رخيصة ولها دبل وتجمل بس لازم 6سلندر "ترشيح"

vlvl · 2010-07-18T09:55:57+03:00

اتمنى من الاخوة ترشيح سيارة دفع رباعي يكون سعرها رخيص نسبيا (تحت المية الف 100000)ولها دبل وتكون 6 سلندر وعلى الاقل تاخذ 5 سنوات بنزين وزيت لعائلة من اربع افراد ونسبة الامان متوفرة فيها طبعا طلوع البر متوسط ومريحة في الخطوط والمدينة ولا تهم الشركة.

+KoRn @user_19776 · 19-07-2010

باجيرو سبورت جديد حول 100الف ريال

@ابوابراهيم@ @user_215344 · 18-07-2010

عندك ناتيفا من ميتسوبيشي واذكر انها تحت الـ100 الف
واظنها 6 سلندر وتكفي لخمس اشخاص ..

ابو سعد 1 @user_163510 · 18-07-2010

سياره بـ 100000 ريال اضغط على نفسك و زيدها شوي

اكسبلورر :xyxthumbs:

راحة امريكيه

باث فيندر :xyxthumbs:

لكن الله يعين الي بيركب في المقعد الخلفي بيتعب لانه ضيق مره و هذا عيب قوي
في الباثفيندر

ميتسوبشي باجيرو 3.5 :xyxthumbs:

واسع و قوي و بتاع كله و 113000 ريال ان بغيته بخط و ان بغيته بمدينه و ان بغيته
في البر ما يحتاج لكن فيه قساوه شوي

و لو عندك زود كان قلت لك برادو VX1

ألتيما اليتيما @user_32524 · 18-07-2010

السلام عليكم

نصيحه لا تطلع من أثنين

فورد أكسبلورور أو باث فايندر

تحيه طيبه

ابـو الـخـل @user_164703 · 18-07-2010

تويوتا فورتشنر او فورد اكسبلورر

وانا اميل للاكسبلورر مع انه بيتغير السنه الجايه

(فيزا) @user_96624 · 18-07-2010

موهافي ستاندر اول فئة سعرة 102000 كاش

مواصفات ومحرك

اكسبلورر
ممتاز وخدوم ولة شعبية

متسوبيشي ناتيفا في حدود 75 الف بس ضيق

كيا سورنتو الجديد
مواصفات ومحرك ممتاز بدون دبل ثقيل

fhad2007 @user_69277 · 18-07-2010

اذا تبيه بر متوسط واهم شئ يكون مريح وواسع و6 سلندر
وما يهم فل او نص فل وبحدود 100 الف وما عندك مشكله
باي شركه مصنعه ..... فارشح لك اولاً الفيراكروز من هيونداي
وبعدها السنتافي وعلى موديل 2011 الي راح يتغير فيه شكل
هالسيارتين ... وبعدهم الاكسبلورر 2011 الي ايضاً راح يتغير
فيه CR-V من هونداء بس انها 4 سلندر لكنها الاقوى في فئتها بـ 187 حصان
ودفع رباعي مستمر

والله الموفق سبحانه

The Electrician @user_85890 · 18-07-2010

تحت 100,000 وبدبل خفيف وثقيل وجديد و7 ركاب وستة سلندر

مالك إلا الفورد الاكسبلورر

ولو مش محتاج الدبل الثقيل (أنا أعتقد إن الدبل الثقيل ضروري)

فعليك بالميركوري الماونتينير (ولد عم الاكسبلورر بس أفخم وأرخص منه وبدبل خفيف فقط)

عشقي شيروكي @user_189941 · 18-07-2010

ف

فيصل الخالدي

انحش عن الاكسبلورور والسيارات المقلدع غلى سيارات الدفع الرباعي

سانتافي واكاديا والطقه هذي كلها ماتنفع لك ابد

اضغط على نفسك وخذ لك تاهو 2009 مستخدم دبل ب120 ولا 115 واستانس عليه

أنا متأكد انك ما جربت الاكسبلور اكيد جايب معلوماتك من وكالة يقولون
أنا مجرب الاكسبلور بصراحه اثبت انه سياره رائعه وقويه ومريحه ودبلها أكثر من ممتاز
جربته في عقاب غير مسفلته وكان ممتاز صحيح انه ما يقارن بدبل التويوتا بس والله انه يجمل
عزيزي أنا أنصحك وبقوه بالاكسبلور طبعاً من تجربتي الشخصيه..

