النصيحة لمن له خيرة بالمونتينر

GLADIATOR_1107 @user_238811 · 23-09-2010

السلام عليكم
لو سمحتوا يا شباب أفيدوني في الماونتينر موديل فوق ال 2000
من حيث قطع الغيار
صرفية البنزين
هل ثابت ومريح بالسفر ولا لا
العيوب الفنيه
رجاء لا أحد يفتي
شكرا على مروركم

شهاب السحيباني @user_84126 RiYaDh 4X4 GrOuP · 24-09-2010

انا واحد من ملاك الماونتنير م 2007

السياره ما شاء الله راسيه بالخط و ممتازه جداً لكن الراحه لك عليه شوي ... قاسي شوي الموتر ... ويمكن لاني متعود على الماركيز ... و السياره قطع غياره رخيصه ... طبعاً انا ما اتشتري القطع الا من الوكاله لاني ما اضمن القطع الي بالمحلات ... و الفحمات غيرته مره وحده من يوم شريت السياره ولله الحمد... و السياره طبعاً على يدي من الوكاله و ماشيه الحين 180 الف كم...

البنزين اعبيه 91 فل بـ32 بالعاده اذا فاضي مره...

التكيف فيه رووووووعه... شئ لا يوصف...

اذا انت راعي بر انصحك تاخذ اخو الماونتنير ( اكسبلورر ) لان فيه دبل ثقيل..

اذا عندك اي سؤال انا حاضر...

وعلى البركه الموتر ان شاء الله... والله يطعمك خيره ويكفيك شره...

lexus4ever430 @user_99468 · 23-09-2010

احنا عندنا مونتنير 99 ماشي 150 الف بس , لكنه بصراحة موتر تعبان جدا يمكن

لانه احنا معطينه للسواق ويختلف الوضع لو كان استخدام شخصي وراعيه يهتم فيه

بالنسبة لقطع الغيار اكثرها طلبية طلبية وغالية شوي اذكر مرة غيرت له هوبات واقمشة

امامية مدري خلفية دفعت الفين ريال .

wow0123 @user_52322 · 23-09-2010

كيف ارسعار القطع الاستهلكية مثل
الاقمشة الامامية والخلفية الانوار الصدام امامي خلفي

محب الشفر @user_206068 · 23-09-2010

لسلام عليكم ورحمة الله وبركاته ,,,,,,
اخوي صاحب الموضوع احييك وانقلك تجربتي الشخصيه:
انا عندي ماونتنير 2007 والموتر ماشالله مريح في الخط وراسي يعني ثبات ماعليه كلام ومن ناحية الصرفيه طبعا الماونتنير والاكسبلورو مايجون عندنا بالشرق الاوسط الا 6 سلندر والصرفيه جيده تعبي فل بـ 45 تمشي 500 كيلو وشوي تقريبا ومن ناحية قطع الغيار اسعارها معقوله وحلوه ومن ناحية العيوب الفنية زي اي موتر الكمبيوتر يخبط احيانا ولاكن مب ذاك التخبيط الي يذكر اجيبلك مثال اانا عندي الكمبيوتر طلعلي لمبة الزيت يقول يجب تغير الزيت وصحيح الزيت يبيله تغير بس يوم غيرته الكمبيوتر يقول غير الزيت وانا توني مغيره بس هذي توديها الوكاله ويحلونها والموتر ممتاز ومريح جدا تقبل مروري وعذرا على الاطاله وبالتوفيق.