قبل ان استلم سيارتي اليوكن الدينالي ماذا تنصحون2011

ألف مبروك السيارة

الحين أكثر من 400 حصان تحت رجلك (ما شاء الله , الله لا يضرك)
أمس كنت أشوف تقرير لأحد العضاء مسوي هوايل بسيارته (8 سلندر) عشان يطرح دينالي لكن كلش راح بلوشي وأثبت الدينالي جدارته .

بالنسبة لملاحظاتك فأغلب اللي إشتروا السيارة إشتكوا منها وبأفيدك باللي أعرفه

بالنسبة لصوت الهواء : فهذا موجود ولا يمكن إنكاره , لكن ترى أغلب الصوت من إرتطام الهواء وليس التنسيم , وأتوقع إنك منتقل من عالم السيدان لسيارات الدفع الرباعي واللي منتشر فيها بالأغلبية صوت إرتطام الهواء بعكس السيدان اللي تتميز بالإنسيابية

بالنسبة للرائحة فهذي إن شاء الله تخف كثير لما توصل 20000 كلم
لأنهم يقولون إنها ريحة المادة العازلة

ممكن إذا فتحت الكبوت تحصل صدا بسيط , لا تشغل بالك برضو يروح مع الوقت

بالتوفيق

السلام عليكم

مبروك السيارة والله يعطيك خيرها ويكفيك شرها وتستاهل كل خير
الاخوان يفدونك ان شاء الله بخصوص الملاحظات وانت سجلها في ورقة علشان تبلغ فيها والوكيل عند صيانة الالف
بالتوفيق

أبشركم اليوم استلمت السيارة
لكن عندي ملاحظات
1 / تنسيم شديد
2 / ريحة المكينة كانها اعطبة
بس مركب عجيب
وعندي استفسار
مدري كيف اشغل البلتوث
الي يعرف لا يبخل علي احد
ولكم جزيل الشكر

لا يا خوي لاتوسوس ولاشي حتى انا يوم استلمت الموتر من الوكالة ومشيت به مسافه طلعت ريحة كهرب حتى كان معي الوالد ولاحظ هالشي مع اني ما تعديت 80 طول الطريق
لاكن مع الوقت ترووح لاتخااف
*

الله يعطيكم العافية
وفيتم وكفيتم

لا توسوس اخوي صار لي نفس الشي بس بعد فتره راحت الريحه اتوقع عشان السياره جديده

هههههه ما شاء الله المنتدى مليان ناس تعرف العاب الوكالات ...!!

الله يعطيك خيرها ويكفيك شرها و نصيحتي دااوم على الصيانة الدورية تراها مهمة مهمة مهمة جدا جدا وشكرا...!!

بخصوص الضمان اذا تعرف احد قله يعطيك ضمان مفتوح الكيلوات
ترى كثير ياخذونه من العيسى والجميح
وشيك عالسماعات البلوتوث في درج التكايه موجوده ولا لا
وبالنسبه للهدايا على قولة الاخوان
اطلب الكوبونات حقت سحب السيارات اليومي
واطلب تخفيض التظليل من الموظف ..
والله يعطيك خيرها ويكفيك شرها

الكلام اللي محدد بالأحمر أول مرة اسمع به
أتمنى تفيدني عنه بشكل اوسع لأني ناوي على هايلكس قريباً

الله يجزاك خير
والتقرير ان شاء قريب عند الاستلام

اولا الضمان عطوني خمس سنوات او 100 الف
واول خمس الاف كيلوا عمل سيرفس مجانا
وسلامتك

اتفق معك لاني قابلت هالموقف قدامي واحد مواضب على الصيانه دوريا ..

سيارته صار فيها مشاكل بقيمه 7000 ريال تقريبا .. صلحوها له على الضمان .. وانا شاهد على هالشي بعيوني ..

معاه يوكون اكس ال ..

مبروك يعطيك خيره ويكفيك شره
والاخوان ما قصروا ما بقى شيء اكتبه
الى انك لا تتعدى 120 الى بعد الف كيلو
واذا خلصت 3000 كيلو امسكبه خط ونشطه
وننتظر تقريرك

^^
تنبيه مهم بخصوص الصيانة
اذا ماسويتها عندهم ترى سيارتك يروح ضمانها انتبه ماتسوى عليك توفر قيمة صيانة ٤٠٠ مثلا وتبلش ب ٤٠٠٠

الله يجزاكم خير
على المعلومات الطيبة

أنصحك قبل ما تشغل السيارة

تشيك على السيارة من الصدام للصدام لا يكون فيها خدوش أو ماشبه ذلك

تشيك على العدادات ومنسوب البنزين وأنوار التحذير لا يكون شيء مضيء !

تشيك على وجود الدعاسات الأرضية وشنطة الإسعافات الأولية ومثلث السلامة وعلى كفر الأسبير مع العدة

بالنسبة للدعاسات الأرضية غالباً ما تكون موجودة لازم أنت اللي تطلبها !

وأحذر لا تحرك من عندهم إلا وهي راكبة على سيارتك وتكون مطابقة للون فرش سيارتك وعليها ختم GM دينالي

أيضاً تطلب هديتك ...أحياناً يكون فيه هدايا للعميل برضه لازم أنت اللي تطلبها ولا ما يعطونك !

<<< زبوون نشبه :tongue:

أيضاً تشيك على أوراق ملكية السيارة وما يتعلق بأوراق المرور أحياناً يكون فيها أخطاء ولا بد تتعدل !

بعدها تسمي بالله وتشغل السيارة وتقرأ فيها المعوذات

ولا تنسى الدعاء ( أعوذ بكلمات الله التامة من كل شيطان وهامة ومن كل عين لامه )

( أعوذ بكلمات الله التامات من شر ما خلق )

ثم تقرأ آية الكرسي

ثم تنطلق بهدوء

هذى مالدي وألف مبروك السيارة الجديدة

والله يعطيك خيرها ويصرف عنك شرها

ولا تحرص أخي على برنامج الصيانة الدورية من قبل الوكيل

لأنه باختصار ( ضحك على الدقون )

شيك على سيارتك بنفسك لأنك أنت أعلم الناس بسيارتك وطريقة استخدامك لها

موفق للخير ،،،