تاهو ولا إف جي كروزر نصيحتكم الله يجزاكم الجنة

تاهو اكيد

القير صار فيه عيوب ببعض موديلات 2007 واتوقع 2008 ما شفت أحد إشتكى

أما من 2009 وطالع فالقير تغير تغيير جذري وصار ست تعشيقات بدل أربع

ومن ناحية السعر فتطمن التاهو الحين يمسك سعره ما شاء الله وينافس التويوتا بهالشيء وإنزل السوق وشوف بنفسك (لفئة lt)

----


أكون معاك جاد , بعض الناس يشتكون من التاهو والكثير يمدحه , بس يطمنك الضمان اللي على السيارة , وللمعلومية ترى أسعار التاهو بالمعارض تفرق عن الوكالة بحدود 7 الآف ريال ولا يوجد أي فرق بينهم

شوف بالبيد لانه الوالد مطلع من عندهم يوكون 2006 وبصراحه كان تعاملهم حلـو لكن احيانا في الصيانه يستهبلو شويا ولكن يُعتبر أفضل من الجميح بمراحل

بس على الاقل يُعتبر أفضـل السيئين

وفي بعضهم يمدح العيسى بس انا ماني مجرب ولو في أحد مُجرب ياليت يفيدنا ياشباب

والله ماقصرت ياخوي سالم وانا كنت معتقد انهم توب طلعوا ماعندهم الا الهياط واللله مانيب عارف وش اقولك والله انيمنصدم منهم وبقوة بعد انا كل ماسألت احد مدح فيهم حسبي الله عليهم طلعوا يبعصون الناس بالهبل الله لايوفقهم الله يعين والله طيب وش تنصحني به العسى ولاتوكيلات الجزيرة معليه طولت
عليك لكنك ماقصرت علي بردك بارك الله فيك ولاهنت اخوي سالم

ابشر راح أفيدك ومارضى أخوي المسلم يتعامل مع شخص ( ظالم ) زي الجميح هذا
شوف انا تعاملت معاه وكان عندي همر h2 من عندهم طلعته من قسم ( الماركات الفاخره ) يعني المفروض المعامله تكون زينـه

لكن والله لا معامله ولا تعامل ولا صيانه ولا قطع متوفره ويرفعو اسعار الصيانه بالهبل
انا كنت احجز عن طريق الجوال تعـرف يعطوني موعد بعد اسبوع حتى في حالة الطوارىء يعطوك بأربعه أيام أقل شي

واذا قطعه غير متوفره تصبر 20 يوم او شهـر عشان يوفروها لك والسياره تقعد عندهم ويذلوك ويطلعو روحك عشان يعطوك سيارة بديله وانا طول تعاملي معاهم وعلى مدى سنتين مالقيت سياره بديله منهم

ياخـوي تعرف مرة رحت عند الصيانه سويت تغير زيوت وتشييك بس بسعر 4600 ريال ورحت اصارخ انا وهم تعرف ويش قالي مدير الفرع ؟؟
والله والله قالي بالحرف الواحد ( عندك همر وماتبغى تدفع المبلغ هذا ) ؟؟

يعني نصيحة لا تتعامل معاه همهم الكاش بس معقول تغيير زيوت وتشييك فقط بـهذا المبلغ؟؟

وانا لو تكلمت ماحخلص وانت راجع
الموضوعين هذي لعضو عانى منهم الله لايسامحهم ومعاناته ان في عيب في موتره
وانا معاناتي مع الصيانه وقطع غيارهم وتعاملهم يعني اجتمع كل شي فيهم
http://www.assayyarat.com/forums/thread227094.html
http://www.assayyarat.com/forums/thread228202.html

الله يعطيك العافية بس ممكن تقولي ليش ما اخذه من الجميح هل خدماتهم سيئة او في عيوب في مواترهم
لأني لقيته بتوكيالات الجزيرة غالي مره افدني الله يبارك فيك انتظر ردك

شباب اتركوا عنكم الحزازيات
نرجع لبو ديالا
ماشاء الله تبارك الرحمن والله التاهو ماهو بسيط والله زين تعطيس وفلة وصيانته كويسه
بس بسألك وش قصة القير اسمع العالم تتشكى منه بالله وش العيوب اللي فيه لأنو ماشاء الله عليك
عندك خبره في الموتر انتظر رايك يالذيب

نصيحة خذ تاهو أفضـل بكثير
لكن لاتاخذه من الجميح

والله حمستني آخذ لي اف جي وهذا اللي عاجبني فيه بس مدري شكلها تاهو ان شاء الله
تعرف مشاوير العايلة ماتخلص ابد ولا والاف جي بيوسع صدرك ويا الشباب في البران يالبيه
الله يعين يابعدي على العموم ماقصرت على ردك وبارك الله فيك

تدري وش مشكلتي انا بعد انو رجلي قاسية واحب الدوس وبعد مشاوير الاهل ماتخلص ابد مثل ما انت عارف بس ان شاء الله اشوف وش الانسب وانا يعجبني في التويوتا انك تشتريه وتكده وتبيعه بسعر زين
وهذا اللي مخليني احتار بين الموترين وماقصرت وبيض الله وجهك على ارائك الطيبة ياحسام بارك الله فيك

والله التاهو ماهوب شين ابد والتويوتا فيه حقه بعد وماقصرت على وجهة نظرك يابعدي جزاك الله خير :smile:

والله حمستوني ياعيال (=

تصدق كأنك تقرى افكاري وانا هذا اللي اقوله بس بعد عندك التيوتا اللي يعجبك فيه انه يمسك سعره
وهذا اللي مخليني افكر فيه على العموم ماقصرت ورايك على العين والراس ^^

لاوالله مانيب راعي بر كثير بس لازم اطلع مرة كل 3 شهور على الاقل الله لايهينك على الاقتراح
وتراها مهيب شينة المازدا تسلم لي والله على ردك

والله في الغالب استخدمها للعايلة وماقصرت يابو ديالا بارك الله فيك

عاد الناس اذواق انت تقدر تاهو انا احب الافجي
وكل سياره لها مميزاتها

الحين إذا أخذ التاهو الشكوى لله ؟؟؟

الحمد لله معي تاهو إستخدام كرف وسفريات لأكثر من 1500 كلم وتطعيس (ما شاء الله)

الحمد لله زيت وبنزين وحاجات إستهلاكية بس

الافجي موتر مابيبله الا زيت وفرامل كصيانه وامش واذا كانت رجلك حاره بعد ممتاز
تلعن امه مايقولك شي وخاااصه في البر يمشي ممشي وتشق شق مو طبيعي
احسن من التاهو ب 1000 مره واذا علا العايله واهلك دايم معاك الشكوا
لله خذ تاهو