لم أجد لمشكلتي مع ميكف الفورد

جراند ماركيز 97 @user_231425 · 30-07-2010

السلام علكيم ورحمة الله وبركاته

أولا أبارك لنفسي انضمامي لأسرة منتدى السيارات وأعضائها الأكثر من متميزين وان شاء الله تكون بدايه موفقة لي ولجميع الأعضاء:ch19:

مشكلتي وهي مكيف السيارة يالله يبرد اذا حطيتها على أقوى والمروحة على أقوى ويكون تبريده يعني يمشي الحال ولمن أنزل الجير في الدي وامشي يبدى يخف التبريد يصير دفع من غير تبريد

والمشكلة في صناعيتنا كل مارحت لواحد افتالي:c0214: من عنده اللي يقول فريون واللي يقول كمبرسر واللي يقول تنظيف ثلاجة وماعرفت ويش العلة وكل ماقلت واحد خلاص اوكي بس على ضمانتك قال لا ماأضمنها طيب ليش تغير كذا وكذا وبعدين تقلي ماأضمن يعني بتجرب:a1120(121): .
اللي عنده حل تكفون يلحقني:a1120(82): ودمتم

جراند ماركيز 97 @user_231425 صاحب الموضوع · 06-08-2010

يعطيكم العافية وماقصرتو ومعليش تاخرت عليكم بس غيرت مساعدين خلفية مونرو وذراع دودة واقمشة امامية وخلفية موتو كرافت وان شاء الله الأمور طيب واللي ركبهم لي رجال شكله يخاف الله وحبيب كلها 350 وكان معها جد شكمان بس قلتله خلها بالنسبة لوزن الأذرعة والمقصات قالي خلها اسبوع وبعدين عشان تاخذ راحتها الجلد

بالنسبة للمكيف والله انه علة قفلت الهواية لانها طلعت مفتوحة وعبيت فريون فرق شي بسيط معي بس مو ذاك التبريد وبفر صناعية جدة لأن أعرف ويش علة هالمكيف

وبيض الله وجيهكم

احب ترابك يانجد @user_172202 · 01-08-2010

هلابك اخوي ووجهك ابيض مشكلتك هواية يااخوي لان كل اللي رحت لهم ما انت ماجابو سيرة الهوايه ولاضمن لك شغله من الاساس هو عارف المشكله وقليل من يشتغل بذمه يبي يشتغل وياخذ فلوس وبس وبالنهايه يقول مااعرف والهوايه هاذي يبي لها واحد تمام لانه راح يفك الديكور والمشكله ماكل يضمن شغله فيها واقل راح يكون شغل يده ب250 ريال وطالع والله يكون بعونك
من ناحية الاذرعه والمقصات وعموم بطن الموتر انا راح اعطيك اسعار القطع مع شغل اليد بالتقريب للسعر ولكن اذا كانت تعبانه من الافضل انك تغيرها:
1- الركب(الجوزات) نوعين: 1 تحت وسعر الاصلي ب160 ريال للواحدة وشغل اليد 100 اذا مااحتاج للمخرطة 2- فوق ب 140 ريال الاصلي تركيب اللي فوق ب100 وتحتاج لوزن
2- الاذرعه القصيرة 4اذرعه الواحد ب80 ريال الاصلي والوصلتين ب50 ريال الاصلي تركيب كامل ب100 بدون الوزن مع الوزن 150
3- ذراع الشاص ب140 ريال الاصلي 40
4-ذراع الدوده(الدركسون) ب190 الاصلي 40
5-مسامير التوازن الطقم ب130 ريال 50
6-جلد مقصات فوق ب4 قطع ب 120 نوع موج ب80 ريال
7-جلد مقصات تحت ب180 شغل اليد ب150 بدون شغل المخرطه
(((ملاحظة اي قطع تريد تبديلها يوجد نوعين نوع يشحم ونوع لايشحم النوع اللي لايشحم هذا له مده محدده مثلا خمس سنوات ولازم تتبدل النوع الذي يشحم هذا يحتاج ان يشحم مثلا كل شهرين ولكن يدوم معك فترة طويله بأذن الله تصل الى عشر سنوات دون ان يحصل بها فضاوة او تتقطع جلدها ولكن تبي مواظبه بالتشحيم اقل شي تخليها 3 شهور بدون تشحيم مومعناته انك لوماتشحمها راح تخرب لا راح يقل عمرها عشان ماتحتار وش تغير هل بمشاحم او بدون مشاحم وانا من رايئ المشاحم افضل))) وبالتوفيق للجميع.................

