تغير لون ورائحة زيت القير وش السبب ...؟

هلابك اخوي البواجي والاسلاك مالها دخل بالقير اذا غيرتهم افضل وحافظت ع الصيانه الدوريه لكن حاول تغير زيت القير اول بأول يعني اذا كنت تغير كل 8 شهور حاول كل 6شهور اذا تبي انضف للقير وتحاول تخفف من ريحة حراق الزيت واذا الزيت مايقلب لونه الى احمر مايل للسواد هذا طبيعي اهم شي لايقلب الى لون السواد اذا كان يقلب الى السواد يدل على ان وجود براد الكلاتشات كثير وحلها انك تغير القير اول باول وان شاء الله الامور تمام وبالتوفيق.........

الحمدلله التغييرات تمام , أما الصفاية والطرمبه وأسلاك البواجي ما غيرتها .

اذا التغييرات سليمه فلا تخاف على قيرك وما عليك من ريحة ولون زيت القير اذا ما هو مختلط مع ماء الرديتر فكل شيء تمام وانت عليك تغير زيت القير وفلتره كل 30 الف
وكن مطمئن .
اما التعتعه وضعف العزم فهل غيرت صفاية البنزين
وطرمبة البنزين كم عمرها في سيارتك وهل سويت تصفية للمكينة من تغيير البواجي واسلاك البواجي وفلتر الهواء.
موفق اخوي

والله انا اقول توضيب احسن شي ولا تشتري قير ابد انا اخوي عنده كابرس 91 شاري قير موضب جايب فيه العيد .. فوضبه عند ورشة طيبه ولا يهمك السعر ..

إذا ارتفعت الحرارة إلي نص يبدا يثقل الموتر في القومة مع تعتعة..,وللأسف مافيه سرة في الطنجرة مثل الفورد يمكن يبي له نتظيف داخل القير من الزيت القديم عن طريق فك القير كامل .
وشكرا لك على النصيحة ياخوي ويعطيك العافية .

طيب زيت اسي ديلكو هو الاصلي وما أغير إلا من هذا الزيت من شريت السيارة وحتى الان .
هل تعتقد السبب من الزيت ؟

هلابك اخوي قيرك ان شاء الله تمام اذا عزمه ماتغير ولاتحس بثقل وتغير زيته اول بأول ماتاكل هم عندك حل واحد وجربه اذا زانت الامور انعم واكرم اذا لطنجرة القير سرة حلو خليه يفتح الصوف الاماميه الخارجية للقير اذا بالطنجرة مسامير صغيرة واضحه ويقدر يفكها حلو غير زيت الطنجرة بس شوف كم تاخذ من علبه بالضبط لأن الطنجرة يكون زيتها قديم وانت اذا بدلت الفلتر تبدل 5 علب من اصل 12 علبه او 11 علبه واذا مالها سرة يقدرون يفكونها عن طريق ماسورة طرمبه الزيت داخل القير وانا ماانصح بذالطريقه واذالازم يفك القير عشان يبدل الزيت هذا شي يراجع لك وانا اخوك وانا ماابيك تخسر و خصوصا توك مبدل زيت وفلتر انت شوف اذا فيه سرة او لا ورد خبر اون شاء الله نشوف لك حل نبداء بالاسهل وبالتوفيق......