الشيخ ماجد يبي يشتري سيارة

السلام عليكم

كيف الحال

معكم الشيخ ماجد من سكان المنطقة الشرقية حسابي في البنك الفرنسي ورصيدي 123000 ريال سعودي

اول سيارة جديده شريتها كانت نيسان التيما 1993 كنت جداً احبها واعتني بمظهرها واجلدها جلد والله انها ما خربت طوال الفتره الي كانت عندي وما عدمها الا الحوادث الله يكفينا ويكفيكم الشر

ثاني سياره كانت مرسيدس 320 ابو عيون موديل 1997 عجيب وخطير وجامد وانواع الكشخه بس خرب علي مره و دفعت راتبي كامل عشان اصلحه وبعته بسعر خلاني احرم على نفسي اشتري الماني مره ثانيه

الثالثه كانت فورد كراون فكتوريا 2000 ما طولت عندي سنة تقريبا وبعتها

الرابعه كابرس ال تي زد 2002

الخامسة كابرس ال تي زد 2005




الان عزيزي القارئ بعد ما قريت السيرة الذاتيه راح تعرف اني قرفان من الامريكي وما افكر ابداً بالالماني ومتجهه اتجااه واحد نحو السيارات اليابانيه وتحديداَ على نيسان وبموجب رصيدي في البنك وبحكم اني رب اسره عدد 2 نفر فكرت بالباثفندر استخرت ورحت للجبر لقيت المعرض فاضي ما فيه الا سيارتين سئلتهم وين سياراتكم قالو حنا خلاص بنقفل بعد 15 يوم
وبيجي الحمراني اذا تبي روح الرياض اشتري من هناك او انتظر الحمراني يفتح بالشرقية

قلت طيب بسلامتكم من زين سيارتكم الحين الي كنها ددسن من قدام وباص من ورا
(باص الددسن ) :smilie16:

توجهت لتويوتا اشوف البرادو وشفته وعجبني دخل مزاجي بس سعر ال 6 سلندر 137000 والرصيد ما يكفي سئلت عن ال 4 سلندر ما نصحوني فيه قالو تبي برادو خذ 6 سلندر لا تاخذ 4


واليوم وانا جالس افكر قلت يا ولد بلا دفع رباعي بلا وجع راس وتذكرت اللكزس es في وحده منهم تعتبر ارخص لكزس سعرها 122000

ايش رايكم اصبر واجمع زياده واخذ برادو 6 سلندر ولا اروح الرياض بعد العيد اشتري باثفندر ولا اصرف نظر عن سيارات الدفع الرباعي واخربها واخذ لكزس es


معليش طولت عليكم بس عشان محتار وموجايني نوم


سؤال قبل مااروح اي من السيارات المذكورة تمسك سعرها اكثر ؟



وشكرا ...