واخيرا عكاظ تصدح بالحق , وكلاء السيارات رفعوا الاسعار باكثر من 30%

صعبه اخوي انك تمنع الناس من شراء السياره

السياره اصبحت وسيله مهمه في هذا العصر

انا اتكلم للي محتاج السياره لاكن الناس الي تشتري لمجرد الشراء هم السبب

على سبيل المثال

الكزس LS460 الان في الوكاله بـ 405 الف ريال !! و موديل 2007 اول ما نزل كان بـ 355 الف

لكزس LX570 اول ما نزل كان بـ 330 الف والان و بدون اي مبرر اصبح بـ 395 الف

مرسيدس S350 اول ما نزلت عام 2006 كانت بـ 350 الف الان بـ 420 الف !
و سابقا عام 2003 ايام الفاجرا الي قبل البنوراما كانت S350 فل ابشن بـ 280 الف !!

مثال اخر لاندكروزر السياره الخاليه من اي موصفات اصبح سعرها الان بـ 275 الف !! مع اخترامي لـ عشاقها بس ما تستاهل

الـ FJ اول ما نزل كان بـ 119 فل كامل الان بـ 142 الف !! لاحد يقولي علشان حادثت اليابان مالها سبب الاسعار ناقزه من اول

اول كان الواحد بـ 40 الف يخذ كورلا الحين لازم يكون معك اقل شي بحدود 65 الف !!

نيسان Z370 سعرها قريبا 200 الف !! ليه مدري

القائمه طويله

و السبب يرجع ان فيه ناس يشترون وهم مغمضين

انا ما اعذر الا الي محتاج السياره فقط

و العتب الاكبر على وزارة التجاره و حماية المستهلك لو فيه عقوبات كان تلاقي الاسعار معتدله لاكن ما عندك احد

يوم من الايام بنسمع الاندكروزر بـ 350 الف و بتلاقيه منتشر !!

يعني لكزس LX ما اختلف فيه ولا شي عن موديل 2008 الي كان بـ 330 الف نفس الشكل نفس القدرات الحين اصبح بـ 395 تقريبا زياده حول 65 الف ريال بدون اي مبرر

ونفس الشي باقي الوكالات تبون تعرفون الاسعار الحقيقيه ناظرو ماوقع الشركه

الطمع
الطمع
الطمع
الطمع
هو السبب يعني اول زمان كانو يرضون بـ الربح المعقول المشروع في عالم التجاره
لاكن الان الموضوع تطور يبون يربحون اضعاف اضعاف ما كانو يربحونه قبل 6 سنوات فقط !!!
و الضحيه المستهلك هم يربحون من جيب المسهلك المسكين
ناس يشترون بـ مبالغ خياليه و الضحيه الي يبي سياره تمشي حاله
و فيه ناس تتسلف علشان تشتري وناس تقترض
قبل سنه تقريبا قريت تقرير في احد الصحف يقولك 80% من الشعب الي يشترون سياره فوق 200 الف يخذونها عن طريق البنوك يعني اقصاد!!

فعلا شي غريب الواحد يدخل نفسه في الديون و السبب الهيط و حب المظهر !! وتقولون ليه ما يرفعون الاسعار
دام فيه ناس كذا انتظرو سنتين زياده وبتشوفون كيف الارتفاع اذا ما وصل ضعف المبلغ

لا حول لله

تحياتيـ

والله شي يقهر
طيب تتوقع قطر والامارات نفس الشي؟؟

مشكورين على الردود يا شباب

الوضع الان كما ترون هزيمة للمستهلكين يقابله تحكم من الوكالات ومبالغة في رفع الاسعار

المصيبة ان اقرار قيادة المراة للسيارة في الطريق مما يعني زيادة الطلب وبالتالي ارتفاع صاروخي في الاسعار

عن نفسي وبعد ان هزمت حملة خلوها تصدي في اوج قوتها عام 2009 لا ارى حلا قريبا وبيني وبينكم الحملة لمن تكن منظمة فلم يكن لها متحدث ولا اهداف واضحة لكن عالاقل كانت محاولة وتحطمت !!

السؤال الان هل ترون حلا لكبح ارتفاع اسعار السيارات ؟

عن نفسي كل ما اراه هو النصيحة لكل شخص بالمحافظة على سيارته الحالية وعدم الانقياد للدعايات والعروض وشراء السيارات الجديدة بتسرع , غير كذا من لديه حل فليفدنا ؟؟

على فكرة الان هناك حملة لمقاطعة احدى شركات الالبان بسبب رفع الاسعار من قبلها , اتمنى لها النجاح

لان التجار في بلدنا يكتسحون كل المباريات وباهداف خيالية امام المستهلك !!

