محتار بسيارة دفع رباعي ( طالب جامعي )

[Helsom]

بسم الله الرحمن الرحيم


السلام عليكم ورحمة الله وبركاته


اخباركم شباب ؟ عساكم طيبين ان شاء الله ..


لي فترة احوس في المنتديات ادور على سيارة وابوي مصر على 4×4 دورت على كذا سيارة شبابية وتنفع لمشاوير الجامعة خصوصاً انها اول سنة لي وراح افرفر في الجامعة واحفظ الطرق ..


السؤال الحين انا اللي داخل مزاجي الFJ و رانجلر .. حبيت اعرف سعر كل واحد فيهم وايش الأفضل فيهم ..

اذا كان فيه خيار آخر ينفع لي ياليت..

بالتوفيق وانتظر ردودكم " لاني فعلاً محتار وغشيم في السيارات ..

[@@@ الولهان @@@]

وعليكم السلام ورحمة الله ..

انصحك من تجربه للموترين .. وبدون تردد الاف جي .. لانه

اقوى واوسع ووكيله افضل وقطع غياره ارخص والامان بعد الله افضل من الرانجلر السعودي ..

مواصفات الاف جي
6 سلندر 258 حصان 4000 سي سي <== ماني متاكد من الاحصنه
مسجل 6 سيديات + mp3+wav
مدخل aux
9 سماعات مع مضخم صوت بالشنطه subover
الايرباقات في الفل 6 والاستاندر 2 ..
حساسات خلفيه
كاميرا خلفيه
هوك للسحب
تحكم دركسون
دركسون جلد
ارضيه ومراتب ضد الاتربه والاوساخ وسريعه التنظيف
دف لوك
تراكشن كنترول
ABS
VSC <== اظن كذا اسمه وهو تبع اللفات
وكيله عبداللطيف جميل
ضمان 4 سنوات او 100 الف كم
سعره من 108 الى 120 الف
واهم ميزه وهي 3 مساحات اماميه

بالنسبه للرانجلر الي اعرفه

انه يجي بشاشه مع كامل المواصفات بدون كاميرا خلفيه مع سي دي واحد
بدون تحكم دركسون وبدون دفلوك ..
التنده فيبر
بدون حساسات
باب واحد
6 سلندر 3800 سي سي 199 حصان
وكيله المتحده
ضمان 60 الف كم
سعره قبل فتره كان 105


وبالاخير انصحك نصيحه اخ تاخذ الاف جي ((( لو كانت الاختيارات فقط رانجلر او اف جي .. فالاختيار الانسب (من وجهه نظري)هو الاف جي


والف مبروك مقدما .. وعذرا ع الاطاله

[أبونوووواف]

انا من وجهة نظري اف جي

ورح جرب الاثنين اجرهم من مكتب التاجير واحكم موفق

[@ابوابراهيم@]

وعندك الفورتشنر 6سلندر vx جيد وجربه يمكن يعجبك

[The Electrician]

كلا السيارتين تستهدف قطاع الشباب وكلها مصممة عشان تقبل التعديل

وكلها مخدومة بشكل يفوق الوصف قبل من شركات التعديل

كلا السيارتين الفل حول 120,000

بس FJ أقوى محرك وأنعم وأهدأ في الركوب وأكثر فخامة وأفضل تجهيز ووكيله أفضل وقطع غياره أرخص

النصيحة حدد تجربة قيادة والاستخارة

ومبروك مقدما

[mfromfro]

فكر في الباث من نيسان حلو ومريح وقليل اعطال

ويخدم حتى بعد الزواج ان شاء الله واوسع من الـfj

[أبو ديـــــالا]

بحكم إنك طلبت نفيدك إذا فيه خيارات أخرى مناسبه

أنا أشوف تشوف إكستيرا

الـ fg حلو لكن باب واحد

الإكستيرا بابين وأتوقع مكينته أقوى ورسمي أكثر

ولو تشوف الكروس أوفر يكون أفضل ( راح تكون دفع رباعي ) يعني زي الدبل الخفيف

مع تمنياتي لك بالتوفيق