ماكسيما 2010 VS افالون 2011

مكسيما ...

السيـآرتين تقريبـآ . . الفخامه وحـده . . لكـن كـ عـزم ومكيـنه وشبابيه آكثـر المكسيمـآ . .

كـ خدمات مابعد البيع . . الوكـآله . . تويـوتـآ . .
لآن نيسـآن عندهم التعيـس الحمـرآني . . مـآدري متى بنفتك منه . . لاهو اللي يجيب المـواتر اول ماتنزل ولا هوب اللي يجيب قطـع الغيـآر . . !

+
المكسيمـآ . . ماانتشرت بكثره زي الآفـآلون وهذي اجابيه وسلبيه . . قطع الغيـآر بتتعذب معها . . بس بتحس انك ممييز :d ..

والله يوفقك . . وادري ان الموضوع له اكثر من شهـرين . . بس قلت بقول رآي وخلااص :d

افالوون و بس

لا تاخذ الافالون نصيحة
ارشح المكس وبقووة وانا من المتعصبين للنيسان بصفه عامه وللمكس خصوصا
وبعدين رشحت لك المكس عن تجربه احد الاصحاب ما شاء الله معه مكس 2000 والى الان ما طلبت شي غير القطع الاستهلاكية

يا اخوان المتعصبين لنيسان وتيوتا في كل موضوع تعصب وسب الشركه ليه الرجال صاحب الموضوع مايرد على ردودكم واكيد انه اشترى سياره وانتم في تعصب
الله يهديكم بس

انا ارشح المكسيما .............
على الاقل ماظلعت ماشاكل لها في الاونه الاخيره...

لاكن الافالون يامكثررر الاعطال والمشااكل ..ومن ناحيه الفخاامه كلتا السيارتين نفس الفخامه تقريبا ..ومن ناحيه القووه المكسيما..ومن ناحيه الراحه كلتا السيارتين..
في فترره اخذت مكسيما 1998 جلست معي 3 شهور والله ياجماعه كنت اطلع على كامرياات وهايلوكسات من الموديلات الجديده ياخي النيساااان مواطير صرااااحه جبااااااااااااااره...

الاخ عقرباوي مشكور على التوضيح
بالنسبة لاستخدام النسيان بشكل عام فهو قوي من حيث القير بوكس والدفرنس
والمكينا وهذا الشيء صراحة عن طريق تجربة لصاحبي لسيارات نسيان سابقة
منها المكسيما القديم والصني كذلك ...... على اي حال مشكور
مع خالص تحيــــــــــــــــــــــــــاتي

الافالون افخم واجمل و2011

الأخ شحاته كلامه صحيح في كل نقطة الا نقطة واحدة:
كرسي الراكب للأفالون 4 وضعيات فقط حسب الأفالون 2009 ما أدري اذا الجديدة تغيرت و الا لأ

بعدين العالم تركت موضوع التصويت و دخلت مقارنات غريبة عجيبة...اللي يحش في المكس القديم مع انه ما يجمعه مع الجديدة الا الاسم و اللي يحش في الكامري و الموضوع عن الأفالون

أما مسألة نيسان يهربد فمالكم لوا
انا معي مكسيما 2002 و الله ثم و الله اني ما فكيت المكينة و لا القير (بس غيرت صوفة القير قبل 5 شهور)
المكيف ثلج مع اني حتى الفريون حق بلدها ما غيرته.....الزينون وكالة شد بلد (عيا يحترق ابن الكلب :) )
ستارة كهربائية شغالة الى الآن عمرها ما علقت.....المسجل و السي دي ما قد خربت (قد علق الكاسيت فترة و صلح من نفسه)
الراديتر ما غيرت مويته الا بعد مرور 6 سنوات و ما غيرته الا عشان الطبة انشقت....طبعا الراديتر كله غيرته قبل كم شهر مع دخلة الصيف لأنه عطاكم عمره (بعد 8 سنوات)
السيارة أمشي عليها بعض المرات الى 15 ألف كيلو بدون تغيير الزيت <<< لا عاد تتعودها

طبعا هالكلام ماهو قاعدة....فيه ناس شرت المكس القديمة و باعتها من كثر المشاكل....أنا كتبت هالكلام عشان ابين ان السيارات توافيق من الله..و كلمة النيسان يهربد ما عاد تمشي الا على اللي ما جرب النيسان أو اللي ما توفق في سيارته

و على فكرة يا صاحب الموضوع (اذا لا زلت معنا على الخط :) ) ترا المكس جديدة كليا....يعني كلامي اللي فوق مو معناه المكس الجديد بنفس جودة القديم...الجديد الى الآن ما تجرب فترة كافية عشان نحكم على جودته....لا بالفشل و لا بالنجاح......و السلام ختام :)

