ما مدى رضاك عن نظام ساهر ؟!

انا مؤيد له بنسبة 100% و راضي عنه بنسبة 90%

من ناحية الناس الي يتذمرون ويقولون بس يسحب فلوس و ما همه الا الفلوس

انا ارد عليه و اقول له

شف النظام على ايش يعطيك مخالفات !!!

يا على سرعه يا قطع اشاره و غيرها من المخالفات و كل هذا في مصلتحك في حفظ نفسك و حفظ حياة من معك من الركاب

و اذا كنت ما تهتم من الركاب الي معك ... طيب اهتم من الركاب الاخرين

فيه منهم الدكتور الي في يوم من الايام راح تحتاجه و فيهم العالم و الشيخ و فيه منهم الصالح

يمكن بأهمالك و مسوي (زاحف) و تقطع الاشاره و الا تسرع وتصدم احد و يموت وانت السبب

في هذي اللحظة تذكر كم له من قريب و كم له من صديق و كم للعائلة من اصدقاء و قرابه و اصدقائه كم لهم من صديق و كم لهم من قريب

فكر ان كل هالناس يدعون ربهم ينتقم منك عشانك حرمتهم من شخص يحبونه


عشان توضح لك الصوره اكثر

طبقها على نفسك

و تخيل اخوك و امك او امك و ابوك في سياره طالعين مشوار و جاهم واحد (زاحف) وصدمهم و توفو في لحظتها

فكر انك ترجع البيت ما تلقى الا خبر وفاتهم

تخيل انك تروح تصلي عليهم و تدفنهم

لو عندك ولد تخيل تحرم عينك من شوفته عشان واحد متهور


نترك الاشخاص الاخرين و نتكلم عن نفسك

كل شخص هنا له ام و ابو

له اخ و اخت و صديق و اقارب وله الكثير من الاشخاص يحبونه و يحبهم

تخيل انك تقول لصديق كلمه ما لها داعي و تجي في خاطره و يزعل عليك !! وش راح تسوي

اتحداك ان كنت بترتاح في نومك و الا في حياتك

و هذا هو صديق وزعلته بكلمه مع انك تقدر تصلح غلطتك

بس اذا توفيت انت في حادث .. وشلون راح تصلح غلطتك

فكر في صديقك و في ولد عمك وش بيكون ردة استقبالهم لخبر وفاتك

فكر في حالهم

امك و ابوك الي ينتظرونك في البيت !! ما يوصلهم الا خبر وفاتك في حادث

ابوك و امك بيتمنون ان الي صار لهم الحادث هم مو انت

يتمنون تعيش احلى عيشه ولو على حسابهم

---------------------------------------------------
على العموم طولت عليكم في الكلام

وهذا الكلام للي له عقل و يشوف كل شي بالعقل

و الي ما يقبل النصيحه مالي الا اقول (الضرب في الميت حرام)

تقبل مروري يا صاحب الموضوع واسف على الاطاله