محتار .. أبيض أو أسود !!!

وياك اخوي الغالي ..


تسلم اخوي الحبيب جنون ..
اشكرك على النصايح الحلوه .. وبالنسبه للنفقيشن والله ياخوي ما اعتقد اني راح اضيف لها شي خارجي مو اصلي لأني احب السياره تكون شد بلد بدون عبث والنفقيشن كان مفروض يكون اساسي لأن السياره فل كامل بس للأسف هذي حركات بايخه من الشركه عشان كل موديل يضيفون شي جديد .

خلاص اخوي رشودي خذيت الابيض الحمد لله .. واشكرك على النصيحه والمرور الجميل .


هلا وغلا اخوي boss~1
الله يبارك بعمرك ..
بالنسبه للمقعد والله ياخوي انا استغربت يعني الناس تتطور الى الامام مايرجعون للخلف شي غريب .. يعني الموديلات القديمه كان كهرب بالكامل لأنها فل كامل مفروض مايشيلون هالميزه اللي حطمتني صراحه لأن الكابرس القديم اللي كان عندي 2002 كان كهرب بالكامل بس شنسوي الشكوى لله ..
وبالنسبه للنفقيشن ماناقشتهم فيه ابد .
شكراً على المرور اخوي الغالي .

هلا اخوي كابريس ..
هذي اسعار مبالغ فيها واجد واعتبرها قلة ادب وجشع بدون داعي من الوكلاء عشان كذا مستحيل اركبه بهالاسعار واذا احتجت خرايط راح اشتري جهاز جارمن Garmen بألف ريال أو اقل وهو افضل بمليون مره ومتنقل مثل الجوال وكفى الله الناس شر القتال .

تحياتي للجميع ,,

ياشباب اللي يسأل عن النفقيشن

بالنسبة للفئات الأقل من الاس اس يركبون لك الوكاله جهاز في الدرج اللي قدام الراكب حسب اللي سمعته سعرة في الوكالة حوالي 10 آلاف مع البرمجة.

وبالنسبة للإس اس والرويال تحتاج برمجة بس من الوكالة وسعرها حدود 2000 ريال

وكالات نصابة بقوة

الف الف مبروك

والله يعطيك خيرها ويكفيك شرها

واللون صراحة اخترت الأفضل بدون كلام

بالنسبة للمقعد حتى عندي مقعد الراكب يتحرك يدوي استغربت !؟ رغم ان 2007 وما فوق فيه بالكهرب

بالنسبة للنافي , كم نزيد عشان نركبه ؟؟ ما في أحد كلمك عن الموضوع هذا

الابيض نصيحه مني وعشان اللون الابيض شبابي

من ناحية الخرايط اذكر اول قالي الموظف ان الفل فيها خرايط !! :confused1:


بس انتبه لاتسوي شغلك عند اي محل .. مثل ماتعرف الكابريس كله كهرب ... يصير التماس شي لاقدر الله يلعب بكل شي .. سوها بمكان مختص ومضمون ..



بخصوص سؤالك اول ماتاخذ السياره ..

تأكد من الاستبنه .. الكاتلوجات .. الدواسات عند الارجل << مو كل السيارات فيها بس مرات بالصيانه ينزلونها وينسونها .. تأكد من طفاية الحريق .. تأكد من المثلث حق السلامه موجود بالشنطه .. وتأكد من العفريته تجي تحت على جنب بالشنطه ... امممم وش بعد ...وتأكد من كل درج بالسياره مايكون فيه كسر او شي خصوصا حق التدخين اللي ورا تحت المكيف .. وبسس هذا اللي اتذكره الى الان ..


و أي سؤال احنا حاضرين ..:xyxthumbs:

الله يوفقك يا غالي

تحياتي
:xyxwave:

الله يبارك فيك
لا والله ياخوي ابد مالها علاقه بالضمان نهائياً هي مجرد شعار دعائي لا اقل ولا اكثر .


اللهم آمين اخوي قاقا .. اشكرك على الدعوه الطيبه والمرور الجميل .


اشكرك على النصيحه الحلوه اخوي وكلامك عين العقل .. شكرا لك ياغالي .


الله يبارك بعمرك اخوي عشق امريكي ..
اسعدتني كثير بتواصلك الحلو وما انسى وقفتك واهتمامك بموضوعي ياغالي والله يقدرني على رد الجميل ..

