قناة السيارات
السلام عليكم ورحمة الله وبركاته
ياشباب صارتلي مشكله وهي ان السياره تقطع شوي وبعدين تمشي عادي ورحت وقالولي صفاية بنزين وغيرتها ونفس المشكله
المهم طلعت عليها مكه ولما وكان فيها التقطيع ولما وصلت قديد بدت لمبة تشك انجن تشتغل وتطفى
تغمز ووقفت وطفيت السياه وشغلتها وظلت اللمبه شغاله بس التقطيع زي ماهو
فتكفون نوروني ياجماعه علما التقطيع كنه تقطيع ددسن
وانا ابي اعرف وش اسباب التقطيع
وعليكم السلام ورحمة الله وبركاته
مادام اللمبة شغالة افحص كمبيوتر وراح يطلع لك كود العطل او الحساس الي يحتاج تغير او اصلاح
وعليك بالصيانة الدورية حتى السيارة تعيش معاك :
كل 100 الف كيلو تغيير / موية راديتر + بلف الحرارة وفحص الاهواز او الخراطيش تبع الراديتر
كل 60 الف كيلو تغيير / بواجي - صفاية بانزين - تنظيف حساسات الهواء - فحص الكويلات+ اسلاك البواجي - سير الماكينة
كل 45 الف كيلو / يتم فحص الفرامل ونظام التعليق في السيارة
كل 40 الف كيلو تغيير / زيت القير + فلتر القير " اهم نقطة نوعية الزيت لأنها تختلف حسب الموديل "
كل 20 الف كيلو تغيير / فلتر الهواء
كل 5 - 7 الالف كيلو تغيير / زيت الماكينة + فلتر او سيفون الماكينة قيمته 10 ريال
وانا اعتقد ان البواجي و الاسلاك فيها مشكلة وتحتاج تغيير
أخوكـ
ابشرك ياخوي وديتها للكهربائي وفحص الاسلاك البواجي ولقى واحد خربان وحطلي واحد بداله مستعمل وركبه وطلع واحد ثاني ضعيف المهم قلي غيرها كلها وفك السوداء حقت الهواء ونظفت الثروتل بدي وكان فيه وسخ بس مو مره المهم مسحته بمنديل ونظف
ومدري هو اخذ سلكه ولا ما أخذه لاني جربت السياره الين140راحت التفتفه
بس بقيلي مصيبه ثانيه ان الفرامل تعبانه وان شاء الله اصلحها
تم تتصليح الفرامل بتغيير الاقمشه والفحمات بس لما اضرب فرمله بقوه ماتصرخ ليش؟
فيه نظام في السيارة اسمه ABS وهذا مانع انغلاق الكفرات , عشان لا قدر الله اذا كنت في وقت مطرالمشاركة الأصلية كتبت بواسطة ابو مرجي
ومسكت فرامل بقوه ماتمسك الفرامل وتفقعد تفحط وتزلق في المطر لا يبدا النظام يوزع قوة الفرامل
على الكفرات الي فيها ضعيفه او ماتزلق حتى تقدر تتحكم وتسيطر ع السيارة بشكل أفضل
أخوكـ
رد مع اقتباس