مشورتكم يوووكن ,,,تاهوووو،،،،،فورد اكسبيديشن,,,,

سلام يا شباب وكل عام وانتم بخير :smilie16:

نحن رسينا على فورد اكسبيديشن ستاندر طوووووويل وش رايكم فيه وكم حقه القير مش ست

غيرات ؟؟ ولا لا وياريت تقوولولي اذا كان يجي في الستاندر حساسات ولا لا

واسفين على الاطالة:xyxwave::xyxwave:

مشكور راغب 2010 يعطيك العافية

ما في فروق كبيره بينهم اثنينهم تمام و كل واحد يمتاز ببعض المميزات عن الأخر

الي أعرفه من فروق هي:
الإكسبيديشن تصفيط المراتب أفضل من اليوكن لأنها تتصفط بمستوى أرضية السياره
الإكسبيديشن متوفر فيه نظام سينك لربط الجوال بالبلوتوث و تشغيل أوامر صوتيه
الإكسبيديشن يصرف بنزين أكثر من اليوكن بفارق بسيط
الإكسبيديشن وكيله أفضل من بعض وكلاء جي ام
اليوكن مرغوب أكثر في أسعار ما بعد البيع
اليوكن قيره ست غيارات و مكينته أقوى بفارق بسيط
اليوكن أفضل في التكييف من الاكسبيديشن
اليوكن المرايات الخارجيه تتصفط بزر
و الموضوع يعتمد على نظرتك بالأخير للسيارتين

والله ناس تقولي فورد اكسبيديشن وناس تقول اليوكن الاقوى احترنا يا شباب

انا من رايي ان اليوكن افضل

فورد أكسبيدشن وأرفع إيدك .. :)

مشكور بس ابي اعرف ايش الاقوى والانسب للعائلة تاهو ولا يوكن

فكره جميله

رسينا على تاهو ltz 2011 ويش رايكم نغيره الى تاهو lt وسيارة صغيرة داخل المدينة :c0214:

يكفيك اليوكن كل الورشات تفك وتربط فيه مو مثل الاكبديشن<<لانو في الغالب يكون مع شياب<<ولا يفجرون ولا يطلب
اما اليوكن والتاهو تحصله شبابي وشيباني<<متعووب عليها<<وخرباها معرووفه يعني ما فيه شي غامض

اليوكن والتاهو منتشر بين الشعب السعودي زي انتشار التويوتا

والوالد جرب يوكون 99

وبعده شرا سوبر بان 2003

والله انه يقول اليوكون القديم افضل بووواجد من الجديد

من ناحية الديكورات والمكينه والدبل وكل شي

والان هو وده يشري موتر له ولا يدري وش ياخذ

وانا انصحه بالاكسبدشن لاكن يقول بفكر واشوف

وللمعلوميه الاكسبدشن راح يتغير في 2012

زي اليوكون والتاهو في 2012


وانا ما جربت الجموس الجديده ولا الاكسبدشن لاكن ركبت يوكون اكس ال 2007 والله الديكورات متفككه وانواع الاصوات وفيه لمبات كثيييييره مولعه بالطبلون ومنهى الارباق و المكينه وغيرها


ومن استخدامي لموتر الوالد والله الديكورات تفككت وانواع الاصوات وحتى الديكور الي على العارضه الي قدام الراكب الي بين القزازه الاماميه وقزازة الراكب انفك وطاح لحاله وما فيه احد جاه

والدرج الوسطي تكسرت مفصلاته



وعليكم بصلاة الاستخاره

اكسبيدشن مواصفااااات ورحابه ووسع ولا احسسسن
ادل التاهو ولا اليوكن بأخر صف وشوف وين الاريح والانسب

