بعض المعلوومات عن الكرايسلر .. الله يوفق الي يرد ..؟؟

أبـــو نـــوف @user_228909 · 21-08-2010

السـلام عليكم ورحمه الله وبركااته ... ماني مطوول عليكم وراح اختصر المووضوع
انا انساان اعجبتني الكرايسلر .. وراح اشتريها اذا الله يسر امووري .. بس والله يا شباب
اني ما اعرف وش الانوواع ولا افضل نووع انا اسمع عن C300 هيمي و SRT8 ولا ادري
وش معنااتها ولا افضل نووع فيها يعني بصرااحه وبدوون خجل انا غشييم فالكرايسلر اللهم اني اعجبت
بشكلها ونويت اشتريها .. فلذالك عندي بعض الاسئله اتمنى تفيدوني فيها ..الله يوفقكم دنيا وآخره....
علما بان الموديل الي راح اشتريه تقريبا من 2005 الى 2007 .. والاقرب ممكن 2006..

1ــ وش انواعها,, وافضل نووع فالكرايسلر .. او انها كلها سوى بس تختلف مواصفات..
2ــ قطع غيارها متوفره ولا لا .. وهل قطعها غاليه السعر او متوسطه ..
3ــ هل فيها خرااباات داايم .. وش اكثر شي يخرب فيها .. علما باني راعي خطووط وسفريات من الرياض للدمام اسبوعيا تقريبا ..
4ــ ابي رايكم في هيمي 2006 c300 امريكي .. الي في نفس صورتي الرمزيه ..
5ـ ايها افضل امريكي او سعودي .. اذا في اسباب اتمنى تذكر ..

هذي الاسئله تقريبا الي عندي والمهمه .. واذا في اضاافات ثانيه مهمه اتمنى تذكرونها لي
واتمنى بالاخير انكم تنصحووني ..

الله يوفقكم دنيا وآخره .. والله لا يهينكم جميعا ..

أبـــو نـــوف @user_228909 صاحب الموضوع · 22-08-2010

اخووواني The_Game و safeer-93 الله يوفقكم دنيا وآخره
والله يعطيكم العاافيه ما قصرتم ..ومشكوور اخووي safeer-93
على المعلوومات والاسعاار و الاشياء الي ذكرتها وذكرت اسعاارها
هي مهمه جدا فالسياره .. بيض الله وجهك ولا هنت ..
اخووي HSV&RS الله يباارك بعمرك مقدمااا :smilie16:

تسلمووون لي كلكم ..:xyxthumbs::xyxthumbs::xyxthumbs::xyxthumbs:

HSV&RS @user_165811 · 22-08-2010

والله الموتر ماعليه كلام وماسمعت منها الى كل خير من الناس الي يملكونها
ومبروك مقدماً أخوي

safeer-93 @user_235177 · 22-08-2010

انا بس حبيت افيدك بأن قطعها متوفرة واسعارها متوسطة,,
الفحمات ماخذها امس عمي من المتحدة (وكالتها) ب1070 للامامية و الخلفية,,
وسعر المساعدات ب430 ,, :)
وللمعلومية اللي عنده HEMI 5.7,,

The_Game @user_133527 · 22-08-2010

الانواع
في نوع محركه 6 سلندر
وفي نوع محركه 8 سلندر
بالنسبه للـ 8 سلندر فيه ثلاث انواع
محرك 5.7 يجيك وتجي بشاشه وفتحه سقف وكل الامكانات
وفيه نوع اعلى يقال لو الهريتاج وهوا افخم واعلى المراتب في الـ 8 سلندر
وفيه النواع الرياضي SRT8 هذا محركه 6.1 وبقوه 425 حصان
السياره بوجه عام ماعمري شفت احد واجه فيها مشاكل
هذا ماعندي
ولاتنسى الاستخاره
والله يكتبلك الخير
تحياتي

أبـــو نـــوف @user_228909 صاحب الموضوع · 22-08-2010

a.a.o الف شكر لك اخوووي الله يعطيك العاافيه ما قصرت ..
اكيد افتدتي انت والاعضااء البااقي لبى قلوبكم كلكم :xyxthumbs::xyxthumbs:

a.a.o @user_184917 · 22-08-2010

هلا اخوي

بالنسبه لانواعها مثل ماتفضلوا الاخوان 3 انواع

1- 300 ليمتيد هذي تجيك بنفس مواصفات الهيمي حتى الواجهه لكن ينقصها الزينون و الاصطبات الخلفيه تختلف عن الهيمي و اسعارها حاليا حدود ال 120 للجديد 2010

2-الهيمي 5.7 تفرق عن اليمتيد بالزينون و المكينه و الشكل الخلفي عموما و سعرها جديد 130

3- و من رايي احسن نوع بال 300 سي كله ال اس ار تي 8 و يجيك 6.1 425 حصان حاليا باقي الوان قليله اظن و سعرها متفاوت بين 158 الى 160 اذا ماخاب ظني

بالاخير قطع غيارهم الاس ار تي اغلى شي من ناحيه الاستهلاكيه لانه هوباتها و الفحمات من ماركة بريمبو لكن تستاهل والله و ارخص وحده فيهم من ناحيه القطع ال ليمتيد لانها 6 سلندر 3.5

اتمنى اني افدتك

تحياتي

أبـــو نـــوف @user_228909 صاحب الموضوع · 21-08-2010

arm899 بيض الله وجهك اخوي ما قصرت على المعلوومه ..
الله يعطيك العافيه .. والله يوفقك ان شاء الله ما قصرت .

arm899 @user_235053 · 21-08-2010

والله ياخوي الاخوان الي قبلوا وفوا وكفوا

لكن حبيت أقلك أسعار قطع غيار الكرايسلر معروفة انها غااااالية نااااار

ولو حبيت روح الوكالة واتأكد من هالشي

وإذا بتاخد الـ Hemi الله يوفقك .. سيارة لكل الأذواق

كشخة ، سرعة ، خطوط ، سواقة ، الخ .. خاصة قوتها شيء غير طبيعي !!

