هل صحيح مايقال عن النيسان والهربده !!!

انا املك التيما 2010

ماشفت منها شي للحين والصراحه ابداع وأحلى مايكون

بالنسبه للقديم ماقد جربتها بس يمدحون الماكس القديمه والجديده بعد

القديمه واحد يقولي عنها ماعرفت قيمتها لان بعتها

ماكس 2001

وأشترى كامري 2010 يقول الله يلعن اليوم الي اشتريت فيه كامري

سافر فيها لآبها ويقول رجلي ع الفرشا في الطلعات والسياره ماهي راضيه

تتحرك

!!

يعطيك الف عافيه

الله يعافيك يالغالي وحياااك ... ^^

وبصراحه ماقدر الا اقول ماشاء الله تبارك الرحمن الله يعطيكم خيرها ويكفيكم شرها والنيسان كم عهدناها من ناحية المكائن ماشاء الله ماعليها .
...

وبكل امانه من ناحية الماكسيما الموديلات الي ذكرت 2000 و2001 و2002 يعني هذي الموديلات اختلف الكثير البعض بيطلع عنده اصوات وقربعه والبعض زي الحلاوة معنى هذا يعتمد علا حسب الاستخدام في هذا الموديل .
____
والالتيما اعتقد والظاهر انها نااادرا ماتشوف واحد مايشتكي من هذه الموديلات ايضا لانه علا قولك وانت الصادق تقدر تقول شوته السمعه النيسانيه شويتين ومع ذلك في ناس ماشية معاهم اوكي ماشاء الله .
___
اما الصني لاتعليق ماشاء الله تبارك الله :) .
___

والانفينيتي ماحد يقدر يتكلم عنها صراحه سيارة جبااارة وافضلها على اللكزس << وجهه نظر .

=---

ولاتحرمنا مروورك وشرفتنا .

تحياتي .

يعطيك العافيه على الطرح
تجربتنا لنيسان في العائله تركت انطباع جيد عنها بعكس ماهو سـائد عنها

اخوي كان معه مكسيما 2001 فل اوبشن جلد و تدفئة مراتب و غيره
مشت معه لين بداية 2011 بالضبط و باعها وكانت ماشيه 390 ألف كيلو تقريبا
المشكله الوحيده كانت انه يحتاج ينظف الراديتر بشكل سنوي
من ناحية اصوات فالصراحه انا ما لاحظة هالشي ابد و ما عمره اشتكى من هالشي
طبعا حاليا معه FX50 و اوريون 2009
و طبعا من باب الشي بالشي يذكر على 20 ألف كيلو الاوريون ظهر فيه صوت اسفل ديكور القير يعني الاصوات مو شرط تكون تخصص نيسان ;)

السيارة الثانيه فالبيت هي نيسان صني .. صراحه سيارة كرف من قلب ماشيه 440 ألف كيلو الان موديلها 2002 .. بس للامانه فيها اصوات ديكور واضحه بس مو مهم في هالنوع من السيارات اهم شي تنكرف و ما تعطل مع انه انواع الاهمال مع هالسيارة الا انها ميكانيكيا ما قالت شي ...

السيارة الثالثه هي التيما 6 سلندر 2006 و هالسيارة مع احترامي مضيعه سمعة الشركه بالاشتراك مع الفتك ..
وصلت 100 ألف كيلو من اشهر و من بعدها عطتنا انواع و اشكال الاعطال و اخر مره كلفتنا 7000 درهم صيانه لاعطال فيها .. بس الغريبه ان ديكورها ليس بالسوء المذكور يعني في اصوات بس لا بأس بها !!

السيارة الرابعه التيما 4 سلندر 2005 مع ولد عمتي نفس الحال مع المشـاكل

السيارة الاخرى هي جي35 2008 و الصراحه ماشاء الله نعم السيارة ماشيه الان 100 ألف و امورها طيبه اكبر مبلغ صيانه اندفع فيها كان 1500 درهم و هي التشييكات الكبيره.. و الحمد لله مافي اصوات او غيره و الامور طيبه و الله يديمها .

عذرا عالاطاله بس حبيت اطرح تجاربي مع نيسـان

تحــياتي

mr.3dool :حيااك الله وشاكر مرورك ^^ .

ماكسيما181 : ياهلا والله يحاك اخوي خد راحتك اعتبرالموضوع موضوعك يالغالي ^_*
واحنا مانبغى الا الحقيقه والي مايعجبه براحته . ومشكوور ع المرور .

......

الشهاب الملتهب : اهلا ومشكوور مجددا لكن زعلتني بصراحه مكائن النيسان مايختلف اثنين عليها ^_* ...اما بالنسبة للمشاكل الي طرحتها الله اعلم بها . وشاكر مرورك .

