دينالي يوكن اكس ال موديل 2003 ومشكلة الثبات بالارض

[behes]

شريت دينالي يوكن اكس ال موديل 2003
الموتر نظيف واستبدلته بدل السيارة القديمة برادو 2004
الشاهد انه ونظرا لان السيارة مستخدمة شريت السيارة ومن المعارض على الورشة
ودي اغير القطع الاستهلاكية واشييك تشييك نهائي
غيرت الاقمشة وخرطت الهوبات ورمان بلي وصوف وجلد توازن ومساعدات وتشييك على الدرنسات كاملة
بعدها توكلت على الله وانطلقت على خط الجنوب راجع لاهلي منطلق من جدة

في وسط الخط ولعت علامة abs وسالت اكثر من شخص بالجوال قالوا الامر عادي
مشيت بسرعة 120 كلم وبدن سابق انذار وانا توني بتجاوز تريله مسكت الفرامل لحالها
وقعدت السيارة تحوص لحالها والحمد لله ربك ستر
وقفت وتعوذت من الشيطان وكلمت اكثر من خبير واشاروا بان الموضوع عادي لان الزيت والفرامل ... الخ

انطلقت بسرعة بسيطة اجرب السيارة ونفس الشي صار معي

قررت اشوف حل الورشة قفلت والعودة الفجر رمضان متعبة وانا عندي ظرف في الجنوب فقررت فصل الاي بي اس

لقيت اسلاك فوق الرفرف وفصلتها وانواع اللمبات ولعت طبعا بعد ماجربنا فصل البطارية واعادة تشغيلها مرة ثانية

الحقيقة الان امشي بالسيارة وانا خايف لاتكون الشغلة فيها ان وما اخذت راحتي ولي يومين ادور الحل
امل ايجاد الحل لديكم
دمتم في حفظ الله

[بدر الصبحي]

للرفع
كان الله بعونك يا أخوي ‘

[محبكم2010]

شريت دينالي يوكن اكس ال موديل 2003

الموتر نظيف واستبدلته بدل السيارة القديمة برادو 2004
حلو انك استبدلته بسياره افخم واحسن
الشاهد انه ونظرا لان السيارة مستخدمة شريت السيارة ومن المعارض على الورشة
ودي اغير القطع الاستهلاكية واشييك تشييك نهائي
غيرت الاقمشة وخرطت الهوبات ورمان بلي وصوف وجلد توازن ومساعدات وتشييك على الدرنسات كامله
اهاه هنا المشكله اولا انت مغيرها وكاله ثانيا هل لانه احيانا وقت مايغير الاقمشه ويضغط على الكليبر عشان يدخل القماش الجديد ينظغط وممكن يجيم معاد يتحرك وتطلعلك هذي الرموز لانه ممكن مضغوط من جهه الثانيه سليمه انت شيك عليها وقد يكون من الرمان نفسه اذا تحس ان السياره ثقيله ويطلعلك التراكشن وجهاز الثبات انها مفصوله فانت شيك عليها كلها .
بعدها توكلت على الله وانطلقت على خط الجنوب راجع لاهلي منطلق من جدة

في وسط الخط ولعت علامة abs وسالت اكثر من شخص بالجوال قالوا الامر عادي
مشيت بسرعة 120 كلم وبدن سابق انذار وانا توني بتجاوز تريله مسكت الفرامل لحالها
وقعدت السيارة تحوص لحالها والحمد لله ربك ستر
وقفت وتعوذت من الشيطان وكلمت اكثر من خبير واشاروا بان الموضوع عادي لان الزيت والفرامل ... الخ
انطلقت بسرعة بسيطة اجرب السيارة ونفس الشي صار معي
الحمدلله على السلامه
قررت اشوف حل الورشة قفلت والعودة الفجر رمضان متعبة وانا عندي ظرف في الجنوب فقررت فصل الاي بي اس
طريقه صائبه .
لقيت اسلاك فوق الرفرف وفصلتها وانواع اللمبات ولعت طبعا بعد ماجربنا فصل البطارية واعادة تشغيلها مرة ثانية
كان اسهل لك انك تفصل فيوز ABS بس الحمدلله انها زانت معناه اللي تسويه هو انك تفحص كمبيوتر وتشوف اي حساس منها خربان وفي اي جهه لانه لوكانت جهه خربان الحساس والجهه الثانيه سليمه يسبب هذي الحركه بس اللي اعرفه لما تمسك فرامل واحيانا مايحتاج يتغير الحساس يحتاج نظافه فقط والحساس مكانه عند كل كفر وماتوقع ان سعره غالي كثير .
الحقيقة الان امشي بالسيارة وانا خايف لاتكون الشغلة فيها ان وما اخذت راحتي ولي يومين ادور الحل
الله يسهلك مافيه الخير .
امل ايجاد الحل لديكم
دمتم في حفظ الله
واياك اتمنى اني افدتك وموافاتنا بالاخبار وكل عام وانت بخير.

[behes]

بارك الله فيك يالغالي
بس ما ادري الخوف تسير هذه الحركة مرة ثانية اللي اقصده هل اخلي الي بي اس مفصولة على طول ؟؟
وش تنصحني غير فحص الكمبيوتر لان الكليبر و الحاجات الثانية مافهمت منها شي
علما اني اروح مركز صيانة الدولية بجدة وهم ممتازين بس ضاق علي الوقت وانا ماخلصت تشييك

[محبكم2010]

انت اولا شيك عليها عند ميكانيكي فاهم يشيك على الفرامل ويشوف ايش السبب الكليبر هو اللي يضغط الفرامل المكان اللي يدخل فيه الاقمشه واذا شيك عليها وطلعت تمام ركب الاسلاك اللي فصلتها وروح افحص كمبيوتر عشان يشوف الخلل اهم شيء تروح عند واحد يفهم الرموز .

[h666]

سولها فحص كمبيوتر وتعرف المشكله

[هـاي]

الحمدلله على السلامة
المشكلة عندك والله أعلم إنه abs فيه مشكلة إفحص كمبيوتر أو غير الفيوز
وكل عام وأنتم بخير

[behes]

فحصت السيار ة بالكمبيوتر
ويقول لي الفلبيني غير جهاز ABS من الوكالة
مع العلم انه كان شغال تمام لين غيرت الاقمشة و الخ
وش رايكم ؟