طريقة التسجيل في دله ( وعندي استفسار في الاخير )

السلام عليكم ورحمة الله وبركاته
اليوم ذهبت الى دله والحمد لله سجلت وحقلكم ايش صار
شروط التسجيل

1- 4 صور

2- صورة من بطاقة الاحوال

3- بطاقة الاحوال الاصلية

4- ملف ازرق لتصريح وأخضر للرخصة

5- العمر يكون 17 لتصريح و18 للرخصة

قصتي كانت كتالي رحت دله الساعه 10 تقريباً عشان اطلع تصريح

رحت على دله الي بي الرحاب في مدينه جدة

راح تلقا رجال يمنه وسوداين هما يقلوك الشروط ووايش تسوي المهم ركبت الرجال معايا السياره
ووداني على المواقف طبعا المواقف مكشوفه وتعبانه وطبعا ريالين في اليوم

المهم اعطيط للرجال صوره من الاحوال و4 صور شخصيه والملف

وراح عند مكتب حق السداد والمخالفات المرورية

طلب 150 ريال حق التامين
واعطاني سند

بعدين الراجل الي معايا خلص مني وطلب فلوس قلي اعطيني الي تبغاه اعطيته 15 ريال

دخلت دله وطبعا مايدخل غير الي يبغا يقدم على رخصة او تصريح او فاقد

ورحت على شباك 9 وهواا الاستعلامات واعطاني ثلاثة اوراق لازم اعبيها

من ضمن المعلومات فصيلة الدم وطبعا لو قلت فصيلة دم غلط

وبعدين شافهوا حتغرم 200ريال

ورحت على الكشف الطبي حقهم عشان يشوفوا النظر

وطبعا الدكتور يسئل هذا حرف ايش بالانجلزي وبس ختم

ورحت على الاستعلامات تاني اعطاني رقم ( دور ) وكان هناك شويه زحمه

بعدين جاه دوري الشرطي وقع على الورقة وبعدين قلتلو ابغا اتعلم سياره اتماتيك

قال روح مكتب 3 على ماظن وفقط ختملي على الورقة اتماتيك

ورحت على ميدان واحد وقلي الراجل الي عند الباب روح مظلة 5

وهناك لازم تستني دورك عشان تحدد مستواك

وطبعا في 3 مستويات

مستوي أ ( دراسة والاختبار في نفس اليوم )

مستوي ب ( دراسة 5 ايام واليوم السادس الاختبار )

مستوي ج ( دراسة قرابة شهر بعدين الاختبار )

اصاحب التصريح ماعندهم مستوي أ

يعني اجباري اقل شي تدرس 5 ايام

اما الرخصة عندهم 3 مستويات كلها

وانا الحمد لله من اصحاب التصريح و اخذت ب

وبعدين اذن الظهر قفلو دله صليت فتحوا دله
ورحت على شباك التسجيل وطبعن في واحد اسلوب زفت طبعا طلب 435 حق التسجيل اعطيته 500 ريال وخلص بعدين قاعد استني الباقي يقلي ايش تبغا وانا اقلو الباقي وقاعد احقر فيه
ورجعلي الباقي
واعطاني سند وكتيب حق المرور

والحمد لله كده خلص التسجيل

للعلم انا سجلت تصريح اتماتيك

وقلي الموعد 4 رمضان من الساعه 1 الى الساعه 3 الظهر

وان يوم الدراسه في دله ححكيلكم ايش حيصير

بس انا عندي سؤوال

دحين بعد ماخلص اختبار دله هل استلم التصريح في نفس اليوم

هل في فلوس تندفع للحصول على التصريح للعلم

انا عندي 3 مستندات

1- حق قسم التامين وسداد الخدمات الحكومية والمخالفات المرورية

ويليت توضيح للمستند التاني

2- حق بنك الرياض اسمو سداد خدمات رخص القياده ( انا مني عارف ايش هذي الورقة )

وهذي محتوها

الخدمة المختاره : إصدار رخصة قياده

الحساب المراد السداد منه : الرقم

الرصيد المتاح : 7,750,85

البينات حقتي

رقم المستفيد : رقم الهوية حقتي

نوع الرخصة : مؤقت

اسم المستفيد : مو مكتوب شي

الرصيد الغير مستخدم : 0.00

نوع الخدمة : رسوم تسجيل

المبلغ : 100.00

اجمالي المبلغ 100.00

حالة العملية : تم ارسال الطلب

اجمالي عدد الطلبات المقبوله : 1

اجمالي عدد الطلبات المرفوضة : 0

اجمالي مبلغ الرسوم الواجب سدادها : 100.00

وفيه ختم مكتوب عليه مدفوع

يليت احد يوضحلي ايش هاذي الورقه