السلام عليكم
استغرب صراحة ان كثير من الردود تدل على تعصب اعمى او جهل في الموضوع
غريب الي يقول التاهو والاكسبديشن اوسع من السيكويا !!!!
والتاهو اقوى مكينه من السيكويا !!!!
والسيكويا مافيه دبل !!!!
والسيوكيا اغلى من التاهو بكثير !!!!
ياخي بالمنطق اتحدى اي شخص ركب السيارتين يقول التاهو اوسع
السعه الداخليه بالترتيب :
1- سيكويا
2-
3-تاهو
4-اكسبديشن
5-باجيرو
المرتبه الثالثه في السيكويا نفس مساحة الثانيه في التاهو بالاضافه الى ان مراتب الصف الثاني والثالث في السيكويا تقدر تحركها وتعدلها على الوضعية الي تريحك واما في التاهو واليوكن وحتى الاسكاليد فهي ثابته تماما -- المرتبه الثالثه في الباجيرو مااعتبرها مرتبه مع احترامي للسياره -- السعه الداخليه للفورد والتاهو متقاربه
المكينه :
1- سيكويا- 8 سليندر - 5.7 لتر - صافي عزم الاحصنه 381 حصان - التورك 401
2- تاهو - 8 سليندر - 5.3 لتر - صافي عزم الاحصنه 320 حصان - التورك 335
3- اكسبديشن -8 س - 5.4 لتر - صافي عزم الاحصنه 310 حصان - التورك 365
4- باجيرو - 6 س - 3.8 لتر - صافي عزم الاحصنه 250 حصان - التورك
واضح ان الباجيرو في غير محله لأن المقارنه مع غير فئته عشان كذا طلعته من المقارنه -- مكينه السيكويا هي الاقوى من جميع النواحي -- التاهو اقوى من الاكسبديشن ب 10 احصنه فقط ويتفوق الاكسبدشن ب سعة المكينه وعزم الدوران
الوزن الاجمالي للسياره (GVWR) :
1- سيكويا - 7000 باوند -- 3175 كيلو
2- تاهو - 7300 باوند -- 3311 كيلو
3 - اكسبديشن - 7239 باوند -- 3283 كيلو
اخفهم السيكويا وعارف انها مفاجئه للجميع لاكن هذا الواقع -- بعده الاكسبديشن بفرق 112 كيلو عن السيكويا -- واثقلهم التاهو القصير بفرق 136 كيلو عن السيكويا و 28 كيلو عن الاكسبديشن
اما بالنسبه للي يقول السيكويا مافيه دبل !!!!!!!!! احب اقوله كيف الحال يمكن محتاج اب ديت :bigggrin:
http://www.toyota.com.sa/modelsprices.asp?model_id=12
اخيرا السعر
اسعار السيكويا للدبل 140 الف وبدون دبل 130 الف
اسعار التاهو للدبل 148 الف وبدون دبل 138 الف واليوكن اغلى من التاهو
وطبعا ارخصهم الاكسبديشن اسعارهم مع العرض الحالي 110,000 وبدبل 127.000
العرض مدته اسبوع
ومن ناحية نتائج الاستطلاع اسمحلي النتيجه متوقعه ومحسومه للتاهو والسبب
1- كثرة ملاك ومعجبين التاهو والجمس في السعوديه بشكل عام والمنتدى بشكل خاص وكلهم على عيني وراسي
2- تاريخ الجمس القديم والحب المتوارث من الاجداد
3- السيكويا سياره جديده على السوق الخليجي .. واكتساب الثقه صعب في السوق السعودي
بالاخير اذكرك بالاستخاره عليك فيها ترها اهم من كل شيء ثاني وماخاب من استخار