أبو ورد @user_62422 · 01-08-2010

السلام عليكم
بالنسبة لجلد المقصات والجوز لن يعطيك الخبر اليقين في إستبدالها أو عدمه بعد الله إلا محلات مراكز الخدمة للإطارات المتطورة مثل مركز خدمة البرجستون أو القحطاني للكفرات ((أو غيرهم لديهم الأجهزه التي تعمل على الكمبيوتر)) لأن عندهم الأجهزة المتخصصه لكشف عيوب المقصات والأذرعه وكذلك الجوز وفي هذة الحاله راح تبان لك الأمور أكثر لأنك لو رحت إلي مركز لوزن الأذرعة ولكن لا يملك الأجهزه الخاصه لوزن الجوز والأذرعة فلن يزن لك السيارة ابدا... وممكن لو غيرت الجوز العلوية والسفلية مع جلد المقصات مع ذراع الشاص + مسمار التوازن عدد 2 مع التركيب والوزن راح تكلف تقريبا 1500 ريال القطع أصلية ماعدا جلد المقصات ماركة موج
(( نصيحة من فني ميكانيكي في وزارة الصحة ببيشة ))*

جراند ماركيز 97 @user_231425 صاحب الموضوع · 01-08-2010

يعطيك العافية أخوي وماقصر وبيض الله وجهك وعالعموم المكيف اللي عندي فرار وفعلا أي ريحة من برة تدخل عندي أو أتوقع المشكلة من هواية المكيف مع انو مرة محد جابلي سيرتها من الورش اللي مريت عليها .......
ويعطيك الف عافية مرة ثانية ولاودي أثقل عليم بس عندي مشكلة ثانية وهي بجلد المقصات والجوزات في ورش تقلي معدومة لازم تتغير وفي ورش تقول لا كويسة وتمشيك بعد فترة علما اني شاري سياة توني وانا من محبي الماركيز والفكتوريا ال97 ويبغالي اشتغل عليها شوي والمشكلة اني سياراتي كلها قبل كانت وكالة فما أعرف لاورش ولاغيره

احب ترابك يانجد @user_172202 · 31-07-2010

هلابك اخوي وياهلابك بالمنتدى ان شاء الله راح تستفيد من اخواني المشرفين والاعضاء انا راح اخش بالموضوع وبأطول عليك بالكلام تحملني وراح اعطيك الحل وصنف مشكلت واعرف الحل وش خربان عندك
1- الكمبروسر:
اذا كان يهرب فريون كيف اعرف من حاجتين اما تحصل نقص بالفريون مثلا كل شهرين او ثلاثه تزيد الفريون او من الصوت اذا حصلت للكمبروسر صوت ونة اعلى من صوت المكينه.
2- اذا الكمبروسر تمام والتبريد يعني مو ذاك الزود يبي لك تفرغ الهواء وتعبي زيت اصلي مع فريون اصلي وفلتر بنفس المواسير.
3- دفع الهواء اذا كان ضعيف سواء بالممشى او بالوقوف نفس الشي عندك الثلاجه وسخه وفلتر الثلاجه تعبان وهذا نادر يحصل بالسيارات الامريكيه عادة يكون فلترها بنفس الثلاجه ويصعب فكها.
4- اذا كان بالكمبروسر ضعف كهرباء او مشكلة بالكهرباء التابعه له دائما وانت تمشي يبرد فترة وفترة يرجع يطلع هواء حار واذا رفعت رجلك عن الدعسة ودعست ثانيه يعود يبرد هذا اذا كنت ع دعسة وحدة مثلا ع طريق طويل.
5- اذا الهواء يخف دفعه كلما زادت سرعتك عندك هوايه المكيف خربانه ويبي لها واحد يشتغل صح لأنه لازم يفك الديكور كيف تتأكد تحصل اي غبار اي ريحه تدخل عليك بالسيارة لذلك الهواء يضيع مع زيادة السرعه (واعتقد ان هاذي مشكلتك ودائما تخرب بمكيفات الفورد من 95 الى 97لكن ياليت تفيدينا اكثر هل المكيف عندك لمس اوعادي ((فرارات)) عشان تختصر علينا ونقدر نفيدك اكثر اذا كان فرار وعندك نفس اللي ذكرت لك المشكله من الهوايه اذا كان لمس احتمال من الربله اللي بنفس القطعه وهاذي المسئوله عن توزيع الهواء ودائما تخرب وان شاء الله اخواني الاعضاء يفدونك اكثر مني) وبالتوفيق للجميع.