الحمدلله على السلامة ورحلة موفقة
في الحقيقة عندي حماس للمشاركة مستقبلا في رحلات القروب خصوصا وان سيارتي دفع رباعي لكني بشكل عام جديد على الجيوب واخاف أصير عبء على الرحلة !! يعني عليمي شوي :c0214: بس اعجبكم ان شاالله في الملاحة والخرائط :bigggrin:
(حياك الله لكن على ما اعتقد موترك طامن يعني بيبلشك في زي ذا الاماكن خصوصا مع القصوص :bigggrin: بعلمك وش معناتها وانصحك تجرب نفسك قبل ما تشارك خصوصا اذا طلعتنا للدهنا طبعا ماهي ذيك الصعوبه لكن افضلك ولنا )
ثانيا أحب استفسر منك يابورغد عن بعض المصطلحات الجديدة علي الصراحة مثل:
هيار ! ( احفر حفره في رمل وش يصير ينهار عليك الرمل من كل جهه :bigggrin: عموما المقصود هو ان المراقي ناعم رملها فما يطلع معها الموتر بسهوله)
رباضات ! (رباضات تكون نفس الموضوع ناعم رملها فماتقدر ترخي رجلك فيها تغرز وتغريزتها على طول يدق الدفرنس وانا اقصد بها الاماكن المستويه تقريبا عكس الهيار)
قصوص ! (اما القص فهو على شكل 8 بس اقل حده منه)
هذا فهمي لهل مصطلحات
حسيت اني بريطاني وانا اقرا هالكلمات هههههه :bigggrin:
ثالثا ودي استفسر عن الطريق لشعيب المسعودي ،، انت ذكرت انكم رحتوا مع طريق الدمام السريع لكن لم تذكر المخرج او المفرق الي طلعتوا معه ووصلكم للشعيب ،، مع اني من خلال الصور لاحظت مدخنة مصفاة بترولية وشبهت على المصفاة او المضخة اللي تشوفها على يسارك قبل كبري سعد فهل هي الواضحة في الصورة ؟؟
وإذا كان الجواب نعم فهل الشعيب يقع بين الطعوس والمدخنة ؟؟
وهل يوجد قيود او تحذيرات من الاقتراب من المصفاة ؟؟ << ما نبي مشاكل :tongue:
