السبت 18 أبريل 2026
عاجل

الموتر وقف رفض يشتغل ماأدري وش السبب ؟

ورشة السيارات
14 رد 4,469 مشاهدة 8 مشارك الأقدم أولاً
a
alktab @user_221452 · 04-09-2010
السلام عليكم ورحمة الله وبركاته

كيف حالكم يالربع أخبار رمظان وياكم عسى مافي تعب بس :bigggrin:

المهم عندي سوبر بان شفرلوليه 2005 مدري وشلون تنكتب شفرلوليه :bigggrin:

اليوم أدق سلف تطلع فيه تعتعه ومايشتغل المهم كل ماأدق سلف يايعلق على دقة السلف تعتعتعتع ثم يوقف أو يقول تعتعتعبقبق ياليت وصلت الفكرة :bigggrin:

هو أول كنت أدق سلف من أول مره مايشتغل إلا عند الدقه الثانيه أو الثالثه يشتغل يارب القى حل عندكم والله أخاف أروح للصناعيه وينصب علي من هالوافدين الله يصلح الامه بس :a1120(121):
h
hwi @user_213789 · 06-09-2010
الرجال يبي حل لسيارته وانتوا الله يهديكم قلبتوها نصايح ودعوه اللي عنده حل للمشكله يقولها واللي ما عنده يدعيله وخلاص نصايح في كل مكان !!!!!!!!!!!!!!!!!!!!!!!!
الله ييسر امرك اخوي وشيك على اللي قالوه الأخون وانا متأكد انه شي بسيط
a
alktab @user_221452 صاحب الموضوع · 06-09-2010
تصدق اليوم طلعة الصناعيه وقلت خل أتاكد من الاذرعه وأمر كم ورشه للتاكيد المهم وقفة عند ورشة يمني قالي أنا أظمن لك الاذرعه سنه قدام مافيها اي شيء توكل على الله
والعجيب بعد قلت خل أفحص عند ورشه ثانيه عن الكربرتير المهم صفطة عند هندي
فحص الكبريتر قال مافيه شيء بس عليه زيت خفيف من زمان ولايوجد فيه أي تهريب
والي يشوفه يظن أنه يهرب زيت قليت أكيد صديق قالي والله ياخي تعالي أنزل نزلة للحفره وتاكدة وطلع كلامه صحيح مافيه شيء المهم قال عندك صوفة الغير بس غيرها تهرب زيت خفيف وتاكدة طلع كلامه صحيح وشيك على كل شيء طلع سليم والحمد لله

يعني مادفعة إلا 45 للصوفه وشغل يده 50 ريال الله المستعان الي يبحث عن الناس الطيبه يحصلها بكل مكان يعني تخيل من تعاملك مع الناس تعرف أذا كان هذا صادق ولا كاذب ياسبحان الله

بارك الله فيك يالغالي على الدعوة أسئل الله أن يحرم وجهك عن النار ويبارك في عمرك وأن يجازيك عني خيرا
a
abusummer @user_75649 RiYaDh 4X4 GrOuP · 06-09-2010
الغش بكل جنسية من البشر ما به جنس خالي من الغش ياخي اشخاص يشترون من النت الايفون ب2000 ريال و يبيعونه 3900 ريال يعني ربح 99% ولا فيه ضمان ولا اي شي و هو ما عليه ايجار او اي حاجة و اصحاب العمائر رفعو الايجارات 50% عشان الدولة رفعت الرواتب 15%
زيت الماكينة قفز من 7 ريال الى 14(سوبر شل العلب) ريال و من 10 ريال الى 19 (كاسترول العبوات البلاستيكية البيضاء) يوم وصل برميل البترول الى 150 دولار الحين البرميل يتراوح بين 70 و 75 دولار هل خفضوا
و لعبة الرز
ياخي هي و قفت على هذولا و د سيارتك الوكالة و ارتاح
a
abukinan @user_61641 · 06-09-2010
هذا الكلام الله يجزاك الف خير
الله يصلحنا مواطنين ومقيمين ووافدين وهنود وبنغال ومن بلاد الشام ومن جميع اصقاع الأرض
الله يفرج همك وتنحل مشكلتك انشاء الله بهذه الليلة المباركة
قل آمين
a
alktab @user_221452 صاحب الموضوع · 05-09-2010
الله يصلح الامة العربيه الاسلاميه قل أمين بس
a
abukinan @user_61641 · 05-09-2010
يا اخي انت رجل مثقف ومتعلم وتدخل النت
اسأل عن الأسعار واستشير واطلب النصيحه من الأعضاء واسأل عن الورش السنعه وانشالله بتحصل مبتغاك
وانا معاك بموضوع الجشع والطمع ولكن هذا الكلام ابدا لايخص الوافدين ولا يخص الهنود او البغال او المصريين او السوريين هذا للأسف اصبح سمة اغلب البشر الا من رحم ربي
أجل اللي يرفع اجار شقه 5000 ريال مرة وحده في سنة وحده هذا ماهو طماع وجشع او اللي يبيع سلعه تحصلها من وكيلها الأصلي في أمريكا ب 2300 ريال ويبيعها عليك التاجر ب3900 ريال
a
alktab @user_221452 صاحب الموضوع · 05-09-2010
a
abukinan
تخاف احد ينصب عليك من الوافدين وكأن صفة النصب اصبحت سمة الوافدين فقط
الله يهديك الدنيا رمضان ولاتحط الناس بذمتك


