ارجو المساعده فورد ايدج سبورت فيه مشكله

اصر على تغيير السيارة او استرداد المبلغ والله يعينك , خصوصا وانها طفت مرة ثانية مع المهندس وبعد التشييك !

ما تحمل هم يالحبيب ..

ما ضاع حق وراه طالب ..

مالك ان شا الله حلال وربي ما يخيبك

والسيارة باذن الله يغيرونها وتتهنا فيها .. ورب ضارة نافعة

اشكر الجميع واشكرك firebox والله الكتيب راح عن بالي كلامك منطقي طبعا اليوم برمجوا السياره وطلعت انا والمهندس نجربها طبعا بعد مسافه من الصيانه الى طريق الملك بجده طفت مره ثانيه وعلى هذا المنوال الى ان وصلنا مقر الوكاله بعدها كلمت مدير الفرع وبلغته انا ماابي السياره يا يبدلون السياره بوحده ثانيه او يسلمون فلوسي طبعا رد علي بانه يمر الوكاله ويبلغ المدير العام للمنطقه الغربيه وكمان يشيكون على السياره انا بلغته انا ما لي اي علاقه يشيكون يغيرون انا يا يغيرون سيارتي بجديده او يعطوني فلوسي وبشوف بكره ردهم وان شاء الله خير والله ما تهنيت بالسياره وخاصه ايام الاجازه بس ما نقول حسبي الله ونعم الوكيل ويمكن فيها خيره

هلا بك اخوي ومبرووووك على السيارة الاكثر من رائعة !!

وان شاء الله ان المشكلة بسيطة وتنحل بسهولة والصراحة الشي هذا يقهر اول ما تطلعها تبي تكشخ فيها وتصير معاك هالحركة البايخة ...

وانا اتوقع اما يحتاج لها برمجة او يغير حساس الزيت لن السيارة فيها نظام حماية اذا كان الزيت ناقص زي اذا ارتفعت الحرارة راح تطفى ... واذا كتلوج السيارة عندك اقرا هالرموز مع بعض وش تعني ؟؟؟؟

وانا حاضر بالخدمة .....

الله يعينك
انا لو كنت مكانك اتلاعن مع الوكاله كلها

لاحول ولاقوة الا بالله ,,, الله يعطيك خيرها ويكفيك شرها

احتمال البطارية مخزنة ( قديمة ) وهذا سببب استبدالها



اتوقع ان هناك خلل فني ولم يتم تعريفك بالمشكلة لحين التوصل لصحة المشكلة


ان شاء الله تتزين الامور معاك , وتستانس بها

اشكركم على الردود والتفاعل معي بالنسبه للزيت تم التشيك من اول قالوا ما فيه اي مشكله والاشاره تطلع بعد ما تطفي.. اخوي ابو هاني كلامك والله منطقي لان البطاريه الاولى الموظف حق الصيانه فصلها ورجعها و شغلها واشتغلت يعني انا استغربت كيف الجديده ويبيلها برمجه او ما تشتغل الا بعد البرمجه شي غريب انا خوفي يسون في السياره شي وما يبوني ادري غير انه اذا فيها خلل فني لازم ارجع السياره لاني لو حصل اي شي بعدين او اكتشفت انه حصل فيها اي شي بسلمهم السياره يا يرجعون المبلغ او يعطوني غيرها انا والله من تجربتي لها رغم انه وقت قصير مره انبسط من السياره وخاصه الشكل على اللون اللولوي اسبورت روعه انا اهم شي ابي اتواصل مع اي واحد او الاميل حق الشركه المهم ابي اي معلومات من الاخوان الاعضاء وشاكر اهتمامكم

اخوي اشتاقلك
اولا الف مبروك السيارة ، وان شاء الله ان المشكلة بسيطة وتنحل ، ولكن ثق تماما بان السيارة سوف ترضيك ان شاء الله.

اما بالنسبة لسالفة برمجة المفتاح عشان البطارية تم تغييرها بصراحة غير مقنعة مع احترامي للشركة ، فليس من المعقول كل مايتم تغيير البطارية يستلزم برمجة المفتاح.

اظن والله اعلم ان الشركة اكتشفت المشكلة ، ولكنها لا تعرف الحل ، لذلك فانهم بانتظار يوم الاثنين لعرض المشكلة على الشركة وطلب الحل.

عموما اخوي اشتاقلك الخلل الفني هذا لاينتقص من السيارة شيئا وان شاء الله تستلمها يوم الاثنين وتتحفنا بانطباعك عنها ، والفروقات بينها وبين الليمتد ٢.

شيكت على مستوي الزيت ؟؟؟ لأنه الرسالة تقول الزيت منخفض

انا اشتريت سنة 98 سيارة شفرولية وكالة،، وكنت كل ماالف لفة تطلع لي اشارة الزيت
طلع السيارة مافيها زيت !!!

اعوذ بالله من الشيطان الرجيم
والله عين ماصلت على النبي

لكن ان شاء الله يحلولك المشكلة وتتهنى بالسيارة