السلام عليكم
كل عام وانتم بخير
قال المثل ( ما خاب من استشار )
وانا طالب نصيحتكم في شراء سيارة عائلية:
1- افكر في سيارات مثل ( اكسبلورر, تاهو ) وافضل هذي النوعية لكن خايف من كونها سيارات ثقيلة وما تنفع في المشاوير اليومية.
2- شفت اليوم في احد الصالات سيارة هوندا اوديسي واعجبني وسعها وامكانية استخدامها في المشاوير الخفيفة .
المطلوب سيارة مستعملة
المبلغ الكاش حاليا حدود 40 الف
وناوي ابيع سيارتي لكزس اي اس 300 2001 اذا شفتلي سيارة طيبة وتستاهل
وش شوركم الله لايهينكم
وهقوتكم كم تسوى سيارتي ( استخدام نظيف, شريتها من الوكيل لكن ما شافت الوكالة من 5 سنين, بها طعجة خفيفة تم تعديلها بدون سمكرة فوق فتحة البنزين)
بارك الله فيكم ومشكورين مقدما