ماشوف أي دخل للطبقه اللي تقول عنها ارستقراطيه في السالفه .. انا اشوف الناس انهبلو على شراء السيارات كانهم خايفين من بكره بتزيد اكثر واكثر لاي سبب كان ... لدرجة الزحمه في المدن ماعادت محتمله والسيارات عددها قاعد يزيد بسرعه كبيره يعني تقدر تقول ان عدد السيارات صارت اكثر من الناس !! كل هذا وماتبغى الوكالات ماتطمع ؟ وبالنسبه للوزاره او الجهات الرقابيه للأسعار بالله عليكم متى سمعتو انهم عاقبو تاجر جشع أو راقبو اسعار انتو لاحظتو الغلاء خلال الشهرين اللي فاتو الاسعار ارتفعت في اشياء رئيسيه للمستهلك العادي من 20 الى 30 بالمئه بمجرد ماسمعو بمكرمة خادم الحرمين وين الرقابه بالله عليكم؟؟

حتى لو فرضنا ان الشعب راح يشتكي وما يسكت بس وين تشتكي ويجيك حقك وتعويض بزيادة!!

باختصار شديد...
بتتعب وانت تتكلم !! ((ماعندك أحد))...

موضوع جميل و ردود اجمل ...

بالنسبة للمشكله هاذي والي صار لها 4 سنوات وزيادة وهي كل مالها في تفاقم شديد ...

ياشباب مشكلتنا مو في السيارات مشكلتنا في الي نسوية ونتقبلة من غيرنا بدون اي

رادع يذكر و اجتهادنا كله اجتهاد فردي و مافي اي اجتهاد جماعي ....

مشكلتنا ان التجار او الطبقة الاستقراطية هي الي صارات تتحكم في اغلب الاشياء من

العقار مرور بالسيارات الى السلع الاستهلاكية انتهاء بكل شي اساسي ....

مشكلتنا ان احنا شعب مستهلك وثقافتنا الاستهلاكية او الشرائية صفر النقيض تماما ...

مشكلتنا لو قاطعنا شراء السيارات الوكلاء راح يسون عروض وتضيع المقاطعة في

لمحة بصر للاسف المصلحة الشخصية اكبر من مصلحة المجتمع ومتناسين انا احنا جزء

لا يتجزء من هالمجتمع ....

مشكلتنا ان وزارة التجارة نايمه في العسل ...

مشكلتنا ان احنا نبي الحلول السريعة و الفورية وهاذا شي مستحيل لازم نصبر سنين

عشان نقدر نتغير ونغير الي حولنا ...

تخيلوا الوضع معاي اروح لمحل تلفونات ثابته ابي تلفون لاسلكي ارخص شي بجودة

متوسطة او ممتازة تحصلة بــ 400 ريال !!!! الجودة العالية تحصلة بــ 700 ريال

والمشكلة في ناس تشتري طيب انا محصل نفس التلفون ابو 700 ريال بامريكا مع

الشحن الى السعودية بــ 400 ريال :confused1: يعني تخيل الفرق 300 ريال هذا في تلفون ثابت

وقيس هذا المثل على ثقافتنا الشرائية ....

وتبي تعرف اكثر عن ثقافتنا الشرائية المدمورة ....

اجيب لك مثال ثاني ... انت روح محل العاب الاطفال تلقى العاب اشكال والوان مره رحت

ابي اشتري لبنتي لعبة وعمرها سنة واربع شهور حصلت لعبة حلوة وقلت ابي اخذها

لبنتي وبعد ماقريت التعليمات الي بالانجليزي كان مكتوب لا يسمح لاستخدامه للطفل الي

اقل من سنتين لنه راح يسبب له اختناق رجعتها لصاحب المحل وقلت له ابي لعبة لطفل

عمرة سنة واربع شهور ... قالي الي في يدك تنفع لبنتك ... قلت له يا بن الحلال اللعبة

هاذي ماتنفع للاطفال للي اعمارهم اقل من سنتين لنه يسبب لهم اختناق ومكتوب علية

بالانجليزي .... الصدمه تخيل وش قالي ... قال غريبه انا صار لي 5 سنوات فاتح المحل

وابيع هااللعبة وغيرها لاطفال اقل من سنتين وحتى اقل من سنة وانت اول واحد يقولي

هالكلام !!!!!!!!!!!!!!!!!!!!!!!!!!!!!!!!!

يعني ماحد حولك لا مشتري ولا بائع ولا وزارة تجارة .... كلنا رايحين فيها ولا حد فينا

معبر الثاني وهاذي ثقافة المجتمع للاسف الشديد ...

وبالاخير انشالله اني وصلت فكرتي ... لن الي اشوفة ان المشكلة مشتركة وماتقدر

ترميها على طرف لحاله وتقول هو السبب ...

اذا كان المشتري مايطور ثقافته الشرائية ويقاطع الغالي والغير مفيد و لابائع يخاف الله ولا وزارة التجارة تأدي

عملها راح نظل في هالتخب لعشرات السنين نشتكي من غلاء الاسعر وقله الحيلة مو بس بالسيارات في كل شي حولك ..

وشكرا .....

