه صدقني انك تكره الجموس بعدها

تحيآتي لك

ارشح لك السيكويا تويوتا ومكينة جيب لكزس وقير جيب لكزس وجودة عالية وتكييف ممتاز والله يوفقك

طبعًا اكسبيدشن أفضل بكثير
وأكثر راحة في القيادة (أقولها من خلال تجربة)
والشركة سيكون لها عرض جميل خلال الشهرين القادمة لا تستعجل
إن شاء الله
وأيضًا الشركة ستعطيك ضمان 200000 كم على السيارة
ماذا تريد أكثر من هذا ؟؟

غير الي قالوه الشباب .. يكفيك وكاله فورد عن ١٠٠ من وكلاء جي ام سي ..

وطبعا اصوت للاكسبديشن ..

والله ماعرف لها الا انت ولك مني اجمل تحيه :xyxthumbs: :xyxthumbs:

اقول وانا اخوك خذ الاكسبديشن وحط 25 الف ريال في جيبك وتوكل على الله

بس اهم شيء انك تجربها هذا اهم شيء بعد الاستخاره احيانا سياره تكون الافضل عندك

تجربها ماترتاح لها نفسيا او تغير رأيك واحيانا العكس عشان كذا اقولك جربها بأي طريقه

تجربة قياده اجار سلف المهم لاتشتري الا وانت مجرب لو تطلع وحده من تحت الارض :bigggrin:

نصيحه لاتشتري سمك في مويه

خلاصه اكسبديشن اكسبديشن اكسبديشن ولا شف السيكويا اذا تبي الوساع والراحه وقوة المكينه
انصحك لاتتعدى الاثنين ولاتنسى الاستخاره بالتوفيق

الاكسبدشن افضل
عن تجربة الاثنين

والله كلها محيره

بس مثل ما قالوا الشباب يميز الإكسبيدشن عن اليوكن المراتب

لكن بالمميزات اليوكن أفضل

اكسبدش............

انا مع الاكسبيديشن

وسيع ومريح وعزلة رائع وسيارة ما شاء الله تبارك الله

السلبيه الي فيه

مكيفة ما يبردعلى بعد 5 او 10 دقايق تصير السيارة بااردة

بعكس اليوكن الي مكيفة افضل

المقعد الخلفي في الاكسبيديشين افضل من مقعد اليوكون اكس ال

وايضا الشنطة الخلفية في الاكسبيديشين فيها ميزة ستارة جزئية وفي نفس الوقت تقدر تقسمها براحيتك
وايضا المقاعد الخلفية في الاكسبيديشين تقدر تثني ظهورها للخلف لزيادة الراحة اثناء السفر والنوم براحة مطلقة , الجمس للاسف مقاعده الخلفية لا تنثني ظهورها للخلف

عموما الفورد مشاكله اقل من مشاكل الجمس بكثيييير

التصميم ممكن الجمس احلى وافخم لكن الفورد اجود ويعيش اكثر

على كثر مستخدمي الجمس والتاهو فالسيارة ذي بالذات شختك بختك , ياتصيب يا تخيب
يمكن تشتريها وتعيش معاك سنتين وثلاث بدون مشاكل , ويمكن بمجرد ما تطلعها من الشركة تتعطل وتخرب

للاسف جودة سيارات جنرال موتورز لك عليها ملاحظات كثيرة جدا

كلهن طيبات

بس الإكسبيدشن أشوفها أفضل من خلال تجربة لا من ناحية الجودة بالصناعة وقلّت الأعطال والسعة