..

ممكن كلامك يكون صحيح عن الكهرباء لكن ترى مو في كل السيارات و حتى السيارات اللي انت ذكرت ممكن تجي فيها مشاكل كهرباء و ممكن ما تجي ، أهم شي البركة و التوفيق من الله

و على فكرة ، ترى حتى باقي السيارات يجي فيها مشاكل بالكهرباء و أقرب مثال هو التويوتا ، يا ما سيارات لكزس اي اس و ال اس من 2007 و طالع و تلاقي فيها واحد من أنوار الزينون مو شغال ، الكامري و اللاند تلاقي فيها واحد من الأسطبات الخلفية محترق و ما يشتغل ، و ما يحتاج أذكرك بالهايلكس الحالي اللي كان يحترق فجأة بدون سابق إنذار

أما سالفة ان مكاين نيسان تخبط بسرعة فهذا كلام مرفوض ثم مرفوض ثم مرفوض :bigggrin: ، كانت معي سيدرك موديل 90 و مشت أكثر من 350 ألف كم و خبطت علي و انا ماسك خط بسبب نقص في الزيت ، لاحظ انها خبطت بفعل الإهمال ولا يفترض انها تجلس أكثر

مكاين الـ VQ مثل اللي بالماكسيما تجلس إلى أكثر من 500 ألف كم بدون توضيب بشرط الإهتمام بتغيير الزيت بانتظام ، مكاين النيسان لو تخبط بسرعة ما شفتها قابلة للتزويد و التلغيم :wink:



طيب و إذا كان الموتر حق العمل فيه عيب مصنعي تحكم على كل الماركة بأنها فاشلة ؟؟ شي مو منطقي ، و بعدين يالغالي كيف تقارن موتر ثقيل بـ 4 أبواب و فيه تجهيزات أكثر بموتر سلق و بابين و بمواصفات أقل في الرساوة و التماسك ؟!! :confused1: ، أكيد ان اللاند بيكون أرسى و تماسكه أفضل

تم حذف الرد من قبلي
وانا كمستخدم يطلق علي متعصب اذا ذكرنا الحقيقه
الف شكر اخوي على الموضوع

آهني نيسان على الطله هذي ,

ما شاء الله روعه ,, لا هربده ولا شي ,

بس حافظ عليها ,, وما بتشوف الا خير

مثل ما أنت معجب بالنسيان و تجد فيها الإعتمادية و الجودة أنا عكسك تمامآ و لولا إختلاف الأراء لبارت السلع .

المشاكل الأخرى الكهرب وهذا شي معروف بالنسيان لا قديم و لا جديد و اخص الباترول و الدادسن

النيسان يتميز بقوة المحركات و لكن عمرها قصير ( تخبط )



النسيان الجديد حاليآ أستخدم باترول 2010 بابين ( فتك ) فيه مشكلة بالقير عند تبديل النمرة من

الثالث لرابع على سرعة 100 وفوق لازم يطلع صوت قرررة . هذا أبرز عيب مصعني حتى الآن

القيادة و التماسك لم تعجبني خصوصآ بعد مقارنته بجي اكس آر 2006 الفرق بالنسبة لي شاسع علمآ أن الباترول تابع للعمل .
هذا رأيي الخاص و كل شخص له نظرته سواء كان على خطاء أم على صواب .

....

لواء عز : ماشاء الله وتجربتك كانت في الموديلات القديمه وفعلا كما اتفق الاغلبية انه موديل 2005 و6و7 هو الي فيه هذه المشاكل ...ومشكور ع المرور.
-----
الشهاب الملتهب : حياك اخي الكريم ممكن تذكرلنا العيوب في الموديلات الي جربتها ...
وحبذا لو كنت جربت نيسان الجديد ممكن تطرح تجربتك :p .ومشكوور .
------
عالم نيسان : حياك الله وبصراحه ماشاء الله سيارتك بدري عليها مكائن النيسان تعطييك اكثر لاشك في قوة تحملها...اما بالنسبة للهربده ايضا اقول ماشاء الله موديل 2000 وكويسه معاك الله يعطيك خيرها ويكفيك شرها وانت مجرب وانت الي تحكم .ومشكوور ع المرور .
------
ابوعزة : حياك وبصراحه انا مثلك كل الي كنت ((اسمعه)) وماجربت انه نيسان يتهربد وماطحت الا كما ذكرت بالالتيما حقت خوينا وكانت مهربده جدا لكن هذا مو دليل ان كل النيسان كدا والاعضاء وضحولنا...والشكل الجديد يبدو انه ذو جودة واعتمادية عالية .
ومشكور .
__

تحياتي .