بالنسبه للدلع لا توصي حريص :bigggrin:
انا اشوفهم يوزعون كوبونات على الزباين من شركة كار كير car cear خدمات للطلاء مجانيه مع تخفيض لبعض الشغلات الاختياريه ..
انا على العموم بآخذ اي شي مجاني من عندهم ..
وانا اساساً ناوي على :
1- ( خدمة حماية الجلد والفرش والطبلون من زيبارت )
2- ( تظليل عازل ملون + حماية الواجهه الاماميه من شركة 3M )

اما بالنسبه للانوار الخلفيه حقت الرويال والله نفسي فيها وممكن اسويها بس هي تكلف تقريباً 2500 ريال لذلك ممكن اخليها في المستقبل ..

بالنسبه لسؤالك عن الكاميرا والله هذا الشي الحلو اللي ينقصها للأسف لو كان فيها كامرا مثل التاهو :wink: كان ياسلام

هنا انا في بالي شغله ياليت لو أحد يفيدني فيها وهي هل بإمكاني اركب كاميرا خلفيه وأضيف نظام الخرائط على شاشة الـ LTZ ?? وإذا كان ممكن فكيف ممكن اسويه ووين ؟؟؟

تحياتي ،،

الف الف الف مبروووووك
يعطيك خيرهآآآآآآآآآآ ويكفيك شرهآآآآآآآآآ
اهنيييك ع اختيارك
عاد الله الله بالدلع الزين:bigggrin:

بغيت اقولك
اذا انت ناوي اتضلل عازل
هم يضللون عازل شركه يعطونك عليه خصم
_______________________________________
وحمايه للوجهيه عشان الاصطبات ما تتشهب بما انك راعي خطوط
وركب اصطبات خلفيه رويال تطلع بطل

والله يهنييك فيه ان شاءالله ,واهنيييك ع ذوقك

بسسس بغيت اسئلك يا بعدي
فيها كمره خلفيه ؟

تحياتي

شف اخوي خذها قاعده تاخذ اسود تتعب مع انه
شكل وفخامه حنا عندنا درانجو اسود والله معاااناه كل خدش فيه
يباااااااااااان و مع مرور الوقت يصر الون باااهت والله انا اقول خذلك ابيض ورتااح

الله يعطيك خيرها ويكفيك شرها يالغالي

ألفففففف مبروك
الله يعطيك خيها وكفيك من شرها

وأنا على حد علمي عن شعارات الشركات انه يسقط الضمان إذا وخرته

اشكر كل الاخوان اللي شاركوني وتواصلو معي في الموضوع
والله انكم فعلاً اثبتو لي انكم نعم الاخوان وتحبون المساعده وماقصرتو ابداً
واخص بالشكر اخوي عشق امريكي اللي ماقصر وتواصل اكثر من مره في الموضوع
وانا استفدت استفاده كبيره منكم والحمد لله كنتو خير معين لي لاتخاذ القرار المناسب لي وعن قناعه تامه ..

احب ابشركم اني اليوم رحت للوكيل شركة الجميح في الدمام طريق الخبر وحجزت السياره ودفعت كامل المبلغ بعد مفاوضات واتصالات من قبل موظف خدمة العملاء وشد وجذب ومفاصله مع الاداره وفي الاخير وصلنا الى سعر نهائي من مدير المبيعات في الشركه وهو 125800 ريال
للأسف كنت ابي اوصل الى سعر اقل لكن كان هذا اخر شي قدرت اوصل له لموديل 2011
انا طلبت طبعاً انهم مايطلعون لي اللوحه لأني ابي اطلعها بنفسي بحيث اني اروح للمرور واحاول اطلع لي لوحة مرتبه بمجهودي وعلى الله التوفيق .. خصمو لي 250 ريال حق اللوحات والاستماره حسب كلامهم واللي استغربته انهم يقولون التأمين عليك في كل الحالات ، قلت الشكوى لله وش اسوي ، وسألت الموظف قال لي التامين بيكلفك تقريباً 350 ريال .

المهم الحمد لله والله يكتب اللي فيه الخير والله يبارك لي فيها ويكفيني شرها ..

