اسعار ارخص السيارات العائليه

[alzakri]

السلام عليكم ورحمه الله وبركاته

كيف الحال جميعاً

يسعدني المشاركه معاكم في المنتدى
وانا محتاج مساعدتكم ياليت تفيدوني


قبل كم شهر جبت سائق للعائله
واشتريت سيارة مستخدمه لكن السيارة خربت

قلت خلك عن السمتخدم وانتقل للجديد

وانا ادور عن سيارة اقتصاديه وتكون امريكيه او يابانيه وتتسع لسبع ركاب
او باص 15 راكب

دخلت على موقع تويوتا ولقيت الاسعار وابي اعرف اسعار باقي الوكالات

طبعاً ما ابحث عن السيارات اللي اسعارها مرتفعه السياره اولاً واخيراً راح تكون في يد السائق

وكمان ما ابي مواصفات اهم شيء سيارة يعتمد عليها يعني لما تنقل الاسعار لا تعطيني سعر الفل عطني اقل مواصفات اهم شيء في سيارة السائق المكيف بارد والباقي مومشكله

فياليت اللي يعرف اسعار السيارات العائليه اليابانيه والامريكيه يزودني بالسعر واكون له من الشاكرين

تحياتي

[خيال حر]

وعليكم السلام ورحمة الله وبركاته
اخوي افضل سياره للسواق وعائليه هي الانوفا من تويوتا سياره تتحمل لان محركاتها تقريبا نفس محركات الهايلوكس حتى دفعها خلفي وسعرها معقول لكن عيبها غير مريحه نسبيا
ولا تنسى الاستخاره والله يكتب الي لك فيه الخير
وهذا رابط انوفا من موقع الشركة بالمواصفات والاسعار وانصحك تاخذ من الوكلاء تلقاها ارخص بحدود الفي ريال وموفق ان شاالله
http://www.toyota.com.sa/modelsprices.asp?model_id=13

[alzakri]

مشكور اخوي على النصيحه
وانا حاط هذي السيارة في بالي لكن ابي ابحث قبل ما اقرر

تحياتي

[m.l.k]

السواق افضل انك تاخذ لك يوم تفر فيه بالمعارض الي عند خريص
مليانه سيارات هناك وتلقى جديد ومستعمل خفيف وباسعار معقوله

[alzakri]

الظاهر اني بسوي كذا خصوصاً ان السيارة بس تطلع من الوكاله يطيح من سعرها كم الف وكذا نكون حصلنا على سيارة اخت الجديده وبسعر مناسب

شكراً على النصيحه

[mhamed ibrahem]

يالطيب تبي سياره عائليه مالك الا كيا كرنفال معروفه وتقريبا اغلب السواقين يستخدمونها سياره عائليه بمعنى الكلمه وتشيلك سبع ركاب

[mfromfro]

اذا لقيت سيكويا 2009 نظيف واذا عندك قريشات خذها بدون تردد

سعرها وكالة كان 126000 ريال وذا مستعمله اكيد بيطيح لك كم الف

وسع وراحه وقوه وخفة في السياقة والانعطاف والدوران

الانوفا حلوه رخيصه بس ضيقه جدا صوت محركها مزعج وغير مريحه

[الامل البعيد]

اخوي شف اذا تبي كوري هونداي h1
كيا كرنفال
او تويوتا انوفا