الحمد لله
شريت تاهو جديد لونه أسود
أنا عارف مسبقا إن هاللون متعب وسريع يتوصخ ويسحب الحرارة
لكن للأسف هو أحلى لون على التاهو , وحاولت أقتنع بالألوان الأخرى لكن الأسود غير ومعطي السيارة فخامة أكثر , فعزمت وأخذته وأول ما أخذته وديته زيبارت تلميع خارجي
سمعت نصايح قبل إن اللون يحتاج عناية , ولازم أغسله بالمغسلة , لكن للأسف ما سمعت الكلام لأني ما تعودت على المغاسل و أحب دايم أشوف السيارة نظيفة
الآن السيارة لها معي حوالي ال3 أشهر والسيارة حلو شكلها نظيف من بعيد واللمعة ما زالت موجودة , لكن لما تقرب ويكون النور مسلط على البدي تلاحظ تموجات كثيرة وبأشكال مختلفة وطبعا سببها تنظيف العامل رغم إني شاريله فوطة وجلدة خاصة بالسيارة , وللأسف أحس هالتموجات ماراح تطير مع التلميع
لا أحد يجي يقولي ليش تطلع الأسود غلطان ومن هالكلام , لأني على قناعة تامة إن اللون الي أخذته هو الأفضل وعارف عيوبه قبل لا آخذه
لكن حبيت من هالموضوع إني أسمع آرائكم وتجاربكم عشان الجميع يستفيد
وبانتظاركم
