هل حصل يوم أنك أكتشفت أن المهندس سوى ميكانيكي أو كهربائي يكذب بشكل واضح عليك

[ولد سبيع الغلبا]

بصراحة أنا ياشبااااااااب يوم من الأيام أرتفعت الحراارة عندي

المهم قامت السيارة بالتفتفه والله وأروح للمهندس وأدخل عليه المهم أعطيته الزبدة ومافيها

وسألني متى أرتفعت عليك الحرارة قلت اليوم قال طيب اللحين يبيلنا نشيكها بالكمبيوتر

لأن اللمبة مولعه حقت المكينة قلت ما عندك مشكلة شيك على راحتك وأنا ضايق خاطري

فتح لي كشرته وقال بعد التشيك أخوي عندك تنسيم في المكينة ويبيلها توضيب بغيت أصيح

قلت ما فيه حل قال لا مافيه أي حل ثاني قلت خلني أجرب معه تجربة ثانية

قلت أخوي مع السلامة بأروح اللحين للتشليح وأركب مكينة وأنا واقف وتغير وجهه

قال لا نقدر إن شاء الله نصلحها بدون فك مكينة عرفت أنه كذاااب قلت لا مشكور
والله وخليتها تبرد وعبيت ماء وراحت التفتفه ورجع المياه إلى مجاريها


شبااااااااااب نبي كل واحد منكم يشاركنا بالمعاناة اللي حصلت من أمور كذب من بعض المهندسين

[Rapture]

رحت الصناعية ووقفت عند محل شكمانات ولا كنت ادري ,, كنت احسبهم نفس الميكانيكيين وقلت له عندي صوت طقطقة في المكينة لما تكون باردة قال المشكلة من الشكمان صفط سيارتك على شان نغير الشكمان !!

شفت كيف النصب !! ما تنازل وقال انا تبع شكمانات شوف غيري ؟؟ تراك غلطان !

[doom2100]

رحت الصناعية ووقفت عند محل شكمانات ولا كنت ادري ,, كنت احسبهم نفس الميكانيكيين وقلت له عندي صوت طقطقة في المكينة لما تكون باردة قال المشكلة من الشكمان صفط سيارتك على شان نغير الشكمان !!

ام النصب ياشيخ هههههههههه

[ولد سبيع الغلبا]

ههههههههههههههههههههههههههههههههههه

[كليبر]

هههههههههههههههههههههههههههههههههههههههه
حلوه حقت الشكمان
هههههههههههههههههههههههههههههههههههههههههههههههههه ههههه

[كليبر]

انا صار لي سوالف والله يبي لها كتاب عشان اقولها
بس بقول اخر سالفه

سيارتي جاها حراره وطلع المشكله من الاخير في المروحه
قبلها كشف عليها يماني وقال لي بلف ويماني ثاني قال لي يبي لم تنظف مجاااااااري المويه في المكينه\ لاحظو قال مجاري المويه في المكينة\ قالو له وش دراك انها كذبه قال من كبرها\ عاد يوم قال مجاري غسلت يدي منه ولاااااااااا يقول ب300 ريال بعد وضمان شهرين والمشكلة بعد فحص الكمبيوتر طلعت من المروحه \ الحين لو اني صدقته وش كان صار !!

[Rapture]

حتى أذكر قالها وهو مستعجل كان الدنيا راح تطير

[m_001]

هلا اخوي ،،،

في البداية حبيت اشكرك على الموضوع .... (( ذكرتنــا بالمـــاضي ))

قبل 3 سنوات تقريبا كانت عندي سيارة ( كــاديلاك الدورادو ) موديل 97 كنت شاريها من الوكالـــة ،، والسيارة كانت لها معزة خاصة عندي لدرجة اني كنت مب راضي افرط فيها .. وحتى ولو كان عندي سيارة ثانية غيرها في ذاك الوقت الا ان هذه السيارة كانت شي ثاني عندي وكنت اعتني فيها بدرجة كبيره ( الحمد لله عشر سنوات من دون مشاكل ) اقصد المشاكل الكبيرة ( جير او مكينة ) . . المهم في يوم اســـــود كنت طــالع فالسيارة لكي اجربها بعد ماغيرت لها خراطيم المياه في المحرك وفجاة ارتفعت عندي الحرارة فحاولت قدر المستطاع اني اكمل وامشي فالسيارة الى اقرب محطة ... (( على فكرة السيارة كانت بمحرك نورث ستار الشهير : يعني من اهم مميزاته انه لما مايكون هناك ماء في الراديتر يشتغل نص المحرك فقط والنصف الثاني يعمل على ضخ الهواء للتبريد على المحرك ،، بشترط انه السرعة ماتتعدى الــ60 كم )) المهم بعدين رجعت واخذت السيارة الى نفس الشخص اللي نصحني بتغير الخراطيم ( الميكانيكي ) . فقال انتظر حتى يبرد المحرك .
فانتظرنا السيارة حتى تبرد ومن ثم قمنا بزيادة الماء في الراديتر وهنا حدث المشكلة ... ( كانت الحرارة في العادة على النص في البرد او الحر ) اما الان فهي فوق النص بقليل ..
فقال الميكانيكي اتركها الى الغد وسوف اخبرك بالمشكلة ... وفي اليوم التالي قال لي بانه يجب تغيير ( الجاز جيت ) فأحضرت له الجاز جيت وفي اليوم التالي قال لي انه لكي يقوم بتبديل الجاز جيت يجب ان يقوم بانزال نصف المحرك.. وذلك لان المحرك كبير جدا ومايقدر يقوم بعملية التبديل لعدم وجود حيز كافي .. فقام بانزال المحرك وتركيب الجاز جيت ... وهنا حدثت المشكلة ...!!!!
( السيارة مارضت تشتغل نهائيا ... فقمنا بتبديل الفيول بامب وتبديل الكويلات ولم ينفع الامر وجئت بكهربائي متخصص في الكاديلاك فقال انها ليست مشكلة كهرباء (( مع العلم ان السيارة تدق سلف بس ماتشتغل )) واخير قمت بتبديل المحرك بالكامل وشراء محرك اخر من الولايات المتحدة الامريكية مع الكمبيوتر الخاص به ومع الجير ايضا وقمنا بتركيب المحرك كاملا ( جديد ) مع الكمبيوتر الخاص به والجير .. ولكن من دون جدى (( حتى الوكالة ماعرفوا لين اليوم المشكلة وين .... !!!!!!!!! ))

وتقبلوا تحياتي ....