ليه اسعار البي ام تطيح بسرعه ,,!

قبل إسبوع بالضبط وبالتحديد في معارض الكويت إنباعت BMW 750LI موديل 2008 بـ 95 ألف ريال والرجال شارط الفحص قبل الإستلام !!!!

وقبلها بفتره بيعت BMW 730LI موديل 2007 أو 2006 في بحر السبعينات !!!

كلها هذا في الكويت


يعني والله ظلم . . أشتري السيارة بنص مليون وآخر شي أبيعها بـ 95 ألف ريال

الـ x5 صراحة ما قد جربتها ولا أعرف أحد جربها . فما أقدر أفيدك فيها .
وما فيه سيارهـ فيها الإيجابيات كاملة .
إلا ما تجد بعض السلبيات .
إذا ودي أنا بـ سيارة جيب دفع رباعي .
ما راح أفكر في غير بورش كايين .
لإنها أفضل جيب دفع رباعي ( صناعة المانية ) . وأقل سيارة من ناحية السلبيات .
من وجهة نظري .

طيب ايش السياره التي ممكن تلقى فيها المواصفات اللي ذكرتها او على الاقل 90% منها ومن السيارات الالمانيه لاني كنت ناوي على ال X5 وشكلي بغير رأيي!

بسم الله

أولا سيدي الكريم نحن هنا لفائدة الجميع من خلال تجربتنا وتجربة زملائنا وأصدقائنا ولسنا مروجين لسلعة على حساب أخرى كلها شركات سيارات وليس لي من أسهمها حظ أو نصيب
ثانيا : أنا حلفت بالله إن الواقعه هذي صارت لصديق عزيز علي والسيارة أخذها وكالة 2007
ثالثا : أنا جربت البي إم وكان آخر موديل إمتلكته 740li 1995 وكانت من أسوأ السيارات الي إمتلكتها مشاكل كهرباء تكييف سيئ كل شوي تولع لمبه لين في الآخر صار شعر في رأس المكينه وترتفع الحرارة وعلى الحراج وهذا الكلام عام 1998 وبعتها ب 78 ألف ريال وشريتها مستعمله من صديق ماشية 80 الف كم ب 100 الف
رابعا أي مواصفات ومقاييس ؟؟؟ في سنه من السنوات كانت سيارات اللأدا الروسيه موجوده وكالتها وهي بعيده كل البعد عن مطابقتها للركوب الآدمي
أخيرا أنا سيدي قلت رأيي في سبارة إمتلكتها وإمتلكها أصدقائي هل في ذلك ضرر عليك ؟؟؟
انا مبسوط من سيارتي الجراند شيروكي ناس كثير ما توفقوا فيها هل أحاربهم وأقول إنهم غلطانين ؟؟؟ ----كلامي مافيه تضليل ولا إخفاء عيوب عن المسلمين لأني أتقي الله في مالي ومال كل مسلم وفي الأخير هي سلعه بفلوسي وفلوسك ومن حقنا نطلب المزيد من الجوده
نعم كل الشركات اللي تنهب فلوسنا اعطيها بالنعال وتكرم ويكرموا السامعين لين ما يعطونا اسعار وجوده ----ولو أحد طلب نصحي في جراند شيروكي ولا تايوتا راح أقول بالفم المليان تايوتا
لأنها وافقت متطلباتنا أكثر ------ بلاش تعصب وتحامل وتاكد إننا في خدمة بعضنا

هلا اخواني ...

بالنسبة الى البي ام دبليوا .. ( ومن وقائع ومن خلال تجربتي لهذه السيارة ) ..

سيارة ماعليها كلام من جميع النواحي ..

* فخامة
* جودة
* ثبات
* مواصفات
* صيانه ( صيانه مجانية الى 100 الف كم .. يعني راحة بال ) لابعد هالايام حاطين عرض الصيانة والضمان الى 5 سنوات شامل جميع القطع عدا الاطارات
* شكل
* جاذبية
* اسم
* سعر ( اسعار البي ام دبليوا في الوكالة افضل بكثير من المرسيدس لان المرسيدس سعارها مرتفع اكثر ، يعني لو قارنا سعر المرسيدس S350 بسعر 740LI راح نلاقي ان البي ارخص ومواصفاتها اكثر وقوة محركها واداءها افضل .. ( وهذا لايعني التقليل من المرسيدس ولكنني اتحدث عن الاسعار فقط .. ) .


