مبروك يا أبا سجى على السيارة و عسى الله يكتب لك خيرها ويكفيك شرها
وجعلها إن شاء الله مركوب العافيه
أولا لا تنسى دعاء الدابة الجديده
ثانياً: بالنسبة لغطاء البنزين أبو مفتاح فهو متوفر بالوكالة وحسب ما سمعت سعره 160 ريال
أتمنى تلبس الأرضيات بلاستيك , والمراتب جلد فاخر (بين المخمل والجلد) أو جلد
والأرضيات أهم لأنه وقت الطلعات راح تنحاس عليك الأرضيات , وكلامي عن تجربة , تخيل قبل إسبوعين كنت طالع عند البحر المهم يوم أشيل الأغراض تشوف أنواع التراب وبعض الحاجات تصبصب منها سوائل (العزبة , سراويل السباحة الله يكرمك) فتخيلت لو إني سمعت كلام بعض الشباب ولا ركبتها كيف بيكون وضع السيارة ؟؟؟
ولا تنسى تشتري ماطور هواء (للتطعيس وللبنشر) وشيك على كفرات لا يكون هواها زائد وبكذا بتكون السيارة مو مريحة .
((( إذا بغيت تطعس تنسم الكفر وترتاح السيارة وتعطيك أداء أفضل , وإذا طلعت من البيت ولا سمح الله لقيت السيارة مبنشره تعبيها هواء وعلى أقرب بنشري يرقع لك الكفر ))) ولا تتعب نفسك بالفك والتركيب
وأنصحك بزيت كاسترول 10w30
هذا ما في جعبتي وبالتوفيق
اللهم آمييييييييين
الله يبارك فيك يا بعدي ولا يحرمنا منك ولا من نصائحك
الي تجمد على الشارب
:e032:
يا حبي لك يا ابو ديالا
عز الله انك ما قصرت معي وقفتك ما تقدر بثمن
ما تتصور وش كثر استفدت من نصائحكم
وكنت اليوم في الوكاله مية المية نشفت ريقهم
وانا اسال واشيك من شافني قال وش هالفاهم
عز الله من استند عليكم بعد الله ثم بدعاء الوالدين
ان شاء الله ما يخيب
اكرر شكري وأمتناني وسأقوم بكل ما تفضلت به
تقبل تحياتي
