كابرس ام اكورد ؟؟؟؟؟؟

عزيز الشهري

الكوابرس والومينات والله مواتر تخدم وتعيش معك والله اتكلم من واقع تجربه

وانا حاليا معي لومينا ( اخت الكابرس ونفس القطع وكل شي تقريبا )

والموتر له فوق 3 سنين معي ولا غيرت فيه الا فحمات وخرط هوبات وبواجي

الاشياء اللي كل الناس تغيرها وماتكلف كلها على بعضها 400 ريال

اغلب اللي مواترهم رايحه وطي لأن اساسا اغلب اللي يستخدمون الكوابرس والومينات

كبار سن واتوقع كلن ملاحظ هالشي

والشايب تبطي يغير زيت الموتر ولا ينظف فلتر الهواء تلقاه مايعرف الا يشغل ويمشي

واذا خرب عليه شي بسيط مثل حساس الشكمان ماصلحه خلاه وهالشي بعد مرور شهور عليه

راح يظر الموتر من ناحية المكينه

توكل على الله وخذ لك كابرس لآكن لاتاخذ شي مسمكر فيه كبوت او رفارف لأنها منطقة المكينه ويمكن وصلتها الظربه

وخذ لك شي ماشي 70 الف وتحت لاتاخذ شي ماشي واجد

واهم ماعليك تغير الزيت وفلتر الزيت وفلتر الهواء وتشيك على بقية الزيوت كل 3 -4 شهور

مبروك الموتر مقدما وتكسره بالعافيه ياقلبي

^^^^^^^^^^^^

اجل اعمارهم 19

خلاص قابلني اوريك موتري ماشاء الله
2006 و 2009


خويك ولا مدري مين
صفقني كانهم محافظين

المهم
الكابرس عز
ولا مايطول العنب حامض عنة

يا اخوان يا افاضل .. الرجال يقول ما يبي تفشله في الشوارع ولا تذله عند الورش !!!
اسمع يا اخي ( دنيا الوله )
بالنسبة للشكل >>> فكل واحدة افضل من الثانية

بالنسبة للاعتمادية >>> الكفة تميل لصالح الاكورد
تخيل واحد من اقاربي اشترى اكورد 2008 اول مانزلت على طوووول
يحلف بالله انه ما غيرفيها الا اقمشة ممكن 6 مرات وشداد سير المكينة فقط !!!!
بالنسبة للكابريس فعضلات السيارة ضعيفة جدا جدا
بالاضافة الى طلبات وخرابات السيارة اللي ماتخلص ..

انا تعينت مدرس في الرياض ولو تبي اكد لك سوء الكابريس اعطيك رقمي عالخاص
واثبت لك بالادلة الدامغة
واصور لك صورة الكابريس حقي مع صورة للاستمارة
واثنين كوابرس جدد لأخوياي في المدرسة واصور لك
سياراتهم واستماراتهم اذا منت بمصدق ..
عشان ما تقول هذا متعصب للاكورد ..

قالوا الكابريس عز .. يا اخوان العز في موتر يجملك ,,
ماهوب موتر يطفى عليك وتغير عضلاته كل 6 شهور
لااا .. وطرمبة البنزين حكاية ثانية ..

انا باذن الله ابغى ينتهي القرض اللي انا فيه الان في شهر 8 الجاي
وابيع هالكابريس العلة واخذ لي موتر غيره ..

انتبه من هالمنتدى ... ( ترا واحد يثبت .. وواحد يشوت )

كلهم بل واغلبهم ذولي اللي يعززون لك بالمنتدى اعمارهم تحت 19 سنة
وابوه اللي يزين الموتر ولا يدري عن شي بس يسوق
ولايدفع ريال في قطع الغيار والورش

اٍسأل المجربين للمواتر اللي يدفع دم قلبه عشان يغير قطعة وبعد كم
شهر يغير القطعة نفسها والقطعة اللي جنبها . قسم بالله ..
هذا الكابريس يالحبيب ..
انضحك علي انضحك علي قسم بالله
الكابريس عز الكابرس عز >>> اخرطي
ااااااااهـ يالاكسنت ياليتني سمعت كلام الزملاء ولا بعتها او
اشتريت لي اكسنت وكالة ..
لكن كله من هالمنتدى يرفعووون بك الين تشتري وانت مغمض
وتتوهق بعدين وتروح الورش وتقابلهم هم نفس العينات يصلحون مواترهم ..

