السلام علكيم كيف حال الشباب وش أخباركم وش علومكم
شباب والله عندي مشكلت مالقيت لها حل والمصيبة الأدهى والأمر أني فحصت كذا مرة كمبيوتر ولاطلع شي وكل مرة لمهندس يقولي شي سويت بعض الكلام
وبعضهم مو مقتنع فيه
وأنا من الاخير مليت من هالمشكلة كرهت السيارت
ولالقيت حل
سيارتي هي كالتالي
أبيكا -2006-أربعة سلندر -عايدي
المشكلة هي
لمن أجي أهدي طبعا فقط أجي أهدي
وأحط رجلي على الكلشت أحيانا طبعا ينزل الهوا دفعة وحدة وتطفى السيارة ؟
تخيلو وسط الزحمة واحيانا أكون مسرع أجي أهدي مثلا أكون ماشي 60 وأجي أهدي وتطفى
نظفت منظم الهوا غيرت بواجي غيرت صفاية غيرت الطرمبة مع العوامة-(صينية)
ماتطفى إلا لمن أجي أهدي وأحط رجلي على الكلشت قالي اخوي يمكن الكلشت داخل جوه
رحت وطلعت الكلشت لبرا ثلاث سنات
رحت لمهندس يقولي يبي لك تصفية بخاخات وبغيرك ربلات في البخاخات وترجع وكأنها جديدة
تكلفك 200 ريال
وسمعت ناس يقولوون فيه تصفية بخاخات بالجهاز أنا مادري وش المشكلة والله العظيم طفشت
وأنا طالب مكآفأتي راحت في السيارة ورغم أحساسي المشكلة بسيطة بس ماوصلت للحل والله طفشت أرجو الإفاااادة والله يسعد ويحفظ ويوفق اللي يساعدني للوصول لحل ينهي هالمشكلة
