الخميس 4 يونيو 2026
الرئيسية أخبار السيارات مواضيع اليوم
روابط قد تهمك : السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | قناة السيارات
عاجل
لماذا تُعدّ سيارات الدفع الرباعي والشاحنات الجديدة القوية من نيسان بهذه الأهمية؟ | كشفت تويوتا النقاب عن سيارتها الجديدة كورولا كروس بيك أب | رُصدت سيارة هيونداي أيونيك V في الصين: سيارة كهربائية فاستباك بطول 4.9 متر بأبواب بدون إطار ونظام 800 فولت | لماذا تنقل بعض السيارات القوة إلى الطريق بشكل أفضل من غيرها؟ | لون جديد وأربعة أحصنة إضافية لمازدا MX-5
الرئيسية المنتديات العامة ارشيف الاستفسارات احتمال ابيع سيارتي والسبب رجلي !!

احتمال ابيع سيارتي والسبب رجلي !!

ارشيف الاستفسارات مغلق
22 رد 3,107 مشاهدة 18 مشارك الأقدم أولاً
ا
الجوهرةES350 @user_191181 · 20-09-2010
السلام عليكم

والله يااخوان من مدة طويلة وانا اعاني من وضعيه الرجل ماادري وش اسوي فيها !!
مراح احطها على المكان المخصص لها لكن بعيد شوي واذا قربت السيت بيحث تكون الرجل على المكان المخصص لها ماش ماارتحت للبنزين والفرامل

واذا ارتحت للبنزين والفرامل ماارتاحت الرجل اليسار !!

عجزت القى وضعيه تناسب كل الرجلين وانتم بكرامة !!

ماادري وش اسوي صراحة !! انا قبل شوي لي نص ساعه وانا احوس واقدم وارجع بس لافائدة تذكر ...
هههههههههه يالله مشكلة الطول ..

ماادري وش الحل حتى اني صرت افكر ابيع السيارة بسبب هالمشكلة !! والسيارة هي لكزس es350
N
Night @user_14595 · 25-02-2012
تم اغلاق الموضوع
a
ali996a @user_241722 · 25-02-2012
ES صغيره داخليتها الافضل تاخذ لك سيدان كبير الحجم والا SUV على ذوقك وارتاح وتاكد من حجم مراتب السايق قبل لا تشتري
ر
راعي التيما7 @user_280858 · 24-02-2012
ليه تستخدم اليسرى اصلا ً

انا برجلي اليمنى والرجل الثانيه اعطها فوق الدركسون ولا رجل ع رجل هههههههههههههههههههههههههههه
N
Night @user_14595 · 01-10-2010
تم نقل الموضوع من منتدى السيارات العام الى قسم ارشيف الاستفسارات
D
DENZEL @user_176961 · 26-09-2010
هنا تجي فايدة مثبت السرعه وانا اخوك :)
ش
شهاب السحيباني @user_84126 RiYaDh 4X4 GrOuP · 26-09-2010
ما فيه ألا حل واحد عشان ترتاح ... اقطع رجلك اليسار..:bigggrin: وريح رااااسك...
أ
أبو ديـــــالا @user_149616 · 23-09-2010
وش رايك تركب للكزس حقتك قير عادي

عشان تشغل رجلك اليسار اللي مسوية لك زحمة من فضاوتها
--------

شوف عزيزي بكل أمور الحياة أي شي تدقق فيه أكثر من اللازم ماراح تتعود عليه

حتى وجهك لو تدقق فيه بالمراية راح تحس إنه غريب , مشي أمورك بالبركة وحاول تستخدم الجهاز الصوتي بسيارتك المسجل والراديو عشان تلتهي عن رجلك ( بما لا يغضب الله .
ا
ابوفيصل الغامدي @user_209270 · 22-09-2010
هههههههههههههه
ابشرك انت موسوس رسمي

والله مااقول الا الله يعينك
يعني مثلاً اذا مديت رجلك اليسار
في محل لها
وطولك مرررررررررررررررررررررررررررره عادي
ا
الجوهرةES350 @user_191181 صاحب الموضوع · 22-09-2010
هههههههههههههههههههههههههه ايه اضحك وش عليك