انا معكم فعلا الموديلات القديمة كانت تتهربد << و مثلها مثل اي شركة اخرى.

لكن الجديد تحسن بشكل واضح بجودة المواد المستخدمه.
وانا عن نفسي احب نيسان ومكاينها واشكالها،، واذا كتب الله وشريت من نيسان ما راح افكر بالهربده ،، دام الموتر عز ومكينة وفخامه مستعد اربطه كل سنة يشيخ مدامه ممتعني.>> هذا اذا لو تفكك.

الأخرى و ليست كما كتبت ، آسف ع الخطأ

يتهربد

ممكن امثل وش الي يتفكك .


كم انتي كبيرة يانيساااان

انا معي ماكسيما 2000 و ماشية تقريبا 322 ألف كم بفضل الله و ما لاحظت عليها الهربدة ، و إذا على الطرق الغير معبدة فهذي شي طبيعي في كل السيارات مو نيسان بس ، و ان شاء الله إن سيارتي القادمة بتكون يا نيسان أو انفنيتي بإذن الله و توفيقه



الظاهر ان نيسان هي دم ضروسك :bigggrin:

ممكن تذكر المشاكل الأخرى غير الهربدة ؟؟

نعم الكلام صحيح النسيان يهربد و يتفكك و مشاكل أخرى غير الهربدة و هذا إللي مكرهني بأي شي فيه نيسان .. ألاحظ الموديلات الحديثة فيها تحسن و لكن صعب أحكم عليها .

سيارات نيسان حسب دولة المصنع

تستطيع تحكم عليها

بالنسبة لمصنع اليابان الأم

مكسيما 99 باترول 99 وددسن 2004

سيارات رائعة وقيادتي لهم قيادة في الشوارع المعبدة فقط

(استخدام خفيف)

بعت هذه السيارات من غير مشاكل .

أما مصنع أمريكا

فكانت تجربتي لسيارة ألتيما 2005 والتي كانت نهايتها في التشليح خلال العام الأول .

وهي شر مثال على الهربدة والفشل المكانيكي

مشكوورين ياخوان ع المرور ..

ا م ه 4254 : مشكور ع المرور والله يعطيك خيرها ويكفيك شرها وان شاء الله مارح تحصل المشاكل الي قلنا عليها اهم شي المحافظه . تحياتي . :p
________

alostroh : ماشاء الله بالنسبة لسيارتك ..وبعدين مين يقدر يتكلم عن مكائن النيسان لو احد جاب طاري المكائن راح ادخل في عينه لان مكاينها من افضل المكاين في التحمل وهذا شي معرووف ماتلعب النيسان في هذا المجال .

______

بلا تعصب : حياك اخي الكريم وماشاء الله ردك كافي ووافي وبصراحه انتا جبتها من الأخر انه مافي سيارة مافيها عيوب وكل سيارة وعلى حسب استخدامك وايضا انه في بعض الماركات الناس تلافو انهم يقولو فيها اصوات او قربعه فقط لانها من من شكرات مشهورة وبالنسبة لنيسان كعامه انا بصراحه من مستخدمي السيارة اشوف اصحابها مرتاحين ماشاء الله بتخدمهم ولاتقول لا .. وتقبل خالص تحياتي .

______
initial D : حيااك اخي الفاضل وماشاء الله لك تجارب نيسانية كثير هع ..

وكما ذكرت كلامك صحيح بالنسبة للباترول خلال بحثي عن مشاكله كثير يشتكو من مشكله الصرقعه الي في الابواب وخاصة الموديلات المذكورة والله اعلم !!! .
وبالنسبة للالتيما الشكل الجديد والله حيرونا كثيير يقولو مافيها هربده وقليل يقولو فيها صرقعه او هربده << لاتقول قالب امها عراوي هههههههه .
لكن الله يعطيكم خيرها ويكفيكم شرها وشرفتنا بمرورك يالغالي .

___

تحياتي للجميع .

تجربتي مع نيسان ....
اول سياره كانت نيسان باترول هاردتوب موديل 86 ..... لاعن ابوجده (طعوس ... ارصفه ... شيل على تايرين ..... هههههه حتى لكنت اصفطه اخليه يدحدر شوي شوي لين يصدم الطوفه ويوقف لحاله<<<< وهذي اخذت عليها محاضره طويله من ابوي) ماعمر هالموتر اشتكى من شيء او حصلت مشاكل منه خلال سنتيين من الاستعمال القاسي!
ثاني سياره نيسان بيك اب (عرواي) موديل 94 ..... ماكان فيها اي مشاكل
الثالثه مكسيما 2000 (سيارة ولد عمي).... وهو كبير في السن واستخدامه محترم .... السياره قويه وتتحمل بس عيبها الديكور حفله وصرقعه طول اليوم!

