هل سمعتم عن عرض الحمراني لبطل الدروب ؟؟ عرض غريب

ياجماعه والله بلشه انا اشوف العرض لانه قبل مده سالت عن الباثفندر في نيسان
المهم قالي تدفع سبعين الف وخمسميه وخمسين ريال شامل كل شي وبعد ثلاث سنوات تدفع ستين الف صراحه بدون اي شي كنت باخذه بس للاسف راح الجيب

هلا باخوي عمر،
نعم من الطبيعي ان الحمراني يبي يضمن حقه بالتامين وغيره وعرضه هذا يعتبر اقوى عرض يقدمه وكيل سيارات سعودي
لكني سمعت ان العقد الذي يقدمه الحمراني افتي فيه الشيخ المنجد وبين سبب التحريم من جهتين
الاولى ان التامين يجب ان يكون على الحمراني وليس على الزبون لانه ضامن لسلعته
الثانية ان الصيانة ايضا على الحمراني وليست على الزبون

وهذي مستحيل يسويها الحمراني او غيره
لكن
الله يغنينا بحلاله عن حرامه

كيف ما تبي تدفع تأمين ؟؟
مو انت اللي بتستخدم السيارة .. يعني انت مستفيد من التأمين والحمراني يبي يضمن حقه ..
لو سواها بدون تأمين كل الناس قبعوا بمواترهم ورجعوها عليه .. وقابلني اذا طلع بحقه ..

هذي مشكلة يااخوي ..
تنتقدون الوكلاء ليش ما يسوون عروض .. واذا سووا عروض حسبتوها بالريال عليه ..
اسألك بالله في عقد تأجير ما فيه تأمين شامل ؟؟!!
بعدين من المستفيد من التأمين الشامل موب انت ؟؟
انت مستفيد والوكيل يبي يضمن حقه .. في كل الوكالات وكل دول العالم .. التأجير لازم معاه تأمين لضمان الحقوق ..

عرض الحمراني اشوفه من افضل عروض الوكالات السعودية بالسنين الاخيرة .. ما عمرنا سمعنا عن عرض بهذي القوة ..

الغريب يا اخوان انه ليش يدفع التأمين الي يبي يستخدم السيارة وهي باسم الحمراني؟ يعني بما انها راح تكون خلال المدة هذي ملك للحمراني ليش ما يتحمل هو التأمين؟

انا ادفع تأمين لسيارتي الي اشتريها كاش او تقسيط المهم انها ملك لي لكن ما يفترض اني ادفع تأمين لسيارة ملك للحمراني.

بالنسبة للعرض ابو 50% مناسب جدا للي راتبه اكثر من 10.000 ريال

شكرا لك

السلام عليكم ورحمة الله وبركاته ..

مشكورين على الموضوع والله يعطيكم العافيه , عندي توضيح لعرض الحمراني وهو كتالي:

هناك عرضين له 50% و 25% وسوف اتكلم عن عرض 25% لسيارة الباترول

لتوضيح العرض بشكل اكبر افتراضاً ان سعر الباترول الجديد 200 الف ..!!

تدفع مقدم 50 الف ثم تقوم بالتقسيط لمدة ثلاث سنوات مبلغ 2200 ريال شهرياً بعد إكتمال المدة يتبقى من المبلغ حوالي النصف هناك لك خيارين اما قطع الاقساط وإرجاع السيارة ( اتوقع القليل سوف يلجئ لمثل هذا الخيار لانك تكون دافع النصف) الخيار الثاني تقوم بدفع نصف باقي المبلغ حوالي 50 والباقي تقسطة على سنتين ولكن سوف يختلف مقدار القسط على حسب تأمين السيارة ..
سألتهم هل العقد جائز من الناحية الشرعيه قال لي مندوب المبيعات نعم مجاز وعليه ختم الهيئة الشرعية ويجب على الجميع التأكد من ذلك كي لا تكون عرضه للحرام لا سمح الله ..

وهذه المعلومات من نفس الشركة لي شخصيا .. هذا والله اعلم ..

اعتقد انك فاهم العرض غلط يا اخوي

هم عندهم عرضين الاول انك تدفع نص قيمة السياره وبعد 3 سنوات ترجعها او اذا جازت لك تكلم قيمتها وتخليها معك

والعرض الثاني انك تدفع 25% من قيمة السياره والباقي اقساط لمدة 3 سنوات


طبعاً العرض هذا فيه سرقة انا فكرت فيه وقمت اطقطق عليه وحسبت الصني ( عشانها ارخص سياره) هي قيمتها جديده 41 تقريباً او 40

يعني النص 20 الف .. بعد الحسبه طلعت علي لمدة 3 سنوات بـ 27 مع التأمين الشامل وهذا شي غصب عنك ما تقدر تغيره

والتأمين للصني الشامل سنه وحده بـ 2300 ريال وقس ذالك على الباترول 120 الف نص السعر مع التأمين اتوقع انه راح يوصل ال 140 الف هذا ان ما زاد

كلامك صحيح

لكن فيه من رواتبهم عالية و يعتبر هذي فرصة ذهبية بالنسبة له

خصوصاً من يهوى التجديد

لكن للموظفين اللي رواتبهم متوسطة و أقل
أعتبر دفعه لمثل هذا المبلغ حماقة كبيرة سيندم عليها

هل استطيع إلغاء التأمين من شركة الحمراني

و اشترك بتأمين جديد لدى التعاونية ؟؟

التأمين !!
و ليس الضمان لأن الضمان مستمر غصب عن الوكالات

اعتبره عرض غبي ادفع 100 الف وذا ما جازلي الموتر بعد 3 سنوات ارجعه اجل ايش الفائده راحت فلوسك ياصابر وبدون موتر وللمعلومه ياشباب لا يغررو فينا بهذه العروض البايخه ونحنوا من يدفع الثمن انتبهو ثم انتبو نصيحه اخ لاخوانه

عرض حلو

سارعوا الى صالات العرض

الظاهر عدد الكيلوات الللي تمشيها محدد برقم معين ما يزيد عنه

أشكركم على ردودكم و اثرائكم للموضوع

قمت بعملية حسابية لو انك تريد ان تدفع 100 الف فقط لكي تكشخ أمام الناس مدة 3 سنوات :)

يعني لو قلنا انك لمدة 3 سنوات مستأجر سيارة راح تدفع كل يوم 100 ريال

بالضبط نفس الشيء للباترول

الايجار اليومي 100 ريال خلال 3 سنوات تكون صرفت عليه 100 الف ريال

وانا سمعت ان ترجع السيارة بشرط لايزيد العداد عن 90000كم

يالغالي العرض .. مختلف شوي .. أسااسا العرض .. أنك تدفع نص المبلغ .. في الدفعة الاولى .. والدفعة الثاانية (( بعد 3 سنواات )) النصف الثااني ..

وتدفع مع الدفعة الاولى .. التأمييين الشاامل .. >> هناا المشكلة اناا رحت الوكاالة واستفسرتت .>> لكن الدفعة الاولى .. مع التأميييين

عااالية جدددددا .. شااكر لك

العرض جيد للي ناوي يشتريه ولا عنده قدرة يدفع المبلغ كامل
اما اللي يبي يستخدمه 3 سنوات ويرجعه 100 الف كثير..

حياك الله اخوي الغالي

بصراحة عرض راااائع جدا ، واتمنى انه يكون لايزال مستمر .

اخوك محمد الحربي
VIP 111