حسبي الله :blue:

^^^^^^^^^^^^^^^^^^^^^^^^^
سطور تكتب بالذهب يا ناس

ما شاء الله لا قوة إلا بالله

ياخي الكريم المستهلك لم يقم ولن يقوم ابدا بما عليه لانه ببساطه مضطر وحاجه المضطر ليست تحت تحكمه او يده
لكن المسوليه اولا واخيرا على وزاره التجاره والصناعه وجمعيه حمايه المستهلك التي تكتب وتنطق ولا تسمع ولا ترى ووجودها والعدم سيان
المستهلك يجب ان ينصف من وزاره التجاره من تسلط وظلم الوكلاء الذين استغلو حاجة الناس
وجمعيه حمايه المستهلك كان من الجدير بها ان تحمي المستهلك ولكنها بغيابها تحمي التاجر وليس المستهلك

للاسف الطبقه الارستقراطيه من اصحاب الوكالات ظهرت وبقوه
من بعد سوق الاسهم ودخول المملكه لمنظمة التجاره العالميه
والجريده كتبت عن موضوع ارتفاع اسعار السيارت
مابعد ما اكلو من ارتفاع سعر السيارات و مابعد ماوقع الفاس بلراس
باديه جيده اخرى لمزيد من الوعي للمستهلك وكلنا يد واحده ضد استغلال الوكلات

مشكور على مرورك

ترى لو الشعب حزم امره وشد الحزام وصبر فالوكلاء سيكونوا هم الحلقة الاضعف
لان السيارة كل ما قدم موديلها طاح سعرها وتورط الوكيل بها
وسيحتاج الى مكان لتخزينها وسيحتاج لمكان اضافي للموديلات الجديدة واذا انخفضت المبيعات ستتساءل الشركة الام عن السبب




في الاستطلاع انا باركز في اسئلتي على دورنا كمواطنين هل قمنا بما يبيض الوجه في التصدي لارتفاع اسعار السيارات؟؟

بالنسبة لسؤالك وانك محتاج لسيارة وما العمل , وانا اشكرك على طرح السؤال لانه بيعطيني الفرصة لاستطرد في هذه النقطة , بشكل عام انا لا ادعو لعدم الشراء , انا ادعو لعدم الشراء الا لمن لديه حاجة ملحة
يعني حاول تستمر بنفس سيارتك لمدة سبعة سنوات على الاقل واذا زاد بيكون افضل
حافظ على السيارة وتجنب السرعة والاستخدام السيئ للسيارة لتعيش ولا تحتاج لتغييرها
اذا انتهت كل السبل ولم يبق الا الشراء خذ سيارة على قد احتياجك ولا يغريك المندوب بالمواصفات الاضافية
اذا كان لديك ابناء او اخوان في بداية الشباب حاول اقناعهم بالسيارات الاقتصادية والعملية وابعادهم عن السيارات الغالية
عندما تكون في مجلس او في منتدى حاول نشر فكرة الاقتصاد عند الشراء والحفاظ على السيارة الحالية واطالة عمرها

الفكرة ان نتحرك بكل ما نقدر عليه بدلا مما يحدث الان حيث يوجه لنا وكلاء السيارات اللكمات من كل حدب وصوب والحكم نائم ونحن انوم منه !!



الله يعافيك

اعتقد ان الحملة بحاجة الى جولة ثانية لكن هذه المرة باستخدام الفيس بوك واليوتيب والتويتر وغيرها
لاننا اذا استمرينا على هذه الحالة ستصل الاسعار لمستويات فلكية لان هؤلاء الوكلاء مثل ذلك المخلوق الخرافي الذي كلما اكل اكثر جاع اكثر !!

مع العلم ان هناك اشاعات وتحركات لفتح باب القيادة للمراة يعني المزيد من الطلب على السيارات والمزيد من ارتفاع الاسعار !!

شكراً لك وشكراً لجريدة عكاظ لنقلها الجريء وطرحها للحقيقة

حملة خلوها تصدي التي أطلقت قبل سنتين أو ثلاث ماتت قبل أن تولد وترى النور

وأول من ساهم في وأد هذه الحملة هم من أطلقها فكيف بغالبية الشعب المغلوب على أمره !

حقيقة الشعب ساهم في إرتفاع أسعار السيارات والسلع الأخرى للأسف

لأن ثقافة غالبية الشعب هي أنا ومن بعدي الطوفان

شكراً لك

ما تصدوا لـ الاسعار ولن يتصدوا ..

انا الآن احتاج سياره ، وش اسوي ؟ انتظر سنتين الين تنخفض ؟

واذا شريت مستعمل ، المستعمل هذا بالاساس من وين ؟ وصاحبه باعه وش سوى ؟ شرى جديد !

المستهلك يحتاج الى حمايه !
سواء من وزاره التجاره او من وزاره حمايه المستهلك .. اللي اظن انهم يحمون اسعار "الوسائد" لـ اكمال نومهم في العسل !