خاب املي في وكالة الـVW "بهبهاني البحرين".. (الصور بالداخل)

[quattro GmbH]

السلام عليكم ورحمه الله وبركاته..
تحية طيبة وبعد..

اخوكم طبعاً محب للألماني والاوروبي عموماً بجميع انواعه وخصوصاً سيارات مجموعة فولكس واجن الالمانية العريقة، اخواني انا املك حالياً جاقوار X-Type موديل 2006 اشتراها لي الوالد الله يرحمه بـ10 الاف دينار (99500 ريال سعودي) تقريباً، والسيارة الحمدلله كاملة والكمال لله ولا مرة خذلتني، لكن الصراحة اول ما شفت القولف الجديدة حبيتها وخصوصاً موديل الtsi 1.4liter توربو (160 حصان) وشفتها في اول دفعة في الوكيل الحصري للفي دبليو نص فل بالماكينة الtsi 1.4liter توربو، والصراحة كان سعرها مناسب جداً لمواصفاتها الحلوة (بتشوفونها في الصورة تحت)..

بس للأسف يافرحة ما تمت، الوكيل الغى القولف الي تجي بالمكينة المذكورة فوق، وصارت تجي بال1.6 ليتر الي هي اضعف مكينة بنزين وهي ستاندرد وسعرها تقريباً في الـ75 الف ريال ،ويوم سألت موظف مبيعات قاللي ان الجولف 1.4 سعرها قريب من الGTI الي ب120 الف معقولة !!!

الصور وكانت في تاريخ 9/10/2009 للـ1.4

وهاذي صورة للجولف بمحرك 1.6 الستاندرد (اللي عاليمين)

والحين عندي سؤال لأخواني في السعودية والخليج عموماً..
- هل الجولف 1.4 توربو (النص فل) موجودة في باقي وكالات الخليج؟؟

وشكراً لكم

[HSV&RS]

شف انزل الشرقية عندنا ورح وكالة ساماكو ممكن تحصل طلبك
موفق يارب

[Energy]

نعم موجوده في ساماكو جده و سعرها تقريبا 85 الف ريال و لا تستهون بها تراها قويه برضو

تحياتي

[m_001]

السعر مبالغ فيه

[quattro GmbH]

شف انزل الشرقية عندنا ورح وكالة ساماكو ممكن تحصل طلبك
موفق يارب

الله يوفقك لاكن الموضوع كان مجرد استفسار وانا بشتري السيارة عقب ما تنزل الجيتا الجديدة والفيس لفت للتيقوان

[quattro GmbH]

نعم موجوده في ساماكو جده و سعرها تقريبا 85 الف ريال و لا تستهون بها تراها قويه برضو

تحياتي

ادري فيها .. تسارعها وعزمها من احلى ما يكون وتحسسك بمتعة القيادة الي اهي مو موجودة في اي سيارة نفس السعر

شكراً لك

[quattro GmbH]

السعر مبالغ فيه

بالعكس اخوي السعر ما هو مبالغ فيه مثل ما انت معتقد..
شوف المواصفات والخدمة في الصورة:

اشكرك على مرورك

[EXPLORE]

من الأخر سيارة رهيبة جداً