الله المستعان

توكل على الله وخذلك كابرس
فخامه وقوه وراحه ورزه وهيبه
بلا أكورد بلا هم

يعني اخذ الكابرس واتوكل على الله ..

انت خذ الي يريحك بس اذا تبي رايي خذ الكابرس رويال او ss

طيب فورد تورس .. قريبه من آسسعآرهم وآفضل ..

وآذآ بين بسس على هذولي .. آنصحك بالكآبرس .. آفخم وآقوى

ليش الفرق مو بس بالمكينة والشكل الخارجي ؟؟؟

ss يفرق عن ls فرررق كبيييييييييير (شكلك ماتعرف شي عن الكابرس)
ss سعره بالوكاله 150000
ls سعره بالوكاله 100000

مافي مقارنه بين الكابرس والأكورد
أكيييييييييييييييييد الكابرس أفضل
(تقارن قطوه بأسد)
اذا تبي القوه والفخامه والراحه والوحش مالك الا كابرس ss أورويال
سعر الكابرس ssأو رويال 2007 النظييف من 65000 الى 75000
وبالتوووفيق

اخوي نصيحه خذ الاكورد افضل واذا تبغى تشوف الاسعار ادخل هالرابط
http://www.ksacar.com/Result_ar.aspx?MODE=1

احم وينكم ياشباب :(

الله اكبر

انا اخوي اشترى ال اس معدل اس اس خارجي لون اسود ماشي 130 مديل 2007 فيه رشه بالرفرف والكبوت اخذه ب 40 بس نظيف مرة ..

:smilie20:

انا لقيت كابرس اس اس 2007 لون ابيض بس الكبوت مرشوش وماشي 57000 الف والسعر من 65000 الى 70000 وهذا كل اللي عندي.:wavey:

جزاك الله خير اخوي ماقصرت

انا الي رادني عن الالكود سعرها

لان الماكس عندي 50

والله يا غالي ما لي اي فكرة في الاسعار ولا ابغا افتي لك لكن شيك عالنت شوف موقع مستعمل تلاقي وانصحك خليك عالاكورد وشيل الكابرس من راسك ماهو زي اول وانت تشوف اصحابك على حسبب كلامك خليك في الاكورد والله ليك وللزمن باذن الله حتى عيب غلاء قطع الغيار ما سار زي زمان رخصت عن اول كتير وبالتوفيق

انا من ناحية الحفاظ ع السيارة مايحتاج ادلعها احلى دلع

بس ابيها تدلعني خخخخ مو تذلني بالشوارع والورش

المشكلة ان فيه بعض الناس متعصبين للامريكي وخاصة الكابرس واعرفهم كل يوم بالورش ويقولك الموتر مايحتاج .. بس استخدامهم نسال الله العافية :xyxwave:

طيب بالنسبة للاسعار
انا لما اروح المعارض ينلف راسي ولا اعرف القى سيارة
ياليت لو احد يفيدني بالاسعار المتوقعه لكلا السيارتين ان كانت نظيفه وممشاها قليل نسبيا

كيف نعيش بلا كابريس؟

انا كنت باشتري اكورد وبطلت عزمها = -1000 واتكلم عن ال 4 سلندر

كابريس بالامانه يهربد اعرف واحد عنده 2006 يقول مجننه مع ان الرجال ما اتوقع يمشي اكثر من 12 بالخط يعني محافظ عليه كثير