طبعاً انتو تبون تعرفون انا وش اللون اللي استقريت عليه وشريته :wink:

السياره اللي حجزتها هي LTZ V8 فل كامل ( جلد - فتحه ) / اللون : ( أبيض ) :ch19:

قلت لموظف المبيعات عطني رقم الشاصي عشان اشوفها في الساحه على الطبيعه قال لي مايمدي اليوم تعال بكره اذا جيت تاخذ اوراق المرور اعطيك رقم الشاصي وتمر تشوفها .. انا استغربت ليش قال مو اليوم تعال بكره بس فهمت بعدين ان سيارتي اللي هي البيضا مو موجوده حالياً في الساحه ولازم يطلبها من الميناء هذا الشي عرفته لأني ماقدرت اصبر طلعت من عنده ورحت للساحه علطول وقلت لهم ابي اشوف سياره نفس سيارتي وعطيتهم المواصفات فدخلني مدير التخزين اللي هو عبدالعزيز الهندي ودخل يدور نفس سيارتي وناداني قال تعال هذي سياره نفس سيارتك بس مو نفس اللون طبعا الكلام ذا بعد المغرب والدنيا صارت ليل واللون مو واضح بس هو تقريباً لون جديد ازرق على اخضر مافهمت اللون وفتحها لي وشفتها والحمد لله تأكدت ان الموديل 2011 والمواصفات الجديده ..
بس انصدمت من شغله بسيطه ماعجبتني في السياره وهي ان مقعد الراكب الامامي اللي جنب السائق مايتحرك كهربائياً الا فوق وتحت فقط والظهر وتقديم المقعد يدوي للأسف مو مثل الموديلات من 2006 واقدم :mad1:
المهم سألت مدير الساحه متى راح تكون سيارتي جاهزه وش راح يسوون اول ما تجيهم اللوحات والاوراق قال راح نجهزها بحيث نسوي لها تشييك كامل ونجربها بعدين نغسلها ونسوي لها تلميع بولش وبعدها نسلمها لك .. قلت كم تاخذ وقت هالشغلات قال من ثلاث ايام الى اربع ايام .

الحمد لله على كل حال وعاد الحين ابي اذا عندكم نصايح انا ما استغني عنكم ابد واتمنى استفيد بأكبر قدر ممكن ..
يعني قبل لا اطلعها من عندهم هل فيه اشياء ممكن اطلبها منهم .. ياليت تنبهوني اذا لكم تجارب لأن الواحد ينسى احياناً شغلات تكون متاحه له ويندم بعدين ..

على فكره انا قلت لمدير التخزين لا يحط علامة الجميح على خلفية السياره قال أوكي :xyxthumbs:
بس انتو شرايكم بدون افضل ؟

اعتذر عن الاطاله واشكركم جميعا وتحياتي ،،

وليه ماتشوف الذهبي . . احسه رايق عـ الكـآبرس . . !

وطبعـآ كـ فخاامه الآســود . .

كـ شكل مقـبول . ومايتغير اللون . . الآبييض . . :)

^^^^^^^^^^^^^
صدقت وهذا انا اشوفه ع موتري لونه رمادي وشلون الاسود
BMW ترى الابيض ما يقارن بالرمادي من ناحية النضافه والاشياء قالها اخوي JNoN
بسسس كشخه
واذا اخذت الرمادي
حط له حمايه وجهيه شفافه من الشركات عشان ما يصير في اثار بعدين ان شاءالله

وربي خذ ابيض وارتاااااااااااح يجلس فتره معك تحس انه جدييييد .. :xyxthumbs:


اما الاسود فتره وتحس البويه فيها مثل الحكوك وتبان مع الشمس وبهذله مع الغسيل
تغسلها وبعد شوي تمشي تشوف الغبار عليها ولما يجي عليها نور بالليل يبين لك انواع الغبار من المسح :smilie20:


الابيض كشخه .. و احلا
:xyxthumbs:

الاثنين حلوين الابيض والاسود

طيب ليه ماتشوف الون الرومادي مره جنااااان

لا أنصح باللون الأسود في أجواء السعودية :)

السلام عليكم و على البركه
احلا ماخترت
ادري ان ردي متاخر وانك يمكن قررت على الون
بس انا اضم صوتي للاخوان ابيض احلا شي
بعده الرمااادي هذا الون بطل عليها ولا يبين في الغبار غير الون الاسود شغلك الشاغل اهو مسك السفنجه و الغسيل
الوالد عنده كابرس LTZ2008 لون رمادي الصراحه لون رسمي + وحش = فخامه
بالتوفيق

لا تنسنا بالصور (: