السلام عليكم شباب لقيت سوبارو امبرايزا STI 2007 ماشيه 50الف شباب شرايكم طبعا بعدلها بركب قزوز وهدرز وانتيك هوائيات ايش رايكم في السيارة بالعربي ابغى اشخمط اللومنيات وانواعها:bigggrin:
صاحب الموضوع اذا بتاخذ sti فخذ 2007 ونازل او خذ 2011 وطالع وابعد عن الي بين هالسنتين لاكن حط في بالك لماتطلب السيارة بتقعد فترة طويلة لين توصل كل يوم يقولك بعد عشرين يوم او شهر وماتدري الا انت مكمل 4 الى 5 شهور والسبب مدير المبيعات الى ماهمة الى الدراهم على حساب الزبون وسمعة الشركة......اسال مجرب
وانتبة تاخذ 2009 الى عندهم ترا فية كم وحد مسوين عليها عرض وحد موضبة مكينتها مرتين وهي ماكملت الضاهر 10الاف
السلام عليكم ورحمة الله وبركاته
أخواني أنا عني ليجاسي 2009 B SPORT ما شاء الله قوية حييل ومصخرت فيها سيارات وطبعا سيارتي استوك وجارنا عنده 2009 امبريزا STIوليلحين معاها وسقتها جم مره قوية حيل وفوق جذي انه مكينتها مافيها ولا عيب ما بين ليلحين بعد مرور سنتين راعي الامبريزا قالي اخذها من الوكالة تيربو STI ولا اتركب او تعلب فيها بره الوكالة على المكينة لانه صعب تلقه احد مختص بالسوبارو والناس اللي تحط زواييد على المكينة بره الوكالة راح أدق مكينتها
والله العظيم مره واجهت واحد جايبله امبريزا بالسرفس وانا كنت انطر سيارتي طبعا مكينتها طاقة لانه صاحب السيارة قالي ركبت عليها تيربوا بره الوكالة بعد مرور 5 اشهر جان اطق المكينة واصحاب الكراجات بس يركبون التيربو وما يعرفون على السوبارو عدل
الفنين الي جو من شركة اليمني (بالقوه والواسطه) هم الي قالوا انو المشكله من النور الامامي وأنها ليست اول سيارة وان المشكلة مصنعية ومع ذلك رفضوا استبدال السيارة واشتكيت الى وزراة التجارة وطلبوا مني ثلاث حالات مشابه
الله يعوضك وبالنسبة لليمني حسابة عند رب العالمين وكلنا نشتكي....
بالنسبة لل2011 غيرو بعض الشغرت في المكينة وحتى الحين ماسمعنا عن مكينة ضرب بس ال2008 حتى 2010.......واعيد واكرر الف مرة ال2007 ونازل مافيها اي عيوب مصنعية ال2008 الفاشلة بتصامينها ومكاينها هي بداية انهيار السوبارو
يا اخوان أنا اشتريت سوبارو امبريزا 2008 2000cc واحترقت السيارة بسبب عيب مصنعي في الشمعه الأمامية و اليمني وكيل السوبارو ما هو معترف بالضمان حقو ومني عارف آخذ حقي منه
مدري من وين جبت معلومة ان الـsti مهب للمقاومات....!
الامريكي حق سرعات عالية يعني حدة خط مستقيم اما والمناورة والتسارع النشط والمتعة الحقيقية sti بدون نقاش.
الموديل الفاشل هو الهاتشباك فقط وبالتحديد 2008 و2009 وكل المكاين ضربت في السعودية وفي امريكا...ال2007 الشكل السابق خذها وانت مغمض سيارة شرسة ورمز الاداء في سوبارو حتي انها اشرس من ال2011 الجديدة ولاتحط في بالك واذا على التعديل فنصيحة ابعد عنة لان مافي احد محترف تعديل في هالديرة وافضل من يعدل في الاردن والامارات لانها سيارات مصممة بتقنية عالية وليست معقدة مثل مالناس تقول وتحتاج خبرة ولمسات خاصة.... لاكن اذا التعديل على هوائييات فلاباس لاكن انتبه وحاول تاخذ معلومات ادق لان الى تضرب مكايينهم بعد التعديل بسبب التركيب الغلط او التغاضي عن ابسط التفاصيل او تركيب قطع غير مناسبة مع طبعا سواء الاستعمال والحماس الزايد الى ينسي الواحد ان كل شي لة حدود
الاسعار ممكن تكون حسب مالقيت لاكن اذا هي في قمت النظافة وماقد لعب صاحبها بمكينتها وترا ممكن لقي شبة وكالة لاكن للاسف في امريكا وياما شفت سيارات اجد من الجديده معروضة في المواقع الاجنبية....!
يعطيك العافيه بس انا دايم اسمع في نادي سوبارو المشاكل في 2008 وفوق مدري اذا 2007 نفسه المشكله هذي كارثه لقيته ب 70الف ف قطر وايش رايك انا دايم اشوفك ف نادي سوبارو