اما الشكل الخارجي من اليوكن وبعده التاهو

والاكسبيدشن ماعليه شكله مع في تطور بطئ لكن يقووولووون والعلم عند الله

انو راح يتغير شكله ؟!؟!!؟

^

تصدق فاتتني الرساوه

الرساوه اشوفها افضل بـ الجمس

يمكن عشان حجمه اكبر او اثقل





اللي اعرفه

يوكن اقل نوع بـ 139 الف

وفل كامل 188 الف

والتاهو الفل بـ 170 مايتعد السعر

اكسبديشن

اقل نوع اللي اخبر اول بـ 109 الف بلكن زادت الاسعار او تغيرت

بالنسبة للرساوة فسيارتي تاهو جنط 20

الحمد لله مع طرق الجنوب أمشي مع اللفات 140 - 150 كلم ولو تبي تاخذها بأسرع بتقدر

فما أدري من اللي يقول ما هي راسية ؟؟؟

مشكورين على المرور والله شكلو حتى الاعضاء محتارين :bigggrin:ناس تقول يوكن وناس تقول اكسبيديشن الله يعين بس الاسعار للي يعرفها لا يبخل علينا

الرساوه والثبات معروفه من فورد من زمان جدا حتى انا اعترف فيها

لكن طي المراتب توجد باليوكن والتاهو والسوبربان بالفئات العليا وربما اليوكن الفئه المتوسطه او العاديه ( لا اعلم )

وبالنسبه للتماسك واحد من العيال معه اكسبديشن 2004 يمدح تماسكه لكن فيه اصوات :rolleyes1:

وكل سياره لها ميزاتها :smile:

ولا صراحه عشان اشياء بسيطه صار الاكسبديشن 2006 افضل من الجديد

فكر فيها شوي وترا كلن يمدح بقله .

صديقي لحن المشاعر

المزايا التي رأيتها في سيارتي الـ 2006 ولم أرها في التاهو الـ 2010 هي :

الرساوة والثبات على الطريق ، ركب معي راعي تاهو 2010 واعترف بأن موتري أرسى من موتره .
طي المقاعد ، بسهولة وبدون أي تعقيد وبدون شيل وحط وهاذي غير متواجدة في التاهو واليوكن والسوبر بان .
القوة والنشاط ، وانا يابعدي راعي تطعيس ووحسيت بالفرق بالقوة بالنفود اضافة الى ارتفاع الاكسبديشن مقارنة بالتاهو .

موتري 2006 واستخدام الجيش الأمريكي في قطر ، ومع ذلك لايزال متماسك داخليا بدون أي أصوات ، وراح انتظر صديقي ربما سيشتكي في يوم ما كما اشتكى غيره .

لاحظ ياحبيبي اني قارنت بين اكسبديشن 2006 وتاهو 2010 ، يعني لو قارنته بـ اكسبديشن 2010 راح بخرايطها .

اللي يقول عن انتشار التاهو واليوكون ، هذا يدل على تأصل ثقافة القطيع بمجتمعنا ، حتى التويوتا منتشر ومع ذلك في السنوات الأخيرة سيء الصنع ومشاكله أكثر من أن تحصى !!!

علمياً

تفوّق الاكسبديشن على التاهو واليوكن .

اخوي بحر السيارات انا مريت العيسى والجميح الاسبوع الماضي
وسئلت عن اليوكن دبل عند العيسى بـ 143 الف والجميح 146 الف
بالنسبه للـ الاكسبديشن مريتهم قبل شهر تقريبا وكان سعره بما يقارب
الـ 140 الف طبعا دبل ..
بقول انطباعي الشخصي عن الي شفته ( كـ شكل فقط ) لكن تجربه ما جربت السيارتين ابد
اليوكن فخم داخليا وخارجيا وماعليه كلام ومعجبني كذالك الـ الاكسبديشن بس يعيبه
شكله من الخلف احسه كبير وغير متناسق مع شكل السياره من الامام
طبعا كلامي شكليا مثل ما قلت لكن كـ جوده ومن هالكلام ماعندي علم
انا صرفت النظر عن الـ الاكسبديشن بعد عرض العيسى الي هو صيانه مجانيه
مفتوح الكيلوات لمدة خمس سنوات .. وما زلت بطور السؤال عن ميكانيكيه
وعيوب اليوكن لكن ربك يدبرنا على الصالح
اتمنا اني افدتك مثل ما افادوني الاعضاء الكرام بموضوع طرحته بهذا المنتدى
اتمنا ان تعود عليه وتقراء رد الاخوه المتباينه هناك لعل ان تخرج بقرار يرضيك

على هذا الرابط
http://www.assayyarat.com/forums/thread222795.html

اتمنالك التوفيق