مطلوب فزعه من مستخدمي الطوارق

ما قصرت اخوي بدر،،، شكراً جزيلاً

مشكور شكر جزيل اخوي بدر على المعلومات ،،، ما قصرت الله يطول عمرك

انا مثلك حاب اعرف اكثر عن السياره هل هي اعتماديه ولا لأ .. ناوين على وحده إن شاء الله

.
.

آبشر بـ عزك ..
بالنسبة للسؤال الاول , مآفي مشآكل واجته .. بس قد غير الاقمشه مرتين ..
وفيه مره وحنا ماشين طلع صوت بالسياره , وقفنا بنشري قال لنا هذي عين :\ ..
والخراب من الجلده حقت عامود الكردان , اخوي خايف ع السياره مايصلحها الا بالوكيل ..
وداها الوكالة قآلوله لا مانجيب جلده لحالها ! لازم العامود كله يتغير .. وغيره بـ 5000 ريال !

^^
هذا موقف ..


وفيه موقف ثاني حصل .. آنكسر قزاز السياره ..
رآح الوكالة يركب قزاز جديد كلف القزاز 900 ريال ..
راح استلم السياره .. القزاز جديد ويطلع وينزل 100%
رجع البيت اليوم اللي بعده يفك الباب ! الباب ثقيل ..
ينزل القزاز ماينزل بس صوت الماطور على قولهم ..
راح الوكالة قالهم صار معي وشوف السياره طلع اللبناني يقول مالنا دخل ..
الزبده اخوي شوي ويتفجر عليه .. اخذنا المكتب وطلبلنا عصير ليمون :p
علشان يهدي اخوي << سيايه .. قاله خلاص ابشر ماراح احاسبك على التركيب..
بس تدفع قيمت الماطور حق القزاز وبعد يومين تعال استلمها الظهر ..

طبعا انا ما اذكر وش صار معي بس اتذكر هذا الموقف لـ آنه كنت معاه ..
وبعدين دام انهم واثقين من كلامهم انه مالهم دخل ! ليش يقوله ماراح اخليك تدفع
حق شغل يد العمال !؟؟؟


بس


فآ آذآ آنت تبي تطلعها لازم تتعامل مع ورشة مضمونه , وهذا اللي جالس ابحث عنه
انه تكون فيه ورشة كويسه فيها مصداقيه قطع غيارها متوفرة + اسعار معقوله ..


.
.

مشكور شكر جزيل يااخوي بدر،،، مثل ما فهمت منك ان السيارة اللي مع اخوك 2005 يعني صار للسيارة معه خمس سنوات اذا كانت إلى الان معه
احب اسألك اذا ممكن، خلال الخمس سنوات هاذي وش المشاكل اللي صارت مع السيارة ،،والسؤال الثاني لما تقول ان الوكيل سيئ جدا وش السيئ فيه ،،، هل فيه مثلاً خبرات سابقه مع الوكيل قدم فيها خدمه سيئه واذا ممكن تعطيني امثله للحالات اللي تعامل اخوك فيها مع الوكيل واللي تعطي انطباع ان الوكيل سيئ
ومشكور مقدما
ومن ناحيه الاطاله طوووول وفصصصل على كيفك :smile: هاذي 170 الف ما لقيتها في الشارع أنا :smile:

.
.

آهلين آخوي .. آنآ آن شآء آلله بفيدك , بحكم انه اخوي معه طوارق مديل 2005 ..
وانا بعد انتظر المديل الجديد وراح اشريه ان شاء الله ..
ومثل ماقالك اخوي اول 3 سنوات السياره ماتطلب منك اي شي !
وقوية , وحنا بـ جدة يعني شوارع مكسرة وآكلنا مطبات لين قلنا امين ..
وطبعا السياره اذا اقولك روعه و الله اظلمها , سوآقتها خرافيه وفخامه وكل شي ..
وطبعا قطع الغيار لازم بتكون غاليه سياره فوق 170 الف + المانية ..
يعني لازم تكون غاليه بس المشكلة , والمشكلة الكبيره جدا !
اذا انك من السعوديه , لان الوكيل سيء سيء سيء لـ آبعد حد ..
وبالنسبه لـ كلامك انه الاشياء الاساسيه تخرب , فآ الاشياء الاساسيه ماخربت بالموتر ..
اللي خربان الحين الاذرعه .. بس للمعلومية من يوم ماشرا السياره ماغيرها ولا مره !
وهو ماشي على السيارة 110000 الف ! والسيارة خرافيه , لكن مثل ماقلتلك سماكو :\ !

اسف على الرد الطويل و اي استفسار انا حاضر ..

.
.

للاخوان اللي ردو ،، ستاندر ، مكسس، وبلو سي مشكورين وما قصرتو
لكن ما فيه شك ان كل سياره مو مصممة على انها تخدم ثمان او عشر سنوات بدون خرابات ،، اكيد بيصير فيه خرابات واعطال ،، لكن السؤال وش مستوى الاعطال هاذي وهل هي اعطال في اجزاء اساسية من السيارة كالمكينة والقير او اعطال في اجزاء جانبية مثل الاذرعه وغيرها اللي ممكن مع الصيانه والاستخدام الجيد انشالله ما تسبب مشكلة،
خصوصاً ان استخدامي استخدام حشمه ، مثلا ما فيه سرعه فوق 120 ،، ما فيه بر،،، ما فيه (تدعيس)،، ما فيه اكل مطبات وانا امطفي النور.
السيارة شادتني كثير ،،، واتمنى ملاك الطوارق يفيدوني اكثر حول استخدامها،،،

وعليكم السلام

بالتوفيق في السيارة

ويفيدوك ملاكها

عزيزي انا لست من ملاكه
لكن عندي خلفيه كامله عن استخدامه و ايجابياته و سلبياته
بحكم ان السياره كانت لاحد اعز اصدقائي بالاضافه الى اثنين من اقاربي ..

السياره جميله جدا و بشكل لا يوصف
و الشكل الجديد ما هو الا استمراريه لروعه السياره و فخامتها و هيبتها في الطرقات ..

عزيزي في بدايه اقتنائك للسياره
ستعيش احلى لحظاتك معها
ولن تدفع ريال واحد من جيبك عليها في اول 3 سنوات ( سنوات الضمان و الصيانه المجانيه )
وباذن الله ستكون الخرابات و المشاكل شبه معدومه باذن الله ..

بعد انقضاء فترة الضمان و الصيانه المجانيه
( لا اعلم اذا كان هناك الان عرض لتمديد الضمان و الصيانه المجانيه ام لا )
لكن
تبدأ مبالغ الصيانه و القطع الاستهلاكيه تستنزف من الجيب
لعدة اسباب منها كون السياره المانيه
يعني قطعها ليست بالرخيصه و ليست بالغاليه و المبالغ فيها
لكنها مرتفعه نسبيا
بالاضافه الى اسعار اجور العمل المرتفعه بشكل كبير ..
ومع اخذ العلم
في حاله حدوث خلل و مشكله في شيء رئيسي و مهم في اجزاء السياره
فهو يكلف الشيء الكثير من المال و ربما الوقت ..


انا لا احبطك او اصر عليك ان تقتنيها و لكن ..
لكي تكون على بينه و تقيس الامور على نفسك
اذا كانت قدراتك الماليه ميسوره و لله الحمد
فهنيئا لك تملك هذه السياره الاسطوره في نظري من سيارات فلوكس واجن..

فموفق ان شاء الله في اختيارك ...