ابوراما81 @user_178550 · 18-07-2010

أخي الكريم أنا كنت مثل وضعك أبحث عن سيارة دفع رباعي قوية وستة سلندر

وفي حدود المبلغ اللي ذكرته

وبحثت ولفيت وسألت كثير وعزمت على باثفايندر نيسان في حدود 116.000

مواصفاته حلوة دبل وكاميرا خلفية وجنوط وكشافات وشاشة معلومات

وكملت اوراقي مع الشركة ونزلت للمعارض مع أحد الزملاء ولقيت جيب سوزوكي جراند فيتارا

ستة سلندر وجلد وجنوط 18 وفتحة سقف وماكينة جبارة على حجمه 3.2 بقوة 230 حصان وصناعة يابانية 100%

جودة ماعليها كلام انا جربت سوزوكي بالينو عام 97 والله جلست معي خمس سنين ماتطلب شي

و الجيب مناسب لعدد افراد اسرتي اربعة افراد وبسعر ممتاز 86.000

وسمعت من شخص قريب لي بالمعارض يقول ان الفيتارا الابيض مرغوب ويمسك سعره

لو احتجت لا سمح الله واظطريت تبيع

والحمد لله استخرت واستشرت واتوكلت على الله واخذت واحد بسعر 85.500 يوم الاثنين الماضي

واليوم الاحد وديته للصيانة صيانة الف كيلو

والجيب بسم الله ماشاء الله ماعليه كلام راااائع الله يعطيني خيره ويكفيني شره

والله يقدم لك مافيه الخير ولاتنسونا من دعواتكم الطيبة

فيصل الخالدي @user_171341 · 18-07-2010

انحش عن الاكسبلورور والسيارات المقلدع غلى سيارات الدفع الرباعي

سانتافي واكاديا والطقه هذي كلها ماتنفع لك ابد

اضغط على نفسك وخذ لك تاهو 2009 مستخدم دبل ب120 ولا 115 واستانس عليه

Ahmad Al-Sabban @user_134747 · 18-07-2010

راف فور 2010

الفل اوبشن 95 الف ريال

ميزااااااااااات واماااااااااااان >>>>><<<<<< شريطي ههههه

لكنه اربعة سلندر

وانا ماني من الخبراء لكن ما اشوف حكاية اربعة او ستة سلندر بتفرق كثير

راعي الآزيرا @user_121068 · 18-07-2010

أرشح لك السانتافي 3.5 الجديد

السيارة تغيرت قليلاً من الخارج عن الموديلات السابقة
وأحلى ما فيها محركها الرائع الـ 3.5 و القير الجديد الـ 6 تعشيقات
ورساوتها رائعة على الخطوط و أدائها مرضي بالبر إذا استثنينا الأماكن الصعبة و الوعره ( بحكم تجربتي لها بمحرك الـ 2.7 )

بس يعيبها قساوتها بسبب حجم الجنوط الـ 18 إنش

vlvl @user_199157 صاحب الموضوع · 18-07-2010

ف

فـهـد1

اتوقع ياأخي الكريم على مواصفاتك المطلوبه هو الفورد الاكسبلورر
تحت المائة الف ريال و6 سلندر ومريحه ومناسبه للعائله وغير مكلفه
ووكيلها معروف وجيد ومناسبه للبر بطلعات متوسطه ولها دبل خفيف وثقيل

أتمنى اني قدرت افيدك ,, وان شاء الله باقي الاخوان ماراح يقصرون معك
بالتوفيق عزيزي ,,

بارك الله فيك ما قصرت

~

~ ســ ع ــــد ~

فوورد اكسبلورر..ومافي غيرو :>

f i n e

بارك الله فيك وننتظر بقية الاراء

ق

قسورة

اذا طلعات للبر خفيفه
أنصحك 8 سلندر تاهو \ يوكن
و للعلم يصرف أقل من 6 سلندر اذا تقوده بهدوء

برادو أو لاندكروزر للإستعمال السيء بالبر

بارك الله فيك بس السيارات اللي ذكرتها غالية شوي انا ابغى تحت المية الف وموديلات حديثة 2009 و 2010 و 2011

~ ســ ع ــــد ~ @user_141067 · 18-07-2010

فوورد اكسبلورر..ومافي غيرو :>

f i n e

فـهـد1 @user_217778 · 18-07-2010

اتوقع ياأخي الكريم على مواصفاتك المطلوبه هو الفورد الاكسبلورر
تحت المائة الف ريال و6 سلندر ومريحه ومناسبه للعائله وغير مكلفه
ووكيلها معروف وجيد ومناسبه للبر بطلعات متوسطه ولها دبل خفيف وثقيل

أتمنى اني قدرت افيدك ,, وان شاء الله باقي الاخوان ماراح يقصرون معك
بالتوفيق عزيزي ,,

قسورة @user_61437 · 18-07-2010

اذا طلعات للبر خفيفه
أنصحك 8 سلندر تاهو \ يوكن
و للعلم يصرف أقل من 6 سلندر اذا تقوده بهدوء

برادو أو لاندكروزر للإستعمال السيء بالبر