** اما بالنسبة الى سؤالك .. عن سبب النزول السريع في سعر البي ام دبليوا ... ؟؟!!

اخوي السبب الرئيسي هو المجتمع وماتم توارثه من معتقدات .. يعني قديما ً كان يطيح سعر البي ام دبليوا سريعا ً وذلك بسبب غلاء وارتفاع قطع الغيار هذا بالاضافة الى عدم توفرها .. ( البركة في الوكلاء سابقا ) .. فبقي هذا الشيء يتناقل ويتوارث عبر الاجيال .. ومن دون اية مبرر .. ( وعلى سبيل المثال .. ان فيه الكثير من الاخوان اللي اجابوا على سؤالك ذكروا .. هذا السبب وقالوا بسبب ارتفاع اسعار قطع الغيار .. طيب : كيف ارتفاع اسعار قطع الغيار .. والصيانه مجانية .. يعني اسعار قطع الغيار ( 0 ) اما لو قلنا ان السيارة قديمة او انتهى عقد صيانتها المجاني .. وصارت الصيانه على حساب مالك السيارة .. ( فلنقارن اسعار قطع غيار المرسيدس مع البي ام .. راح تلاقي ان الاسعار متقاربة نوعا ً ما .. والجودة كذلك .. )

دليل اخر .. بعيدا ً عن البي ام دبليو واعذروني على ابتعادي ( ولكن من اجل ان اثبت الكم يااخوان بان المعتقدات القديمة والمتوارثة هي السبب .. الجميع منا يعرف ان في الاونه الاخيرة وبذات في الخمس سنوات الاخير تردي الجودة في سيارات التويوتا وظهور العيوب المصنعية .. ورغم ذلك مازالت هذه السيارة تحافظ على اسعارها .. وتقريبا هي التي تتسيد عرش المحافظة على الاسعار ..!! وذلك يعود السمعه والشهرة التي اشتهرت بها هذه السيارة في هذا المجال ( المحافظة على السعر ) حتى بقيت كما انها احدى مواصفات القياسية لهذه الشركة ...


*** يعني يااخوان اذا عندك بي ام دبليوا موديل 2010 وماشية 10 الاف كم تقريبا ً وفكرت تبيعها .. ورحت فيها الى الحراج او عرضتها للبيع وتم عرض سعر لك .. وماعجبك .. وطلبت من المشتري ان يزيد السعر .. اول كلمة راح يقولك ايها هي : سعر قطع الغيار غاليه ...!!!!! طيب السيارة على الضمان وبها عقد صيانه شامل .. !!!! بس الناس للاسف صارت تتبع مايقال .. !!

واعذوني على الاطالة ...

وهذا ليس بدفاعا ً مني عن البي ام .. ولكن عن اغلب السيارات اللي مضلومة من هذه الناحية .. يعني النسيان باترول على كل المواصفات اللي فيه والتقنيات الحديثة والقوة .. ينزل سعره اكثر واسرع من اللاندكروزر مع العلم ان النسيان باترول شكله جديد وفيها مواصفات لاتوجد في اغلب سيارات الدفع الرباعي .. وكما هو الحال مع السيارات الاخرى سواءا ً كانت امريكية او اوروبيه او يابانية .. !!!

وهذه وجهة نظري ... مع احترامي للاراء الاخرى ..

تقبلوا تحياتي

اخوي معليش
اذا البي ام تعطيها نعال والجميع بكرامه .. باقي السيارات اللي في دون مستواها ايش تعطيها ..؟

عزيزي
في شي اسمه مطابقه المواصفات و المقاييس لدول الخليج .؟؟
مستحيل اي سياره تدخل الخليج و هي لا تحمل استكر على باب السائق للمواصفات والمقاييس ..
يعني السياره تتحمل اقصى ضروف الخليج من برد و مطر و حر و غبار و حتى ثلوج ..

و بعدين في شي اسمه ضمان
كيف اخذوا عليه 32 الف ريال .؟؟

طلبتك يا خوي
اذا ما كنت من مجربين السياره او احد مالكيها
انك تجربها و تعطيني رايك بنفسك بكل صدق و ليس عن طريق كلمه "يقولون " او " سمعت "...

أنآ مع الأخوآن اللي قآلو إن ثقآفة المجتمع هي السيئة في هذأ الجآنب ..
وأكبر دليل في تقرير جي دي بآور للسيآرآت الأكثر إعتمآدية عآم 2009 أخذت BMW موقع ممتآز بالنسبة لـ تقنيتهآ العآلية جدًا واللي مفروض إن السيآرآت الأقل منهآ تقنية تكون أفضل منهآ من نآحية الإعتمآدية والأعطآل ..
وهالتقرير كآن نتآئج لـ درآسة 3 سنوآت لجميع السيآرآت الموجودة في البيآن .. وكآنت BMW فوق الآفرج أو المتوسط لنسبة الأعمآل ممآ يجعلنآ نطلق عليهآ إسم سيآرة إعتمآدية بينمآ مرسيدس أخذت دون المتوسط وهي العدو اللدود لـ BMW ..
وهذي صورة للبيآن من شركة J.D.PAWER ..

http://www.blogcdn.com/www.autoblog.com/media/2009/03/vds_1.jpg

..