ياخي أنا ماحطيت أحد بذمتي هذا الي يحصل عندنا بالديره

العماله تستقل المساكين بسبب جهلها بالسيارات

الان جاي من الصناعيه فحصة السيارات حصلة عندي بعض الاعطال والتهريب وهي

1-ذراع دودة المصري يقولي أركبه لك 150 ريال
2-ذراع شاص يركبه ب 150 ريال
3-وجه كربريتر يركبه بــ 200 ريال
4-صوفة جير يركبه ب 50 ريال

أما الصوفه عادي الكل يركبهابخمسين ريال لاكن الاذرعه والكربريتر بالله عليك هذا سعر تركيبها يعني تركيب هذا كله يكلفني 550 !! وش أنا مركب مكينه الله المستعان بس
المشكلة أستغلال حاجة المواطنين عيني عينك والله أكبر على الحراميه

أخر شيء والله يالغالي ماهمني الفلوس لاكن ليش الجشع والطمع !! ياكل من خير الله بهالوطن وينصب على المواطنين !! ترظاها أنت
ع
عبدالعزيز 8 @user_231972 · 04-09-2010
عليك بقياس ظغط طرمبة البنزين وتغيير فلتر البنزين اذا كان قديم
اذا كان قياس ظغط طرمبة البنزين تمام فغير كتاوت طرمبة البنزين اللي في علبة الفيوز
موفق اخوي
a
abukinan @user_61641 · 04-09-2010
تخاف احد ينصب عليك من الوافدين وكأن صفة النصب اصبحت سمة الوافدين فقط
الله يهديك الدنيا رمضان ولاتحط الناس بذمتك
a
alktab @user_221452 صاحب الموضوع · 04-09-2010
ياشباب المشكلة من قبل لا أركب البطاريه وهو يدق سلف عادي لكن التعتعة جننتني وأنا ركبت البطاريه لان الاولا خلاص أتلفة وتوقفة صارلها فترة بالسياره والغريب أذا البانزين فل على طول يشتغل وش الساله !

أسلاك البطاريه والاصابع والسلف كلها تمام مو من السلف ولا الاسلاك المشكلة شيكة عليها !!
M
M~أمير بكلمتي~M @user_58367 · 04-09-2010
اما ان البطارية ضعيفه او اسلاك التوصيل من البطارية للسلف تالفه

او ان السلف يحتاج الى اصلاح من دقمه وفحمات

أخوكـ
3
3SOL @user_236277 · 04-09-2010
يمكن السلف عندك يبيله شد ... أو حرك اصابع البطارية ...
بس مدام تقول تعتعتع يدق السلف مضبوط غريبة اتوقع البطارية ماهي نفس الفولت المطلوب للكمبيوتر تأكد من كم فولت الجمس
a
alktab @user_221452 صاحب الموضوع · 04-09-2010
ف
فيكتورياماي كار
شيك على البطاريه او الاصابع وان شالله انها بسيطه


الله يسمع منك أن شاء الله بصيطه بس البارح مركب البطاريه جديده
ف
فيكتورياماي كار @user_104629 · 04-09-2010
شيك على البطاريه او الاصابع وان شالله انها بسيطه
سجّل دخول للرد...