قير البليزر توقف فجئة

[mash114]

السلام عليكم

اليوم كنت اركن السيارة وكنت في الريوس ووضعته في الباركن وفجئة اصبحت عصا القير لا تتحرك ولا تقبل الانتقال الى اي وضع لا الريوس ولا الدي
وهي الان في p والسيارة تتحرك عادي ولا ترضى تشتغل كما لو كانت في الوضع n

ملاحظة : زيت القير توه مبدل في الوكاله قبل شهرين في السيرفس 120 الف
السيارة موديل 2005 بدون دبل

في ناس تقول البطيخة لا سمح الله وناس تقول مشكله في الكهرباء ما توصل للقير فك البطارية
وناس تقول القفل الى بين العصا والقير

الفزعه يا الرجاجيل
تراني راعي عيله والعيد ورطه بدون سيارة


سلام عليكم

[anas2912]

وناس تقول القفل الى بين العصا والقير

هذا اللي أتوقعه

[محبكم2010]

والله اعلم انه بين العصا والقفل وعلى كلام بعضهم افصل البطاريه وانتظرها حوالي 30 دقيقه وركب وشوف واذا مانفع افتح الديكور اللي عند العصا وشوف قفل العصا ممكن معلق واحيانا ينفع فصل البطاريه.
لكن برضه جرب هذي الطريقه شغل اول دقه قبل السويتش يعني حتى يشتغل اللمبات اللي بالطبلون وبعدها حرك العصا وان شاء الله تتحرك وهذا الكلام من الكتلوج.

[M~أمير بكلمتي~M]

وعليكم السلام ورحمة الله وبركاته

مشكلتك ان لمبة الفرامل ماتشتغل وهي سواء كانت من حساس او فيوز محروق

وطبعا هذا المشكلة تم ذكر حلها لسيارات فورد وهو نفس النظام في جميع السيارات

ذات نظام القير يكون فيها اوتوماتيك

تصلب عصى القير

يشتكي البعض من تصلب عصى القير عند وضعه في P واذا نزل لا يشتكي من شئ

والسبب ان لمبات الفرامل لا تعمل والسبب حساس لمبة الفرامل

طبعا كثير من الورش وللاسف الي يقولك توضيب قير والي مادري ايش من ابداعات المتفلسفين

الحساس قيمته 90 ريال تركيبه ماياخذ 20 ريال

صوره

الي عليه دائر حمراء

لحالات الطوارئ: حينما تكون في سفر وتواجه هذي المشكله ولا يتوفر كهربائي
يوجد حركه مؤقته لتبديل القير من الـP الى الـN وهي بفتح السويتش درجه بسيطه قبل تشغيل لمبات الطبلون
ومنها انزال القير للشرح بالتفصيل تابع الرابط التالي:

http://www.assayyarat.com/forums/sho...d.php?t=180070

انتهت ولله الحمد

أخوكـ

[mash114]

السلام عليكم
تم اليوم تحديد المشكلة من طرف احد الشباب الميكانيكين
شخص المشكله بانها القطعه البلاستيكية اسفل السيارة الموجودة في سلك القير
تاكلت . تم ربط السلك ب علاقة ملابس وتم تشغيل السيارة و قيادتها بشكل مؤقت الى الورشة .
سلك القير ب 200-250 تقريبا
بس تركيبه يحتاج وقت . تفكيك ديكور السيارة الى اسفل الدواسات الى القير

المشكله : عدم استجابه عصى القير للحركة يعني عدم القدرة على التحكم بقير السيارة
ولكم منى جزيل الشكر والامتنان
سلام