شريت كمارو 2010 SS وواجهتني هالمشكلة .. هل من حل ؟؟

اايهـ سعودي @user_242222 · 19-10-2010

السلام عليكم ورحمة الله وبركاته

أخواني أعضاء هذا المنتدى الشامخ ...
أعزائي بعد فضل الله شريت كمارو 2010 SS يوم أمس مشاء الله
لكن حاولت مراراً وتكراراً أن أشغل أنوار الضباب
وحاولت قرأت الكاتلوج لكن لم يوضح شي
فهل من حل لاني أبغى أشغل أنوار الضباب مع العدسات فقط بدون الأنوار الأساسية

.......................................

والأمر الأخر هل الأمر صحيح أن البنزين 91 يضر بالمحرك ؟؟

(( أعتذر عن الأطالة وسووووء التنظيم ))

$$ أبو يحيى $$ @user_50764 · 29-10-2010

هلا بولد ديرتي اللي معه كمارو >> يتمصلح :bigggrin:
لا تصير أنت راعي الكمارو الفضية >> شكله مافي إلا هي بالقصيم ..:smilie16:
..

أتوقع بما أنه ما عندك زر خاص للكشافات .. فهي تشتغل بشكل تلقائي ما تقدر تتحكم فيه إلا عن طريق تغيير البرمجه و اللي الوكالة عندنا من المستبعد أنها توفرها لك ..

متى تمرني ناخذ دوره بالمبروكه >> هههههه أمزح ترا .. الله يعطيك خيرها و يكفيك شرها و شر من به شر ..

تقبل مروريـ ,,

اايهـ سعودي @user_242222 صاحب الموضوع · 28-10-2010

مشكووور أخوي 3E9AM على المقطع
لكن أنا ما أشتغل عندي مثل المقطع لان الدوار حق النور ما ينضغط للداخل بتاتاً
على العموووم يبدو انه مثل ما قاااال الأخواااان من البرررررمجه نفسه
وأشكر جميع الأعضااااء على التفاعل .,.,

3E9AM @user_235562 · 27-10-2010

أبشررررررررررررررررك

لقت في اليوتيوب طريقة تشغيل الأنوار وإن شاء الله تلاقي فيها حل لمشكلتكhttp://www.youtube.com/watch?v=ZkhUoxJOfGk

رياض القحطاني @user_104810 · 24-10-2010

الكشافات في حالة تشغيل النور تطفا تلقائيا ولا تقدر تشغلها الا اذا طيفيت الانوار جايه برمجتها كذا اذا تبي تتحكم فيها رح لكهربائي واقطع السلك وتوليف ( يلغى الضمان اذا سويتها )

snooop @user_221954 · 23-10-2010

هههههههههههههههه
طيب ليه يحطون انوار ضباب؟؟
وش ذاه ؟؟
الي اعرفه انوار الضباب تشتغل مع الواطي بالنسبه للسيارات الامريكه وتطفى مع العالي
اوما ماتشتغل الا بالنهار؟ وش يفكرون في؟
--------
عندي حل
روح للكهربائي يقطع سلك الكشافات بزراديه ويشبكها مع النور وخلها تشتغل مع النور

عاشق الاوبل @user_769 · 22-10-2010

اخوي انسى هذي الفكره لان السياره ما تشتغل انوار الضباب الا في النهار فقط بليل ما تشتغل هذا كلام اكيد 100% فريح نفسك و الكلام من الوكاله و من اصحاب السياره فارتاح

اايهـ سعودي @user_242222 صاحب الموضوع · 22-10-2010

أخوووووي SNEEK
جربت الطريقه بدون فائدة لأن زر تشغيل النور يتحرك يمين ويسار بس مايطلع برا ولا يدخل
على العموووووم ماقصررررت أخوووووي

S N E E K @user_145299 · 21-10-2010

اخوي بالنسبة لزر انوار الضباب تشغيلها يكون بالطريقة هذي
تشغل الانوار على اول تكه وبعدين تسحبها كانك بتطلعه بره وبكذا يشتغل
اتمنى انه يكون كلامي واضح واذا مافهمته قولي لي بس والله يهنيك بالسياره الجديده والله ونعم الاختيار

سـsayـيارات @user_21879 · 21-10-2010

بارك لك فيما رزقك وأعطاك خيرها وكفاك شرها

أنا منذهل من الناس اللي يتكلمون بخصوص البانزين ... ياخي هذي ما يبيلها وكالة لأن الوكالة ممكن تكون معلوماتهم غير صحيحة خاصة ربوعنا أكيد ما تجهلونهم

شف حبيبي الزيت وأوكتين البنزين هذي حاجتين دئما خذها من كاتلوج السيارة مع التأكد من اسم محرك سيارتك الرمزي لأن ممكن يكون الكاتلوج يخدم أكثر من محرك أو أكثر من بلد وقارة.

