والله يابو فهد اني احسبك تستهبل يوم جبت صور اللكزس..
وش جاب لجاب من جد . وش جاب لجاب ..
قبل لا اتكلم ابقولك ان ما لي موتر شخصي حاليا عشان ادافع عن وكالة والا اسب وكالة ..لكن انا منصح لك ..
مرت علي مواتر وجربتها سواء لاخواني او لي من ددسن لهايلكس من كامري الى برادو الى باترول الى اكورد الى افالون ..اخرها سوناتا 2011 ..
والله ثم والله ما شفت مثل ممشى وراحة ورساوة الافالون .. ياخي صعب التوصيف صعب ..
والي يقولك اضمن ما اضمن وكالة اصفار و على يدك ... شف خرابات السيارات وهم مطلعينها من الوكالة ..وياكثرها فالكوري.. وشف الجانب الاخر لمن خذ سيارات مستعملة وتوفق فيها.
ياخوك مشكلتك انت الظاهر تكمن في السيارة نفسها يعني السوناتا شكلها ومنظرها مسيطر عليك سيطرة تامة تامة .... يعني شكل الميزانية عندك ما تهم ..
ياخوك اسمع كلامي و جرب انك تمشي على قول واحد شار عليك فالنت .. جرب وش وراك ..يمكن يصير شورة على سنع ..
عندك شركة ذيب يالغالي.. او دور محل اجار سيارات عندهم سوناتا 2011... وترى كلها سوى لا الفل ولا السوح في الرساوة .. يمكن ام طيس تفرق في الرساوة لكن لا تحسبها ذاك الزود الي بيخليها مثل اللكزس والا الافالون..
المهم وانا اخوك ... استاجرها وامقطها . وفجرها تفجير,, اذا دخلت مزاجك واقتنعت قناعه تامه مرة توكل على الله ..
واللكزس يالغالي ما فيه مثله لا خرابات ولا يحزنون وامانها اعلى .. وترى كل المواتر تسرق ومافيه سيارة ما تسرق ..الحرامي ما يفرق اذا احتد..
وثالثا انا مدري وشوله اشوف ان الافالون لك ممتاز جدا جدا ...ياخي لا تاخذ فل الفل ام شاشة لأنها غالية وشكلها قبيح جدا .. لأن واضح التركيب للشاشة ..
..خذ الاكس ال من الوكالة اصفار سعره حدود المية تقريبا.. وفالمعارض اكيد فالتسعين .. والله انه هبال .. امان رساوة رحابة فخامة كلش كلش.. واذا وصلت لل 120 الف .. الفل بدون ملاحة فالمعارض حول هالسعر مهوب بعيد ابد ..وطبعا اصفار ... واعلم ان الافالون كثر الحديث عليها وانها سلعه نادرة وعملة صعبة..وراح يكون 2011 اخر موديل لها ..كما سمعت ..
خذ هالرابط وتمقل يمكن يغير وجهة نظرك ...
http://khassab.net/vb/t198675.html
وعسى الله يوفقك.
