استفسار من أخوكم يا أهل الأماني

^
^
اخوي ليتم تتاكد الكامري كل سنه الى سنه ونص اغير قماشاتها 4 ب 254 ريال اصلي

---

بالنسبه لقطع الغيار للمرسيدس والله ياصاحبي انها غاليه عندنا cls 500 قطع غياره ناار جدا بدون مبالغه خصوصا قطع الزينه مثل الرافارف و الكبوت الخ صاير حادث جدا تافه وبسيط لسياره يعني دقشه بالاسطب الايمن + رفرف + صدام فقط زاويه طقة على 40 كيلو المهم السياره على التامين قيمة القطع فقط ب 25 الف + 7000 شغل الوكاله

اخوي خذها نصيحه قبل كل شي شيك على كمبيوتر السياره اذا سليم 100 بالميه قل الحمدلله بعدين شيك على المحرك والخ... واذا كل شي تمام توكل على الله

بالنسبه للقطع انا اشوفها مناسبه جدا لسياره فارهه المانيه مثل البي ام دبليو والمرسيدس , بعدين اذا السياره تطابق المواصفات الخليجه خذها واذا الالماني مايتحمل جونا من اللي يتحمل

بالنسبه لقطع الغيار مثل ماتفضل اخوي اللي فوق يوم يضرب مثال على البطاريات
يعني الكامري تغير فحماتها مدري بكم لاكن 4 شهور او اقل وانت مركب جديد ولا قلنا له شي قال قطعها رخيصه !

لاكن الالماني صحيح تدفع فيها شوي لاكن تعمر معك ماشالله
طبعا هالكلام كله ينطبق على الفارهتين البي ام دبليو والمرسيدس

صدقت ..
أنا عندي مرسيدس وركبت مره هوبات من الدرجة الاولى وليست الاصليه
ولكن لم تدم اكثر من 6 اشهر
وبعدها ما ركبت غير اصلي
كل شي عندي ولله الحمد اصلي مهما كلفني ..
الاصلي في المرسيدس تركب وتنسى ...
سيارات صراحه لا يعلى عليها ولكن يجب
الاهتمام بصيانتها ...
ولكم التحية :xyxwave:

والله هي له اكثر من 60 سنه

يعني اللي يعيب جودتها والا صناعتها ما اظنه بصاحي

اما عن القطع فهذي يبيلها تصحيح معلومه وخذها مني :

انت اللحين اذا كان عندك جهاز الالكتروني ريموت او غيرهـ وركبت له بطاريات ام ريالين

يبي يقعد له فتره ويخرب وترجع تركب له ام ريالين مره ثانيه

ويمكن من خلال طريقتك هذي تقضي على الريموت او تنقص من عمره الافتراضي

لاكن لو ركبت لها بطاريات اصليه ام 10 ريال تقريبا

تبي تحافظ على القطعه اللي عندك وبنفس الوقت توفر على نفسك

حتى الكهرباء اتضح في الاونه الاخيره ان بعض الاجهزه اللي تكون كهربتها اوتوماتيكيه

ويستخدمها المستهلك على 110 بحجة ان 220 يصرف كهرباء اكثر تخرب قبل عمرها الافتراضي

هذا مثال يرتكبه اغلب الناس لبعض القطع الغاليه في سيارته

وتحصله يسبها ويشتمها من ناحيت العطالات وهو المتسبب

ولعلمك الالماني ترى فيه ميزه عن الياباني العمر الافتراضي للقطع اطول من الياباني

حتى في الزيت يقعد اكثر

موضوعك مهم , هذه السيارات الواحد قبل ما يشتريها يحسب حسابه , خصوصا وان السوق مفتوح وبتلاقي سيارات فخمة وانيقة وباسعار معقولة اكثر , اهم شي كلام المنتديات المغري عن العراقة والاصالة لا يؤثر فيك , وكلام الشلة والبشكة لا يؤثر فيك

وموفق