اللي أبي أوصل له إن ثقآفة المجتمع هي اللي أسآءت لـ هذه الصنآعة البآفآرية .. وأنآ أرى أنهآ إعتمآدية لأني أثق بالحقآئق المثبتة من شركآت متخصصة أكثر من الكلآم العشوآئي بين الأفرآد .. وقد يكون بعضهم لم يستخدم السيآرة بتآتًا ..

هذآ رأيي في الموضوع .. أرجو تقبله ..
لكم ودي ..

مثل ما تفضل أحد الأخوان وقال ثقافة مجتمع وكمان في أسباب أخرى
السيارات هذي اللي أخذت جوائز أخذتها في مدن ما تشوف فيها ذرة غبار
إسفلت كأنه مرايه --لو تركت نوافذها مفتوحه لمدة شهر ماعندك مشكله
طلائها الخارجي يستمر سنوات طويلة دون التعرض لتلف
السيارات ذي ثقافة ملاكها الصيانه الدورية ولا يفكر أصلا الإحتفاظ بالسيارة أكثر من سنتين أو ثلاث
كل هذي عوامل تخلي السيارة تآخذ جوائز في الدول الأوروبيه
لكن في أجوائنا وثقافتنا ما تآخذ إلا بصندوق طماط يتحذف عليها
وعلى فكره يمكن كل الماركات أخذت جوائز مو بس بي إم
أقسم بالله هذي سالفه صارت لصديق لي ----عنده الفئة السابعة 2007 وكان في سنتها صار مطر وأعتقد تسرب الماء ودخل بين فتحة النافذة إلى داخل الباب أو تقريبا هذا اللي صار المهم ----تعطل جهاز إنذار وصارت النافذه مفتوحة وصوت جرس الإنذار شغال ---أرسلوا له الوكاله وأخذوا السيارة ---ووصلته الفاتورة حوالي 32 ألف ريال
والله هذا اللي صار ---- هذا مطر السعوديه ياحبايب ---وربي ما أعطي هالسيارة إلا بالنعال مو جائزة ويكرم السامعين وحبايبنا ---تحيه لكم

وأنا معاك بالكلام هذا أنا مستخدم لسيارات البي أم وأرى بأنها سيارات اعتماديه أكثر من غيرها

الاجابة الواقعيه هي ثقافه المجتمع

للاسف السيارات الاوروبية هي الافضل منتجات من الاخرى

عند الناغي الوحيدة الي سعرها في حدود 500 ألف هي ( 750Li )

وأسعارها مستعملة لموديل ( 2009 ) من 360 ألف - 330 ألف تقريبا


مافي ( فئة سابعة الجيل الجديد ) تنباع بهذا السعر إلا ( 730Li ) إذا اخذتها بس ( علامة BMW )

يعني بدون مواصفات ( بدون خرائط - بدون أبواب شفط - بدون أي شئ )

سعرها جديدة 315 ألف لكن المشكلة انها نزلت كموديل 2010 مو 2009

يعني حتى لو لقيتها راح تلاقيها بسعر لا يقل عن 250 ألف


ودائما الي يتحكم في السعر ( الممشى - المشاكل - النظافة )

وهذا الموديل كانت فيه مشكلة ( الجنط مقاس 20 ) مع كفرات ( قوديير )

واظنها انحلت في عام 2010 والحين احنا 2011

فين الرد اللي كتبت فيه أنا أن البي أم ما فيها إعتمادية ؟!!
أخوي الله يعافيك . يا ريت تقرأ كلامي مضبوط .
أنا قايل إعتماديتها مو عالية . والسيارات فيه اللي : ( إعتماديتها عالية - إعتماديتها متوسطة - إعتماديتها متدنية ) .
وطبعاً هذه من بعض الأسباب اللي خلت سمعتها شبه مشوهه في سوقنا .
ثانياً : في معادلة معروفة في عالم السيارات . وهي :
.. (( كلما زادت التكنولوجيا في السيارهـ زاد تعرضها للمشاكل والعيوب )) ..
والبي أم دبليو جميعنا يعرف إنها سيارة ذات تكنولوجيا هائلة ومفرطة .
وحتى أي راعي ورشة تسأله عن بي أم , يقولك :
السيارة إذا :



كل هذه فيها .
بس يقولك السيارهـ تحتاج لـ عناية ومحافظة شديدهـ .
أتمنى تكون وضحت المسألة .