السلام عليكم جميعا
بالنسبة لي انا في هالموضوع رأي شخصي سأختار الافالون
وطبعا كما اقول من قبل هذا الشيء لايقلل من قيمة الجوهرة المكسيما ولكن الناس اذواق
على اي حال بالنسبة للي يقول نفس المواصفات انا اختلف معاة
الافالون اكثر كمواصفات لان المكسيما على حسب علمي (( تجي كرسي السائق متحرك كامل وجميع الوضعيات وهذا الشيء لايطابقة في كرسي الراكب حيث فقط يمكنك استخدام 4 وضعيات فقط يعني ليس كامل التحكم كما هو الحال في الافالون فكلاهما كامل الوضعيااااااات كاللكزس .... المكسيما تجي تسخين وتبريد لكرسي السائق فقط بينما الافالون
تجي تسخين وتبريد لكرسي السائق والراكب ..... الافالون الكرسي الخلفي متحرك يدوي وبأمكانك تعديل وضعيتة بتقدمة ورجوعة للخلف وهذا الشيء لايوجد في المكسيما ايضا ..... المكسيما على حسب علمي لاتجي بالتحكم بالنوافذ كاملة بلمسة واحد فقط النوافذ الامامية بينما الحلمية لاتجي تحكم تلقائي بمجرد لمسة واحد ...
طبعا كل اللي قلتة على حسب علمي ودرايتي وان شاء الله لا اكون مخطا وان كنت مخطأ ارجو ان يتم التصحيح من الاخوان ... ماقلت هالشيء الا عن طريق سيارة صاحبي
المكسيما لافل اوبشن على حسب كلامة وهذة المواصفات اللي اعرفها عن المكسيما
يعني الفوارق بينما الشكل الخارجي والداخلي مسألة دوق
ولكن ايضا ارى ان الافالون تتفوق في الرحابة الداخلية والراحة على شقيقتها المكسيما .... اتمنى ان الرسالة وصلت وكل التوفيق لك يا اخي الكريم
فيما تختار واستخير قبل كل شيء مع خالص تحيــــــــــاتي

اعتبر كلامي هذا وجهة نظر شخصية تماما
لو مكانك و في عمرك باشتري المكسيما و الأسباب كالتالي:
شبابية أكثر و شكلها جديد كليا بينما الأفالون عملية شد وجه (face lift)
و عيب الأفالون الوحيد في نظري هو شاشتها الملفقة فقط

بالنسبة للوكيل و من تجربة: وكيل النيسان سيء جدا جدا...لكن ان شاء الله ما تحتاجه لجودة سيارات النيسان

الأفالون اذا كانت مثل الموديلات السابقة: مشكلتها ان فلتر المكيف يحتاج تنظيف دائم أو راح يكون دفع هواء المكيف ضعيف جدا جدا (دفع ضعيف بس الهواء بارد)

ملاحظة (كلامي عن المكس نتيجة امتلاك مكسيما 2002 و عن الأفالون الوالد معه 2009)

الله يكتب لك اللي فيه الخير

توكل على الله واخذ المكسيما واختيار موفض

شكلها شبابي وفخم

والسياره قويه وماعليها كلام ..

انا بصوت لجوهره نيسان المكسيما شكلها الداخلي و الخارجي احلى بكثير المكسيما جامعه بين الفخامه والتصميم الرياضي بصراحه نيسان ابدعت في المكسيما ابداع رهيب على عكس الافلون الي بتحس شكلها الخارجي سياره عواجيز والداخلي مافي فرق كبير بينه وبين الكامري ......

افالون ولا تشتشير وتقارنها با النيسان ترى النيسان يهربد وقطعه غالية مقارنه با الافالون اما الافالون وانت مغمض افالون افالون

من وجهة نظري الافالون شفتها في الوكاله ومن يوم شفت شاشتها غسلت يدي واضح انها تلفيق ويمكن اللي في محلات الزينه افضل منها وبعدين الافالون رسمية اكثر من انها شبابية يعني تصلح لواحد توه متوظف وقريب زواج
المكسيما شكلها الامامي لك عليه وديكورها لا باس فيه
الله يكتب لك اللي فيه خير

أنا أرشح لك ماكسيما .... كونك شباب + سيارة جديدة كليا +
نيسان بداخلية ومواصفات إنفينيتي .....

لا تنسى الإستخارة .....

والله اخوي انا اقولك بالنسبة لعمرك خذلك ماكسيما بحيث انها شبابية اما الأفالون س مع سواقين كثير واذا تبغى من تويوتا انا ارشحلك الأوريون والله رياضية وجدا ممتازة

اخوك : khalidseas

تم التصويت لصالح المآكسيما ،، بس بشرط اللون الأبيض اللؤلؤي << هيبة وشكل رووعه رووعه رووعه

كابرس اس اس : ) وادعي لي .. .