مرحبا اخوي الخل الوفي:
فكرتي بنيتها على فكرة وضع الكفر باللاند وراحت عن بالي ان الفش فش من الخلف مقوس
عموماً ربما اجد حل بعد البحث.
أبو إبراهيم، فيه حل آخر، لكن من رأيي غير عملي من تجربتي له. الحل هو إنك تركب الحامل الكفر على مستقبل مقطورة، مثل هذه الصورة:
وبعض الناس مفصلها تفتح على تحت بدلاً من على جنب مثل هذا بحيث يقلل من تكلفة التصنيع وتعقيده:
قد يبدو هذا الحل عملي من الصور، لكني جربته سابقاً قبل ما أركب الحامل جنوب الأفريقي، وهو حل سيء جداً. السبب أن الكفر ثقيل، وعندما يكون مثبت على نقطة واحدة فقط، فإنه يهتز إهتزاز شديد مع المطبات، فما بالك بمطانيج؟ فما بالك بالاهتزاز الناتج عن التطعيس بسرعة كبيرة؟ أنا أجزم أنه مع التطعيس الشديد ممكن اللحام ينفك وينكسر الحامل.
حتى تركب شيء كهذا تحتاج إنك تركب هوك حق سحب (مستقبل هوك)، ثم تركب الحامل، لأن الفورتشنر ما يجي فيه مستقبل شد بلد. إذا تبغى عندي مستقبل ممتاز حق الفورتشنر لكنه ما يركب مع كفر السبير، كنت مركبه قبل ما أركب الحالي. كذلك عندي حامل كفر يركب عليه لكن كما قلت لك ما أنصحك فيه.
نظام الجاذبية اول مرة اسمع او اقرأ عنه ربما يكون افضل من الطرمبة لكن لمعرفتي وعملية الطرمبة طرحتها..
حتى اني فكرت لو وضع سلة حديد فوق التندة للسيارة ووضع عليها وتركيب تانكي بحيث يكون نزول البنزين سريع للخزان الاساسي بالتالي يغنيني عن الطرمبة وتعديل وغيرها..
وخزان 72 لتر صراحة ممتاز مع الموجود الحالي واكيد يعطي مسافات بعيدة وانت مطمئن البال.
لا ياخوي إنسى تحط البنزين فوق التندة، هذا جنون، تدري ليش؟ وزن البنزين ثقيل، وسقف السيارة غير مصمم لحمل الأوزان الثقيلة، وممكن يخفس عليك السقف.
فيه واحد من الشباب فصل خزان يركب مع كفر السبير سعته تقريباً 50 لتر، تفصيل محلي لكن هون وما ركبه وعرضه للبيع. إذا تبغى ممكن أتواصل معه وأعطيك رقمه تشتريه منه.