اول شي من ناحية اخوي بندر اللي هي انه البي ام ما فيها اعتمادية !! شلون ؟؟
شركة عالمية رقم صعب في عالم السيارات الفارهه وحصلت على افضل منتج سيارات ف العالم وشلون ما تكون اعتماديتها عاليه ؟؟؟ اعتقد بي ام دبليو تعدت حاجز انها تتقيم على اشياء زي كذا
ومن ناحية اللي يسأل السبب هو اثنين الاول ثقافة الشعب زي ماقالوا اخواني سوبر شارج وميكسيس والسبب الثاني بعيد عن ثقافة المجتمع هي ثقافة البائع لان نفسه البائع يبيع بسعر التراب وهو راضي والا لو انه من زمان ملاك السيارات ما يبيعون بسعر التراب كان الى الحين الاسعار تمسك لكن اجتمعت انه الناس تبي الرخيص والبائع ما عنده مشكله ف صار انه يطيح سعرها ولا تتوقع انه فيها عيب لان لو فيها عيب ما شرتها ناس ب نص مليون وهذا كمان رد ارده على الاخ بندر اللي يقول انها مو اعتمادية لان رجل الاعمال او طويل العمر ما بيشتري سياره ما يضمنها ويثق فيها
سلام

اسمح لي اخوي بندر على المداخله
انا اوفقك اخوي مكسيس انها ثقافة الشعب
وأوافقك بكل ماقلته عدا نقطة الاعتماديه بسيارات البي ام دبليو

لان فيه سيارات كثيره جدا مظلومه عندنا مثل الفولكس واجن والسوبارو والمتسوبيشي والنيسان والانفنتي والبورشيه والخ .. كلها مظلومه من ناحية اسعار المستخدم

ومع العلم كل هالسيارات المذكوره اعلاه ذات اعتماديه عاليه
لاكن الشعب تعود على كلمتين فقط " تويوتا - لكزس " فقط !

وقبل فتره انا طرحت موضوع ان شرطة بريطانا تدشن لأسطولها سيارات BMW
وهي كانت الفئه الخامسه الجديده و3 سيريس ودباب من بي ام دبليو وهذا يدل على سمعة البي ام دبليو القويه باأوربا

لاكن هنا شعب مايحترم هالماركات المحترمه , وحتى فتحت موضوع مع دكتورنا اثناء المحاظره دكتورنا مصري , يقول انتم بالسعوديه ماتحترمون السيارات الالمانيه لان ماعندكم احد يفهم لها ويفهم لصيانتها , على العكس بمصر المرسيدس هذي حاجه ثانيه اللي يركبها برنس وهي اللي تمسك سعرها اكثر من السيارات الثانيه عشان عندنا ناس تعرف وشي هي مرسيدس وتعرف لصيانتها

تحياتي للجميع

السمعه جيده بل ممتازه جدا
الا على من يعاني من صعوبات ماليه في صيانتها
وهم من يدعي بان سمعتها سيئه و ينشرون
هذا الكلام بين الناس ..

انا كمستخدم اشوف ان اعتماديتها عاليه جدا
والارقام و الجوائز خير دليل ...

اعتقد بسبب غلاء قطع غيار السياره وصعوبه الصيانه

الأخ مكسيس .
الإجابة راح تكون من نفس ردك .






س / هل تعتقد أنه إذا البي أم سيارة ذات إعتمادية عالية .. تلقى سمعتها مب جيدهـ في سوقنا ؟

عزيزي
كيف البي ام مافيها اعتماديه عاليه .!؟

بالنسبه للسعر و عن اسباب نزوله فهو
بسبب ثقافه المجتمع
وان السياره الالمانيه الجيده الوحيده في العالم هي مرسيدس بنز ..

مع ان قطع المرسيدس و قطع البي ام دبليو
اسعارها جميعها متقاربه ..

رغم اني اشوف ان النزول طبيعي
فعلى سبيل المثال
بي ام دبليو 730 موديل 2006 يقدر ب120 الف ريال تقريبا
اما مرسيدس اس 350 موديل 2006 يباع ب 140 الف ريال
مع العلم
ان سعر الاس 350 جديده اعلى من 730 الجديده ..

لكن المساله في الاخير مساله ثقافه مجتمع و سمعه ...

بي ام أنا أقولك ( أتكلم عن الفئة السابعة ) :
تبي فخامة ؟
تبي رساوة ؟
تبي جودة مواد داخلية؟
تبي رفاهية ؟
تبي متعة قيادة ؟
تبي تكنولوجيا هائلة ؟
تبي عزل رائع ؟
.. ألخ ,,
كل هذا موجود .
لكن ..
تبي صيانة سهلة ؟
تبي توفر قطع وفروع صيانة بكل المدن ؟
تبي سيارة ما يطيح سعرها كثير عند البيع ؟
تبي إعتمادية عاااالية ؟
تبي سيارة قطعها رخيصة ؟
كل هذه النقاط غير موجودهـ بـ البي أم .
وهذه الأشياء اللي سببت :السمعه الشبه مشوهه في سوقنا .
ولهذا تجد ينزل من سعرها كثير عند البيع .
:wavey: