السلام عليكم
كيف حالكم عساكم بخير
اليوم راح انقل لكم الصوره الي شفتها وربي يشهد علي بالي راح اقوله لكم
وجعل عيوني للعمى ان هذا الي شفته ....
اليوم رحت للجميح طبعا الحوش حقهم علشان ادور سيارتي واشوفها هل هي خلصت او لا
فركبت بالسياره حقتهم وقام الي معي يدور سيارتي وقمنا ندور بحوشهم ماحصلناها
فقال الهندي صديق ممكن سياره انتا خلاص وودها للغسيل قلت اوكي روح مغسله طبعا المغسله
بنفس الحوش حقهم طبعا الوصف حقها تمشي سيدا تحصلها على يمينك يوم دخلنا المغسله
ماحصلتها قال اكيد انهم غسلوها بس دخلوها هنا علشان يمسحونها قلت اوكي خل ندخل نشوف
قال اوكي يوم دخلت بقسم اسمه تجهيز السياره بعد البيع وربي وربي وربي وربي شي يقهر
والله اني انقهرت على ان مالي دخل تخيلو وش حصلت وربي لقيت جمس لونه ذهبي جديد
ومغسلينه وباب المعاون الي قدام مرشوش وفاكين مساكة الباب يعني تخيلو الي شراها ودافع
دم قلبه ياخي وش ذنبه انه يرشون بابه والله انى حزنت وانقهرت يعني الي متى حقوقنا مسروقه
ويتلاعب فينا لارقيب ولا حسيب ....
عموما تكفون اذا تعرفون اي واحد شاري جمس ذهبي طويل واذا ماخاب ضني انه دينالي
تبلغونه ولا يستلم الموتر الي اذا واحد معه فاهم بالرش ومن هالكلام واعيد واكرر باب المعاون
هو المرشوش بالكامل ومساكة الباب شايلينها وبالامكان تروحون الحين وتشوفونها موجوده
بقسم تجهيز السيارات بعد البيع والحاظر يعلم الغايب ....