هههههههههههههه والله يااخوان مدري وش فيني وحتى اليوم مريت واحد من من اعرفه عنده معرض وقلت له ببيعها قال صاحي انت توك شاريها اكرفها وقلت له عن رجلي قال الله وكبر راكب ددسن اعقل

عاد تصدقون اني ارتاح بالدتسن اكثر من اللكزس !! لحد يضحك ولله ماقلت الا الصدق
عندنا ونيت للبيت واحيانا اخذه
ن
نـاصر @user_80714 · 22-09-2010
هههههههههههه
s
s351 @user_17065 · 22-09-2010
خل ريلك اليسار نفس لما تقعد على الكرسي نفس حالتي :)
ا
الحنووووني @user_218758 · 21-09-2010
وعليكم السلام

احسك تفكر برجلك كثير احس الموضوع وسوسه انسى رجلك ان شاء الله ما راح تحس بشي
n
nawaf1428 @user_229049 · 21-09-2010
والله ياخوي مافيك الا العافيه انت لا تدقق على المرتبه وكيف اجلس وكيف وكيف؟!
انا متابع موضوعك الاوال والموضوع هاذا بصراحه توقعتك طوويل مرره بس لما قلت طولي 170 طولك جدا عادي ومايسوى الواحد يقول انا ما اعرف اجلس من طولي طولك زين وسيارتك ازين خلك طبيعي
اسف على ردي الطويل بس حبيت افيدك
ا
الجوهرةES350 @user_191181 صاحب الموضوع · 21-09-2010
والله مدري وش اسوي

احس اني موسوس احيانا واحيانا امسك خط طويل 100 كيلو ورجلي تروح فيها من الالم
n
nawaf1428 @user_229049 · 21-09-2010
ههههههههههههههههههههههههه
الله يهديك ترا كل الي يصيرلك وسواس ياخي توقعتك طوويل مرره انا اطول منك بس الوضع عاادي جدا اسوق اي سياره صغيره انت شكلك تفكر كثير في المرتبه خل وضعك عاادي وتضبط اموراك وتعوذ من الشيطاان
w
wellwell_32 @user_206454 · 21-09-2010
اللحين طولك 170 و راكب es و متوهق يا رجال خاف الله و خلك من الوسوسه

بعدين و ش دخل الرجل اليسار و انت بكرامه السياره اوتوماتيك يعني بستخدم اليمين بس

يعني اليسار بتكون مريحه

انا بعض احيا اسوق السياره رجل على رجل و احيان اليسار ارفعها على الطبلون و احيان اثنيها و اركي الركبه على الباب

يا عمي شفلك حل و عود نفسك على جلسه معينه

وبعدين لا تخاف المشكله مو غريبه بس مو كل واحد ما ارتاح في الجلسه باع السياره :confused1:

خل عنك الوسواس
و اذا ركبت السياره قول سبحان اللذي سخر لنا هذا و ما كنا له مقرنين و ترتاح ان شا ء الله

والله انك غريب ..... تراني فاطس من الضحك :bigggrin:

الله يستر عليك يا غالي
Z
ZEMAN @user_206506 · 20-09-2010
وعليكم السلام ورحمة الله وبركاته

تبي الصدق, لازم تتعود عليها بأي طريقة

انا سيارتي اصغر وطولي تقريباً 189 ومع الوقت تعودت عليها

حتى اليارس مع اني ما اطلع فيها كثير لكني تعودت عليها.
ا
الجوهرةES350 @user_191181 صاحب الموضوع · 20-09-2010
طولي طبيعي اخوي 170 تقريبا لكن ولله ماني عارف ارتاح بالكرسي ابدا
A
Abu Ghada @user_48786 · 20-09-2010
موضوعك غريب صراحة ! أنا أتوقع مشكلتك من تعديل وضعية الكرسي واذا كنت طويل بشكل غير طبيعي فالمشكلة من نوعية السيارة يبي لك سيارة بحجم أكبر.