السلام عليكم
من يساعدني وادعي له مع صلاة الفجر ان شاء الله
اسوق 3 سيارات والرابعه سيارتي es350
2 جيب و1 مرسيدس
وكلها تصاميم مراتبها وتصاميم المرايات يختلف والله اني متلخبط مرره
لي نص ساعه قبل شوي احوس واعدل في مرتبه سيارتي والمرايات
ماش مانيب مرتاح وانا اسوق ابدااا
قربت المرتبه من الدركسون وحست وعدلت ماش ماانيب مرتاح بعكس السيارات الثانيه
وسيارتي من زمان معاي لكن صراحة في الاونة الاخيرة مو مرتاح في سواقتها ابداا وبالاخص وضعيه المرتبه والدركسون والمرايات
حاولت اظبط المراية لكن ماعرفت كل شوي اغيرها ياارفعها فوق ياانزلها تحت يالفها يمين يايسار
والمرتبه حدث ولاحرج احب امدد كراعيني لكن الشكوى لله كراعيني طوال لكن ماادري كيف اقدر اظبطها بحيث انها تكون مرتاحه من دون ان تسبب لي الالم في الرجل وبالاخص مفصل الرجل
وكيف اظبط المرايات بحيث اني يمكن اشوف النقاط العمياء اضافة الى زوايا السيارة بشكل واضح لاني حاولت اظبطها لكن اذا احد وقف جنبي والموقف كان ضيق مره اضطر اغير وضعيتها انزلها عشان اشوف الي جنبي فهذا اكبر دليل على ان المرايات تم ظبطها بالطريقة الخطا