فتك 2005 (سيارة خالي) جدا ممتازه بس فيه صرقعه من الابواب اللي في مؤخرة السياره
فتك 2005 (سيارتي) جدا ممتازه بس نفس مشكلة سياره خالي + المقود كان في اهتزازات قويه (كنت مركب كفرات كبيره) وحليت المشكله بتغير مساعدات المقود بـ 1100 ريال وكانت الامور تمام 100%
التيما 2009 .... تعتمد عليها وكل شيء تمام .... بس الديكور فيه صرقعه
وحاليا عندي باثفايندر 2005 ....... خذت الموتر من 6 اشهر تقريبا وكان ماشي 120 الف وحاليا 160 الف ...... رحت فيه دبي مره وكويت مرتيين والجبيل اكثر من 8 مرات (من الدوحه طبعا) وكل نهاية اسبوع اروح البر فيه ...... السياره تعتمد عليها وقويه ومافيها مشاكل فقط صوت صرقعه في الديكور!!!!


الملخص ....
سيارات نيسان تعتمد عليها وقويه ومافيها اي مشاكل بشكل عام ....... لكن عندهم هذي المشكله الازليه وهي الصرقعه في الديكور واللي موجوده في اغلب سياراتهم!!!

بالنسبه لي هذي مب مشكله خطيره دام انها ماتتسبب بتوقف مفاجئ للسياره وسط الشارع او وقت السفر واعتبرها مشكله بسيطه :)

تتهربد الى الان ماااعرف وش المقصود فية من زمااان اسمع والمشكلة ما شفت شئ يدل على ان سيارات نيسان زي لعب الاطفال تشتريها اليوم وبكرة تلاقيها مكسرة
سيارات نيسان ممتازة وفيها جودة ممتازة وقوة بالمكاين وعدد الاحصنة وكذلك الراحة ومافية سيارة بالعالم مافيها عيوب لا يوجد حتي الطيارات اللى مفروض تكون ادق وافضل من صناعة السيارات لانة فيها لا يقل عن 200 راكب تلاقي فيها عيوب ونسمع عن عيوب تصنيعية بطيارات ايرباص وبيونق وش معني نيسان تتهربد لية ماااحد يشوف مثلا سيارة زي الكابرس وكيف نوعية البلاستك فيها ولية ماااحد يتكلم عن صدام الكامري والكورولا اللي من اقل من صدمة طاح لية ماااحد يتكلم عن انواع الموسيقي بداخل الكراون فيكتوريا ياااخي حتي البلاستك بداخلية الكامري مش مستوي انت دقق حواف البلاستك اللى بداخل الكامري شوف شلون كنة مقصوص بمشرط حق سجاد بيد افغاني انا لا املك وكالة نيسان ولا لى فيها حصة او شراكة بالشركة الام ولا اعرف كارلس غصن عشان ادافع عنها لكن الحق يقال جودة السيارات الان تعبانة وتبقي سيارات هي اللى معتليية القمة بالجودة ومعروفة وكذلك اسعارها عالية وهي بي ام دبليو لكزس بنز اودي جاكور وبورش والسيارات الاخري اللى تعتبر بنفس المرتبة ولكن على السيارات المستخدمة من الاغلبية فيها عيوب وش كثرها انا اشوف بان نيسان من السيارات الممتازة واذا بتقارن السيارات المتوسطة مع بعض والمستخدمة بالسوق عندنا بكثرة راح تلاقيها متقاربة لكن يميز وخدة عن الثانية هو الوكيل والقطع فقط قارن سيارة فورد فيوجن اقل نوع بافخم نوع من كامري وشوف الفروق راح تلاقي فرق السماء عن الارض الفيوجن افضل بمراحل لكن الناس صعب تغير مزاجها على كل حال نيسان سيارات ممتازة وعيوبها مشتركة مع كل سيارة اخري اصوات الديكورات تلاقيها بمعضم السيارات الصغيرة والمتوسطة هذي وجهة نظري ومن تجربة والشئ الاكيد مافية سيارة عندنا تستاهل سعرها وخصوصا السيارات المستخدمة بكثرة من قبل الجمهور لان الوكيل مطيرها بالسماء وبأقل المواصفات . والله الموفق

هلا اخوي
انا استخدم ماكسيما 2002 وكارفنها كرف
ولا اشتكيت منها ابدا لا اصوات ولا شي حتى صوت الماكينه نفسه صوت الوكاله
اسال مجرب