السلام عليكم ورحمة الله وبركاته
شريت قراند ماركيز قبل تقريبآ 4 سنوات وكانت زي الحلاوة معاي ما فيها الى تفتفه بسيطة , وديتها اكثر من عشرين ورشة وكل واحد يقول كلام يختلف عن الثاني وغيرت بواجي مع صفاية بنزين مع حساس الهواء ونضفت البخاخات وغيرت الكويلات كاملة ( 8 ) كويلات ونفس المشكلة ماراحت , قلت في نفسي والله ما اسوي ولا شي الى اذا تعطلت السيارة من التفتفه ووقت الأصلاحات .
بعد سنه تقريبآ اخوي الصغير باع سيارته وصار ياخذ سيارتي يداوم الكلية من جده الى مكه يوميآ , وهو الله يهديه من النوع الي شغل وامش , يعني ما يدري عن شي في السيارة , المهم الرجال رايح جاي من جده على مكة ولا يعاير الزيت او يشيك على الزيوت , والنتيجة ان المكينة تصلب عليه في الخط السريع ( لاحول ولا قوة الى بالله ) , شلت السيارة بسطحه ورحت اشتريت مكينة وسقطتها , بعدها بخمس ايام شال السيارة وسوى حادث وعدم الواجهة كاملة ( حسبي الله ونعم الوكيل ) شلت السيارة وغيرت واجهتها من 2003 الى 2006 قلت هي خاربة خاربة خليني اعميها . >> باقي القصة ما انتهت لاتبكون الحين :blue:
المهم طلعت السيارة من الورشة وانا فرحان مكينة حلوة احسن من الي كانت في السيارة اول , وواجهة 2006 ومين قدي :bigggrin:
بعد ما طلعت السيارة بثلاثة ايام تعطل المكيف عندي قلت خليني اشوفلي كهربائي يزبط المكيف ويرميني الله عند واحد سوداني ما ادري من وين طلعلي , المهم قلتله اكشف عن الميكف شاف المواصير ما فيها تهريب والكمبروسر فيه فريون , قال الزول الكمبروسر تمام خليني اشيك على الكهرباء اشوف من وين الخلل ؟ قلتله توكل على الله , قام اخذ لمبة الفحص و حط المشبك حق لمبة الفحص في اصبع البطارية الموجب + والسيارة شغالة :a1120(121):
وقام يفحص الفيوزات وبعدها فصل فيش عند الكمبروسر واول ما حط لمبة الفحص في الفيش عشان يشوف في كهرباء واصلة او لا طفت السيارة فجأة , انا قلت يمكن شي عادي رحت ابي اشغل السيارة الى والله ما في ولا شي شغال لا طبلون ولا سويتش ولا انوار ولا شي , اثاريه الواطي سوا التماس في السيارة وبكل بساطة حرق الكمبيوتر :smilie20:
وانا زدت الطينة بله وقلت ما اشيل السيارة من عندك الى وهي شغالة ومو شغلي لو تخسر مليون اهم شي ترجعلي السيارة زي اول وريتني ما قلتها , الزول شال السيارة بسطحه ووداها عند كهربائي مبتدأ صاحبة عشان يكشف من ايش الخلل وصاحبة ( الداهية ) قال انه الكمبيوتر ما فيه شي المشكلة من سلك حصل فيه التماس بس ما يعرف وين السلك , طيب وش الحل ؟ قال لازم اكشف على كل الأسلاك بالسيارة عشان اطلع السلك المضروب واسوية ولازم اقل شي تجلس السيارة عندي اربعه ايام , قلت توكل على الله وانا في بالي اهم شي اني ما اخسر على السيارة لأني فلست من المكينة والواجهه ولاحظ عزيزي القارئ ان كل هاذا في اقل من 3 اسابيع يعني راتب شهرين راح بالسيارة .
المهم تركته يومين وجيته لقيت ما في ولا شي في الطبلون ولا اصطب ولا لمبة ولا سلك الى برى السيارة :a1120(82):
انا بصراحة انذهلت من المنظر وكأن سيارتي اتشحلت بالكامل
على طول كلمت الكهربائي انه يركب كل شي مكانة واجيه اليوم الثاني الصباح وكل شي مكانة في السيارة وهاذا الي حصل
اتفقت مع الزول انا اودي السيارة الصناعيه واي قيمة تكلفها السيارة يدفعها , الزول قال اوك وفعلآ
وديت السيارة الصناعيه وكشفو بالكمبيوتر وقالو انو كمبيوتر السيارة عطلان ولازم واحد جديد مع البرمجة طبعآ , غيرت الكمبيوتر والبرمجة واشتغلت السيارة لكن لمن شغلت السيارة تفاجأت الى لمبة الأيرباق ولمبة الهيدروليك ولمة البطارية ولمبة مانع الأنزلاق شغالة ولمبة المكينة من اول طبعآ شغالة , كلمت صاحب الورشة قال عندك مشكلة بالظفيرة الداخلية , فك الظفيرة على قولته وصلحها لكن المشكلة ما زالت زي ما هيا .
وازيدكم من الشعر بيت , الحين لمن امشي بالسيارة الأنوار الداخلية فجأة تنطفي وتشتغل من لحالها مع المكيف ( انوار الطبلون مع انوار السقف مع انوار العداد ) كلها تنطفي وتشتغل سوى وبعد الأنوار الأمامية للسيارة تطفي وتشتغل فجأة .
كل ما وديتها لكهربائي طلعلي علة وفي النهاية ما تتصلح :smilie20:
غيرت كتاوت النور وغيرت مجمع الفيوزات وغيرت السويتش وغيرت شاشة المكيف ولا في فايدة.
والله ما ابالغ يا اخوان في كل الكلام الي ذكرته , بالعكس يمكن نسيت اذكر اشياء سويتها في السيارة من كثر ما غيرت وصلحت في هالسيارة .
ابي مساعده منكم تكفون , اي واحد يعرف ورشة كهرباء ممتازة في جدة يبلغني بس يكون متأكد 1000% من اصحابها وانهم يملكون الخبرة في كهربة القراند ماركيز لأني بصراحة ما صرت اثق في اي ورشة ابد .
ياريت تدلوني على ورشة كهرباء تكون ثقة في جدة او حتى في اي مدينة قريبة منها ( مكة او الطائف او المدينة )
وسلامتكم
