ماكسيما 2010 VS افالون 2011

والله ياخوك اني باقولك الحقيقة بما اني مجرب السيارتين السيارتين فخمة
وعملية ولكن المكسيما خارجيا اجمل واكثر شبابية واذا انك راعي فرفرة
يعني ماتجلس بالبيت فخذلك مكسيما اذا انت تبي تكون رسمي يعني سيارة
رسمية وتشخص فيها خذ افلون لان داخليتها جميلة وبالنسبة لقطع الغيار
تراهي ماهيب بعيده عن بعض لانها تجميع امريكي انا عن نفسي اصوت للمكسيما
لانها سيارة عصرية وشبابية ورياضية عكس الافلون وتقبل طلتي:xyxwave:

ابعد عن الثنتين
الماكسيما ابعد عنها لان قطع غيار النيساان ناااااااااار الا اذا كان مايهمك

الافالون تغير فالخلفية وفالداخلية شكلها ماهو مهضووم ابدا عجزت لابلعه

بالاخير تقدر تجرب قيادة السيارتين وتستخير
لكن من جهتي ارشحلك المااكس اذا ماعندك مشكلة باسعار القطع المرتفعة

شوف دامك قلت اعتبروني مثل اخوكم ماحبيت اترك موضوعك وقلت اوضحلك وانصحك .. شوف ,

من الطبيعي انسان مايرضى ينغش عليه او يشتري بضاعة ملفقه وهذي غريزه بشريه وانا اعتقد انك كذالك , ومن ناحية الي اقتبست من ردك اقول معليش انغش عليك الأفلون شاشتها ملفقه الي تنزل عندنا نفس شاشة الأورين والكامري وتستمر مصائب ابو جميل ..شوف مهي مثل الي بصور الي انت منزلها الي بأمريكا مثل ماقلتلك نفس الي تجي بلأوريون تفضل ..

http://www.assayyarat.com/forums/thread215036.html

وفيه مواضيع كثيره تكلم بهذا الموضوع بلمنتدى ..

واعتقد المكس اكثر جاذبية وشبابية وتميز بشكل و جامعة بين الفخامة والشبابية اما الأفلون رائعة ولكن شكلها مألوف وعادي ولا فية اي تميز وهي بصراحة من قدام كامري ومن الخلف بصراحة جميلة ومن الجنب بصراحة اكثر من عادية وعلاوة على ذالك السعر الخرافي على عدم تميز وشاشة ملفقة ومن ناحية الجودة اعتقد كل السيارتين جودتهما عالية وانا معاي مكسيما وبصراحة ماتعرفها غير تمتلكها عالم خاص يا خي يكفيك العالم تحبك كلآ يراعيلك ويسلم عليك من لفتة الأنتباة .. والله يكتبلك التوفيق <<< تعبت وانا اكتب الرد :a120(1): خخخخخخخخخخخخخخخ وموفق بلخيارين والله يعينك لا تنسى الأستخارة

ياووووووووووولد من جدك انت ؟؟
تقارن من بين الافالون والمكس
يكفي ان الافالون تويوتا
ارشح الافالون .

هلا عبادي

اتوفع التلفيق يمكن يحصل في الاوريون والكامري لكن الافالون لا

لاني شفت مقطع الافالون 2011 بامريكا وشفتها هنا نفس شي ونفس الشاشه لان 2011
نزلت الشاشه النافيقيشن سيستم ومبرمج عليها الكمره فصعبه يغيررون الشاشه

واياك ان شالله
ضمانها ما شالله مغري
مثل ضمان السوبربان ltz حقي 5 سنوات مفتوح الكيلوات شريته من العيسى قبل 6 شهور تقريبا

ماكسيما احلى و ارخص افالون كلها تلفيق من ابوجميل شاشه ابوكلب لاكن الماكس كل شئ فيها من بلدها ارشح الماكس :tongue:

اتفق معك في انها تدوم معي وسعرها فوق لو جيت ابي ابيعها
لكن اختلف معك في موضوع الفخامه لان كلا السيارتين نفس الفخامه والمواصفات
بالنسبة للشكل فالواحد وذوقه لكن الافالون رسمية اكثر اما المكس فهي شبابية اكثر

الله يعطيه خيرها ويكفيه شرها
فعلا نيسان قادمه بقوه والباترول والمكسيما غطوا على سيارات 2010

بالنسبة لجودة الافالون ما انقدر نحكم عليها لكن اتوقع ان جودتها كويسه مو مثل الكوريلا والكامري

هلا اخوي

بالنسبة للسوبربان راح اخليه للطلعات العائلية والزواجات وللسفر
لان السوبر بيني وبينك ماينفع تشغله في كل مشوار لان حجمه كبير خاصه في الرياض اعوذ بالله
لكن انا اشهد انه موتر ومارا انساه خاصه في السفر يعجبك
انا بصراحه احتاج لسياره صغيره اروح بها الجامعه واطلع فيها
اما الكيا كادينزا الفل كامل مواصفاتها مثل مواصفات المكسيما والافالون الفل تبريد مقاعد وشاشه نافيقيشن وكمره خلفية ومواصفات قويه تنافس الافالون والمكس لكن يعيبها شعارها وبلد صنعها كوريا وتعرف انت سمعة تويوتا ونيسان اقوى من الكيا عندنا وفي البيع وفي قطع الغيار وفي التحمل اعتقد ال النيسان والتويوتا افضل
لكن ترا سعر الكادينزا الفل ب 124 الف تقريبا والمكس الفل 126 الف والافالون الفل ب 136 الف

مشكور ويعطيك الف عافيه وشرفتنا بمرورك العطر

تم ترشيح الفالون من حيث الشكل والفخامه وراح تدوم معك وسعرها فوق لو جيت تبي تبيعها

يشرفني حضورك وردك على الموضوع

انا انصحك بالمكسيما اخوي اشترى مكس والله شي غير طبيعي ماشاء الله مواصفات وشكل وراحة وعزم ورساوه يعني سياره كامله والكامل وجه الله فأنصحك فيها وماراح تندم بأذن لله
اما الافالون وتيوتا عامة مع احترامي لمالكية ماعجبني صراحة ومستوى وجودة المكس افضل من الافالون

طيب والسوبربان وش بتسوي فيه ..؟

----

المهم عندي لك سيارة شكلها حلو ومكينتها قوية

كيا كادينزا 2011

مكينتها 3,5 و 290 حصان

اخوي توه امس شاريها , الله يعطيه خيرها ويكفيه شرها

والله شكل الافالون مو ذاك الزود ...

انا ارشح الماكس ...

حيا الله اهل الجموس

ونظرتك راح تكون مهمه بالنسبه لي

صحيح كلامك فل افالون 2011 لم تتغر تغير جذري

لاتنسى ان نظره المكيسما عن نفسي تقل بانوراما مصغره

الله يوفقك .