والله يوفقك في السيارة الي ترضيك

أبـــو نـــوف @user_228909 صاحب الموضوع · 21-08-2010

Durango HEMI الله يعطيك الف عاافيه ما قصرت
اي والله انك افدتني كثييير وذكرت لي شي مهم الي هوو قطعها وتوفرها
وايضا النووع الي قلت (الهيمي 5.7 ليتر) .. راح آخذه بعين الاعتبار
بيض الله وجهك والله يوفقك يالغالي .. لك خااالص احترامي وتقديري..

Durango HEMI @user_185987 · 21-08-2010

شف اخوي
الانواع نفس ما قال
اخوي(المجنوني555)

شف قطع الغيار متوفره بالوكاله وسعرها ممتاز
وذا مالقيت تقدر تروح التشليح

والسياره من احلا مايكون بل خطوط
وميحه وراسيه

شف انا والله ما اعرف الامريكي
علشان اخكم عليه بس السعودي حلو زفخم

شف اذا تبي تاخذ
خذ الهيمي 5.7 ليتر
ترتاحله ومكينه احلا ماكون
وترا الحين بالوكاله الـ2010
وسعره 130 الف الهيمي 5.7 ليتر

وانشاء الله افدتك

أبـــو نـــوف @user_228909 صاحب الموضوع · 21-08-2010

اخووي NOT HEMI الف مليوون شكر لك .. ما قصرت
الله يوفقك ويستر عليك دنيا وآخره .. ما اقوول الا بيض الله وجهك..
لك خاالص تحياتي .. واكرر شكري مره ثانيه ..

NOT HEMI @user_190367 · 21-08-2010

أ

أبـــو نـــوف

1ــ وش انواعها,, وافضل نووع فالكرايسلر .. او انها كلها سوى بس تختلف مواصفات..
[COLOR=Navy]الانواع سلمك الله ,, نفس الانواع الي قال عنها المجنوني اللهم اني ازيد نوع الي هو 6 سلندر و 2,7 لتر المكينة .
وهذا ماينزل عندنا بس في امريكا
2ــ قطع غيارها متوفره ولا لا .. وهل قطعها غاليه السعر او متوسطه ..
والله شوف ,, انت تشوف كرايسلرات واجد الحين في الشوارع .. لو مالقيت قطعه في الوكالة تقدر تروح التشليح وتلقى .. وترى كرايسلر الـ 6 الي 3,5 لتر نفس قطع التشارجر الـ 6 سلندر .. و الكرايسلر هيمي نفس قطع التشارجر الـ R/T ..يعني ان شاء تلقى كل القطع الي تبيها حتى من برى الوكالة .
3ــ هل فيها خرااباات داايم .. وش اكثر شي يخرب فيها .. علما باني راعي خطووط
وسفريات من الرياض للدمام اسبوعيا تقريبا ..
شوف انا ما سافرت على السيارة ,, لكن مشيت فيها 30,000 في حدود الـ 10 شهور .
والسيارة ماشية معي زي الفل < كان معي كرايسلر 6 سلندر 3,5
4ــ ابي رايكم في هيمي 2006 c300 امريكي .. الي في نفس صورتي الرمزيه ..
اللون الكريمي ذا الحين صار هو المرغوب بدرجة اولى ,, ومن بعده اللون الاسود ..
5ـ ايها افضل امريكي او سعودي .. اذا في اسباب اتمنى تذكر ..
[/COLOR] اذا انت تبي شاشة في السيارة خذ السعودي والسبب علشان لو شريت امريكي بشاشة مارح تستفيد منها لأن النفقيشن مايشتغل في السيارات الوارده من امريكا ,, وشاشة موديلا 05 06 07 مافيها مميزات كثيرة .. واهم ميزة فيها النفقيشن .
بس اذا انت ماتهتم للنفقيشن ,, خذ امريكي ..
وما وجهت مشاكل في الحرارة نهائياً
واتمنى بالاخير انكم تنصحووني ..
انا والله انصحك بهيمي 08 وفوق واللون رصاصي غامق ( فيراني ) او فضي ..
بصراحه لونين روعه .
والشاشة في الموديلات 08 تغيرت ,, وصارت لمس وتعرض فيديو وصور وفيها هارديسك
ونظام الملاحه شيء خورااافي .
وعلى فكرة ترى داخلية الكرايسلر مو فخمة وحركات وازرار كثير التراب ,, كلاسيكية وسهله . ويومين وتتعود عليها .. ومميزات الشاشه يبيلك وقت طويل ,, غير شاشة الطبلون الي فيها بعد معلومات ومميزات كثيرة

واي شيء انا تحت امرك .. بستثناء معلومات عن قطع الغيار :smilie16:

أبـــو نـــوف @user_228909 صاحب الموضوع · 21-08-2010

الله لا يهينك اخووي المجنووني 555 ..

المجنوني555 @user_163824 · 21-08-2010

وعليكم السلام ورحمة الله
راح اجاوبك على رقم واحد
شوف ااخوي هناك ثلاث انواع للكرايسلر
النوع الاول بأتي محرك v6
الثاني يأتي محرك v8 وقوة حصانية قدرها 360
اما النوع الثالث فهو الرياضي وهو اقواهم حيث تأتي بمحرك v8 وقوة حصانية قدرها 431
والباقي راح يفيدوك فيه الشباب ان شالله