اايهـ سعودي @user_242222 صاحب الموضوع · 20-10-2010

الف شكر يا جماعه
وبالنسبة للقصيم مازال التفكير سائد هايلوكس+ ربع + حوض بس
لكن بدأ الأن الناس تقبل على باقي السيارات وخصوصا السبورت
وبالنسبة لمقبض تشغيل النور بغيت أكسره من كثر ما حركته لكن بدون فائدة
لكن أعتقد انه مثل ما قال أخوي أبو عقارب هالأمر من الشركة نفسه
لكن بكرا أبروح للوكالة وأسئلهم
ألف شكر أخواني مرة ثانيه

أبو عقارب @user_52217 · 20-10-2010

..

أخي الكريم ..

انوار الهيد لايت [ الرئيسية ] في الكامارو .. ما تشتغل مع كشافات الضباب ..
تقولي ليش .. اقولك .. كذا من الشركة .الأم . !

حتى اذا تبي تتأكد من كلامي .. شف اي مقطع فيديو لـ كامارو ..
ما رح تشوف ابدا الواطي + الكشافات أبدا ..
يعني اذا جيت تشغل الاثنين مع بعض .. العدسات تطفي .. ولا الكشافات ما تشتغل ..

بس :

في نوع في امريكا .. اللي هو يجي بدون عدسات .. [ الهيد لايت ] مو زينون ..
هذا تقدر تشغل معه كشافات الضباب زي الكامارو اللي في توقيعي ..
وهذا النوع مو الفل .. الفل العدسات .. زي اللي عندك ^^

وإهنيك على حسن اختيارك , إن شاء الله افدتك :)

..

سري للغاية > @user_223368 · 20-10-2010

يا اخي روح الوكالة وريح راسك

من ناحية البنزين 95 افضل للمحرك 8 سلندر

تحياتي

fawaz04 @user_237852 · 20-10-2010

والله الغريبه صدق !
كامارو بالقصيم !!!
خابرهم منتهى الطموح هلي:smilie322: وربع :smilie322:!!<<الحمدلله لك ياربي صدق ان الذووق نعمه !!
ع العموم الف تريليون مبروووك والله يعطيك خيرها ويكفيك شرها !!
وحل كل اللي برأسك بالوكاله !!

Sammy Mirza @user_68791 · 20-10-2010

في القصيم و شريت كامارو الله يعينك من كلام الناس عليك

بس بصراحة احسنت الاختيار

عموما يا اخي يعني مني عارف كيف قدرت تشغل الانوار و ما عرفت تشغل انوار الضباب كلهم نفس المقبض

بكل بساطة تلف المقبض الا انا حاط عليها مربع و تشتغل النور

تحياتي

اايهـ سعودي @user_242222 صاحب الموضوع · 20-10-2010

مشكوووورين يا أخوان
لكن أنا دورت مفتاح تشغيل الأنوار ولا حصلته
وبالنسبة للوكالة أنا ساكن بالقصيم والوكالة هنا ما يعرفون للسيارة وأنواع الزحمة

aboo-shhr @user_233207 · 20-10-2010

يا اخي ريح مخك واطمر الوكالة واسئلهم عن الي تبي

ابومهد @user_23044 · 20-10-2010

السلام عليكم

بالنسبة لأنوار الضباب ما عندي خلفية بس بالنسبة للبنزين نصيحة مني لا تعبي 91
لأن محرك بهذا الحجم 8 سلندر يضر به الـ91 يمكن يخربلك طرمبة البنزين بعد فترة
عشان كذا عبي 95 وريح راسك .

snooop @user_221954 · 20-10-2010

بصراحه مابعد ركبت كومارو
ههههههه
بس اكيد زر الكشافات موجود حول زر الانوار تحته او جنبه او فوقه او يمكن مدموج معه او في الطابلون تحت المكيف او فوق المكيف او يسار المكيف هههههههه او يمين المكيف
ميه ميه انه زر الكشاف موجود في الغماره
ترا يمكن بعد تحت الكرسي لان حبوها يسوون لك غميضه مع زر الكشافات
وترا يمكن بعد زر الكشافات طفش من الحر وشرد من سيارتك علشان كذا دايم وقفها في مكان بارد
انا مره مسكت مسجل سيارتي كان يبي ينحاش وصدته عند باب الحوش يقول ذبحني الحر